Pakasam adalah masakan khas Urang Banjar, paropinsi Kalimantan Selatan. Di babarapa dairah ada nang manyambatnya Pekasam atawa Iwak Samu. Pakasam tarkanal sabagai masakan khas ada di Hulu Sungai Tangah (HST). Pusat paulahan Pakasam tarkanal ada di desa Mahang Sungai Hanyar, kacamatan Pandawan. Marga itu, Pakasam matan HST rancak jua disambat Pakasam Mahang, ma'ampah pada ngaran dairah panghasilnya.
Pakasam babahan dasar iwak nang dimasinkan malalui paroses param lawan uyah. Iwak nang diparam, dicampur lawan taburan baras katan nang sudah disanga. Iwak nang akan dijadiakan Pakasam kawa janis apa haja. Tagal nang paling diminati adalah Pakasam anakan iwak wan Pakasam Papuyu.