Nasi kucing

Nasi kucing

Nasi kucing lawan langgi, sate ayam wan martabak
Ngaran lain	Sego Kucing
Sajian	Makanan
Banua asal	Indunisia
Dairah	D.I. Yogyakarta Jawa Tengah (kota Semarang, Magelang wan Surakarta)
Diulah ulih	Urang Jawa
Suhu panyajian	Hangat
Bahan utama	Nasi nang pursi halus ditambahi lauk wan dibungkus daun pisang
Energi makanan (per porsi )	100 kcal (419 kJ)

Nasi Kucing (Jawa: ⁇ ⁇ , Sěgå Kucing) adalah makanan tiba matan Yogyakarta, Semarang, wan Surakarta. Pursi di Nasi kucing biasanya saikit banar, batambah sambal, iwak, lawan tempe, imbah tu bapundut daun pisang.

Menu

• Iwak Cakalang
• Cumi masak masin
• Iwak Peda
• Ayam barabit
• Ayam Empal

Ngaran

Kata "nasi kucing" artinya "nasi gasan kucing", marga pursi nang saikit tadi. Kata ngitu tiba matan kabiasaan urang Jawa nang manggaduh kucing nang mambarii makan gasan haraguannya saikit haja nasi nang dibarii. Nasi kucing biasanya dikawani lawan sambal, iwak pindang, wan nasi saikit. Iwak pindang ngiin yaitu makanan nang rancak dibariakan gasan kucing, makanya am dingarani nasi kucing.^[1]

Tiba

Nasi kucing tiba matan Yogyakarta, Semarang, wan Surakarta.^[2] Nasi ngini dikatujui banar ulih baragam kalangan tarutama bubuhan nang anum-anum kaya mahasiswa, tarutama rahatan jaman reformasi wayah bahan pukuk naikan haraganya.^[3]

Panyajian

Nasi kucing pursinya halus ditambah lawan bamacam-macam iwak. Iwak nang disadiaakan biasanya iwak lampam lawan timpi. Bahan lain nang kawa ditambahiakan adalah hintalu, ayam, wan bilungka.^[2] Dihidangakan lawan daun pisang wan kawa langsung dimakan.^[4] Menu kawannya nasi kucing tadi salaya hintalu wan ayam adalah sate, wadai basanga, tahu bacem, mihun basanga, wan lainnya.^[3]

Parian matan nasi kucing adalah sego macan, ukurananya talu kali taganal pada nasi kucing. Biasanya dihidangkan lawan nasi babanam, iwak, wan sayuran. Sama nangkaya nasi kucing, sego macan jua dipundut duwa daun pisang.^[5]

Panjualan

Panjaja di angkringan wayah manyiapakan nasi kucing

Nasi kucing biasanya dijual murah haja (bahanu Rp 1000 gasan sabungkus nasi kucing^[6] wan Rp 4000 gasan sego macan^[5]) di wadah halus, atawa makanan pinggir jalan nang disambat angkringan.

Di Yogyakarta wadah urang bajaja nasi kucing rancak disambat "angkringan", di Kota Semarang disambat "kucingan" tagal di Solo disambat "warung hik".^[3]

Itihi jua

• Nasi bogana
• Nasi campur
• Nasi basanga
• Nasi kuning
• Nasi liwet
• Nasi pacal
• Nasi uduk
• Nasi ulam

Jujuhutan

1. Lyliana, Lea (2022-01-21). "Kenapa Nasi Angkringan Disebut Nasi Kucing?". Kompas. Diakses tanggal 22 November 2022. 
2. ^ Hyhyme, Hyhyme (28 May 2023). "Nasi Kucing Juga Dikenal di Makkah". Resepdapurkita. Diarsipkan dari versi asli tanggal 2023-06-02. 
3. ^ Winastya, Khulafa Pinta (2022-06-21). "Sego Kucing Adalah Makanan Khas di Angkringan, Ini Fakta-faktanya". Merdeka.com. Diakses tanggal 23 November 2022. 
4. Kasalahan pangutipan: Tag <ref> tidak sah; tidak ditemukan teks untuk ref bernama Mundayat83
5. ^ "Sega Macan Bakal Saingi Nasi Kucing". Kompas.com. Kompas. 11 Oktober 2010. Diarsipkan dari versi asli tanggal 2011-10-07. Diakses tanggal 2015-06-06. 
6. Yudhono, Jodi (16 April 2011). "Nasi Kucing, soal Rasa Berani Bersaing". Kompas.com. Kompas. Diarsipkan dari versi asli tanggal 2011-04-19. Diakses tanggal 2015-06-06. 

Daftar pustaka

• Erwin, Lily T.; Erwin, Abang (2008). Peta 100 Tempat Makan Makanan Khas Daerah di Jakarta, Bekasi, Depok, Tangerang. Jakarta: Gramedia Pustaka Utama. 
• Mundayat, Aris Arif. Ritual and Politics in New Order Indonesia: A Study of Discourse and Counter-Discourse in Indonesia (Tesis). Swinburne University of Technology. Diarsipkan dari versi asli tanggal 2011-10-04. Diakses tanggal 2023-12-14.  Diarsipakan 2011-10-04 di Wayback Machine.
• Suprihatin, Sri Emy Yuli (April 2002). "Hubungan Patron Klien Pedagang "Nasi Kucing" di Kota Yogyakarta" (PDF). Humaniora. 7 (1): 147–164. Diarsipkan dari versi asli (PDF) tanggal 2012-03-17. Diakses tanggal 8 Juli 2011.