Karamunting

?Melastomataceae
Karamunting Tibouchina semidecandra di Strybing Arboretum, San Francisco
Karamunting Tibouchina semidecandra di Strybing Arboretum, San Francisco
Klasifikasi ilmiah
Karajaan: Plantae
(tidak termasuk) Eudicots
(tidak termasuk) Rosids
Ordo: Myrtales
Famili: Melastomataceae
Juss.
Genera

Itihi tungkaran.

Karamunting ngaran banyak macam tanaman nang tamasuk ka kulaan Melastomataceae, mamarina tanaman bakambang. Nang disambat karamunting tu bisa Melastoma malabathricum, Rhodomyrtus tomentosa bisa jua tamasuk Ochthocharis bornensis nang asli Kalimantan. Pariannya masih banyak (itihi daptar parian di bawah). Karamunting ada zat antioksidan-nya, nang dianggap kawa mambuang wisa.

Tanaman ngini matannya Asia Selatan duwa Asia Tenggara nang jadinya malah taucir ka dairah trupis wan suptrupis sampai ka dairah nang bakatinggian 2.400 m. Karamunting rancak dijual urang di pasar tradisiunal wan baisi ngaran lain nangkaya Piduduk, Masisin (Banjar), Kalamunting (Pekanbaru), Haramonting (Sumatera Utara), Harendong Sabrang (Jawa Barat),[1] kernuduk atawa keraduduk (Bangka Belitung).[2]

Karamunting dirikumindasiakan gasan ditanam di lahan bakas tambang timah, sakira maumpani tanaman lain umpat tumbuh[2] atawa tambang aluminum.[3]

Parawakan

[babak | babak asal-mulanya]

Karamunting ngini matan tanaman saluh bakayu nang tamasuk ka kulaan jajambuan Myrtaceae. Karamunting tumbuhnya tamasuk hancap duwa tingginya sampai 4-12 m.

Akar

[babak | babak asal-mulanya]

Akarnya tamasuk ka akar banir nang bacikang, marga bantukannya karucut panjang nang tumbuh kujur ampah bawah lawan juwa cikangnya baisian anak cikang pulang sampai satarusnya.[4]

Batang

[babak | babak asal-mulanya]

Karamuntingn babatang nang kalihatan jalas bakayu nang parawakan tagah. Kulimbit batang lamun dijapai tarasa barambut halus lamunnya sudah tuha batangnya bakarak nangkaya takalupas. Tumbuh ampah ka atas tarus duwa kujur nang bakalir cuklat hijau nang masih anum lamun batang nang tuha bakalir cuklat.[4]

Daun

[babak | babak asal-mulanya]

Daunnya kasar, dumul sampai curing di hujungnya lawan tangkingnya malibar. Andakan daunnya bahadapan, juring, atasnya bakalir hijau mancilang, bawahnya habu ruku babulu. Panjangnya bisa 5-7 cm wan libarnya 2-3,5 cm.[1] Pangkal daunnya bapasak, pinggirinya rata wan tulangan daunnya manyirip lawan talu urat daun kandal.[4]

Kambang

[babak | babak asal-mulanya]

Kambangnya bisa saurangan atawa sakali banyak 2-3 kambang, diamitir 2,5-3 cm nang kalirnya bamamacam mulai habang anum sampai bigi ramania. Banang sarinya banyak duwa kada babau.[1]

Buah

[babak | babak asal-mulanya]

Buah karamunting bantukannya pina manjuring nang panjangnya 1-1.5 cm. Lamun handak masak, kalir buahnya baganti matan hijau jadi habang kacuklatan sampai hirang. Kulimbit buahnya nangkaya baludru. Buah nang masak bakalir bigi ramania, pina linak nang baisi 40-45 bigi didalamnya. Daginnya nangkaya buah anggur namun takasat, kada tapi babanyu duwa rasanya manis[1] tagal buah nang anum rasanya kalat.[5]

Buah karamunting nang masak rasanya nyaman diigut duwa sigar manis wan banyak mangandung pitamin wan miniral. Tagal kulimbit buahnya kanda lamun hudah masak kulimbitnya jadi limir wan kawa umpat dimakan juwa baimbai daging wan biginya. Buahnya nang hudah masak kawa langsung dimakan atawa diulah jus, salai, dudul wan wadai karing lainnya.[6]

Wadah tumbuh

[babak | babak asal-mulanya]

Karamunting tumbuh subur di wadah tabuka nang banyak takana matahari, rancak di tanah bapasir, di pasisir pantai atawa higa susungaian. Tanamannya nang tahambur ngini dibantui lawan burung gasan maucir bibitnya, juwa marga daya lacuknya nang hancap tumbuh. Karamunting katuju tumbuh di tanah masam dan jadi pancirinya[7], tamasuk kuat juwa tumbuh di tanah pasir nang masin lawan hancap tumbuh imbah kagusangan. Karamunting ngini tahan juwa lawan panas duwa baah, lawan inya ngini dimana tumbuh maka tanaman lain kada kawa basaing tumbuh.[1] Jadinya disambat sawagai gulma marga hancap banar tumbuh alahan pada tanaman di hihigaannya.[5]

Karamunting biasanya ada juwa tumbuh bakalumpuk di atas bukit nang biasanya marga banyak mangandung lugam utamanya aluminium. Karamunting cagaran mahimpunakan lugam ngitu di akar duwa batang agar supaya halalang kawa tumbuh imbangnya duwa tanaman lainnya umpatan juwa.[3]

Kagunaan

[babak | babak asal-mulanya]

Akar Karamunting dipakai gasan urang nang bananah sakira lakas ampih, kawa juwa sawagai pangalir hirang alami gasan alis duwa gigi. Daunnya dipakai gasan tatamba diabitis,[8] daunnya dimamah imbah tu diandak ka luka gasan maampihi lawan kawa juwa gasan mambuang wisa. Lamun buahnya dimakan gasan manyihatakan paparutan duwa pandarahan si bibinian, lawan juwa gasan manambahi sil darah habang.[1]

Daun Karamunting nang dijarang dipakai juwa gasan kacacar nang caranya banyu jarangannya dipapaiakan ka kulimbit nang kana. Daun nang dimakan mantah juwa diparcaya bagus gasan sakit gigi, tagal banyu jarangan akarnya dikinumakan ka bibinian nang imbah baranak duwa nang pandarahan paranakan.[9]

Di Vietnam, buah Karamunting gasan baulah minuman anggur buah nang bangaran “rou sim”, makanya Karamunting ditanam baistilah bakabun luas-luas di pulau Phu Quoc, Vietnam.[1] Di Singapura, bubuhan Cina mamakai daunnya gasan maampihi katur, akarnya dipakai gasan luka parih atawa sasak bibis lawan biginya gasan paparutan sakira lancar duwa tatamba lamun diigut hular.[2] Lamunnya di India duwa Thailand, kambang Karamunting dipakai gasan hiasan nang dimakan di manu masakan rumah makan buhannya.

Buah Karamunting masak nang bakalir habang anum sampai bigi ramania dimanpaatkan gasan pangalir alami wadai mangkuk marga kalirnya nang talihat bagus dilihat urang.[10] Halian ngitu dipakai juwa gasan mangaliri wadai kalalapun, dadar gulung duwa es kekasih (Kelapa, Karamunting, Selasih) di Tarakan, Kalimantan Timur.[11]

Batang duwa akarnya Karamunting nang hudah mati dipakai urang juwa gasan tatambahan hiasan di akuarium.[3]

Parian

[babak | babak asal-mulanya]

Jujuhutan

[babak | babak asal-mulanya]
  1. ^ a b c d e f g Yuliana, Ida; Ulfah, Maria (2021). POTENSI DAUN KARAMUNTING SEBAGAI FITOFARMAKA PENYAKIT DIABETES MELLITUS. Banjarmasin: FAKULTAS KEDOKTERAN UNIVERSITAS LAMBUNG MANGKURAT. 
  2. ^ a b c R, Rahmadi (2022-03-22). "Kernuduk, Tumbuhan Obat Penjaga Keseimbangan Lingkungan". Mongabay.co.id (dalam bahasa Indonesia). Diakses tanggal 2023-03-10. 
  3. ^ a b c Rahardi, F (2021-04-11). "Menyehatkan Kembali Lahan dengan Senggani yang Mampu Menyerap Logam". Kontan Grahanusa Mediatama (dalam bahasa Indonesia). Diakses tanggal 2023-03-10. 
  4. ^ a b c Selaras, Ganda (2018). "Studi Morfologi Organ Vegetatif Karamunting Rhodomyrtus tomentosa (Ait.) Hassk" (PDF). Diarsipkan dari versi asli (PDF) tanggal 2019-10-21. Diakses tanggal 2023-03-10. 
  5. ^ a b "Karamunting Si Kaya Manfaat". dinastph.kalselprov.go.id. Diarsipkan dari versi asli tanggal 2023-03-10. Diakses tanggal 2023-03-10. 
  6. ^ Sinaga, Ernawati; Rahayu, Sri (2019). Potensi medisinal Karamunting (Rodomyrtus tomentosa). Jakarta: Unas Press. ISBN 978-6237-376-101. 
  7. ^ Cahyana, Destika; Sarwani, Muhrizal; Noor, Muhammad (2022). Trivia Rawa: Serba Serbi Sumber Daya Lahan Rawa. Yogyakarta: UGM Press. hlm. 46. ISBN 9786023869886. 
  8. ^ Redaksi Humas (2018-06-09). "Mahasiswa UII Manfaatkan Daun Karamunting Untuk Terapi Antidiabetes". Universitas Islam Indonesia (dalam bahasa Indonesia). Diarsipkan dari versi asli tanggal 2023-03-10. Diakses tanggal 2023-03-10. 
  9. ^ R, Rahmadi (2022-05-12). "Senduduk, Tumbuhan Bermahkota yang Bermanfaat Sebagai Obat". Mongabay.co.id (dalam bahasa Inggris). Diakses tanggal 2023-03-10. 
  10. ^ Manurung, Hotman; Simanjuntak, Rosnawyta; Romauli, N (2021). "Pemanfaatan Ekstrak Buah Karamunting (Rhodomyrtus tomentosa) Sebagai Pewarna Alami dan Sumber Antioksidan Pada Kue Mangkok". Rona Teknik Pertanian. 14. Diarsipkan dari versi asli tanggal 2022-02-05. Diakses tanggal 2023-03-10.  line feed character di |title= pada posisi 69 (bantuan)
  11. ^ Jumiati, Elly (2021). "Pelatihan Pengolahan Buah Karamunting sebagai Pewarna Alami Pada Kelompok PKK di Kota Tarakan". Altifani Journal: International Journal of Community Engagement. 2: 35–40. 

Raitan Luar

[babak | babak asal-mulanya]
Wikimedia Commons baisi média nang baraitan lawan: