Pasarihan Kamardikaan Indunisia

Sukarno mawacaakan naskah Pasarihan Kamardikaan Ripublik Indunisia nang sudah dikatik ulih Sayuti Melik wan sudah ditandatangani ulih Sukarno-Hatta

Rumah Pasarihan langkap lawan Tugu Pasarihan kikira tahun 1950-1960 di Jalan Pegangsaan Timur (damini Jalan Proklamasi). Kadua bangunan ngitu wayah ngini sudah hancur.

Pasarihan Kamardikaan Indunisia digawi wayah 17 Agustus 1945 tahun Masehi, atawa tanggal 17 Agustus 2605 maumpat tahun Japang, nang diwacaakan ulih Sukarno lawan didangani ulih Drs. Mohammad Hatta batampat di sabuting rumah hibah matan Faradj bin Said bin Awadh Martak di Jalan Pegangsaan Timur No. 56, Jakarta Pusat.^[1]

Kata-kata wan pasarihan ngitu musti manyaimbangakan kapantingan-kapantingan dalam nagari Indunisia wan Japang nang saling bahualan wayah ngitu.^[2] Pasarihan ngitu manandai dimulanya palawanan diplomatik wan basanjata matan Revolusi Nasional Indonesia, nang baparang malawan pasukan Walanda wan warga sipil pro-Walanda, sampai Walanda sacara rasmi mangakui kamardikaan Indunisia wayah tahun 1949.^[3] Wayah tahun 2005, Walanda manyarihakan lamun bubuhannya sudah mamutusakan gasan manarima sacara de facto tanggal 17 Agustus 1945 sawagai tanggal kamardikaan Indunisia.^[4] Tagal, wayah tanggal 14 Siptimbir 2011, pangadilan Walanda mamutusakan dalam kajadian pambantaian Rawagede lamun Walanda batanggung jawap marga baisi tugas gasan mampatahanakan panggananya, nang jua manunjukakan lamun dairah ngity adalah palihan matan Hindia Timur Walanda, balainan lawan klaim Indunisia atas 17 Agustus 1945 jadi tanggal kamardikaannya.^[5] Dalam sabuah wawancara tahun 2013, sajarawan Indunisia Sukotjo, antara lain, maminta pamarintah Walanda gasan sacara rasmi mangakui tanggal kamardikaan wayah 17 Agustus 1945.^[6] Pasarikatan Bangsa-Bangsa mangakui tanggal 27 Disimbir 1949 sawagai tanggal kamardikaan Indunisia.^[7]

Naskah Pasarihan ditandatangani ulih Sukarno (nang manulisakan ngarannya sawagai "Soekarno" mamakai ortografi Walanda) wan Mohammad Hatta,^[8] nang imbah ngitu ditunjuk jadi parisidin wan wakil parisidin baturut-turut sahari imbah pasarihan diwacaakan.^[9][10]

Hari Kamardikaan dijadiakan sawagai hari parai nasiunal malalui kaputusan panarintah nang dikaluarakan wayah 18 Juni 1946.^[11]

Datik-datik pawacaan naskah pasarihan

Tugu Pasarihan di Jalan Proklamasi (dahulu Jalan Pegangsaan Timur) tampat diwacaakannya Naskah Pasarihan Otentik wayah tanggal 17 Agustus 1945

Sukarno badu'a sabalum manyarihakan kamardikaan Indunisia

Parundingan antara gulungan anum wan gulungan tuha dalam panyusunan teks Pasarihan Kamardikaan Indunisia balangsung pukul 02.00 - 04.00 dini hari.^[1] Teks pasarihan ditulis di ruang makan laksamana Tadashi Maeda Jalan Imam Bonjol No 1. Bubuhan panyusun teks pasarihan ngitu adalah Ir. Soekarno, Drs. Moh. Hatta, wan Achmad Soebarjo. Rancangan teks pasarihan ditulis ulih Ir. Soekarno saurang. Di ruang muka, ada B. M. Diah, Sayuti Melik, Sukarni, wan Soediro.^[12] Sukarni mausulakan sakira nang manandatangani teks pasarihan ngitu adalah Ir. Soekarno wan Drs. Moh. Hatta atas ngaran bangsa Indunisia.^[8] Teks Pasarihan Indunisia ngitu dikatik ulih Sayuti Melik. Baisukannya, 17 Agustus 1945, di kaganaan Sukarno, Jalan Pegangsaan Timur 56 sudah datang antara lain Soewirjo, Wilopo, Gafar Pringgodigdo, Tabrani, wan Trimurti. Acara dimula wayah pukul 10.00 lawan pawacaan pasarihan ulih Soekarno wan disambung pidatu handap kadada teks. Imbah ngitu bandira Merah Putih, nang sudahh dijahit ulih Ibu Fatmawati, dikibarakan, diumpati lawan sambutan ulih Soewirjo, wakil wali kuta Jakarta wayah ngitu wan Moewardi, pimpinan Barisan Pelopor.

Pangibaran bandira wayah 17 Agustus 1945.

Pamulaannya Trimurti disuruh gasan manaikakan bandira, tagal inya kada handak lawan alasan pangirikan bandira sabaiknya digawi ulih saurang prajurit. Ulih marga ngitu ditunjuklah Latief Hendraningrat, saikung prajurit PETA, dibantu ulih Soehoed gasan tugas ngitu. Saikung pamudi mancungul matan balakang mambawa nampan baisi bandira Merah Putih (Sang Saka Merah Putih), nang dijahit ulih Fatmawati babarapa hari sabalumnya. Imbah bandira bakibar, hadirin manyanyiakan lagu Indonesia Raya.^[13] Sampai damini, bandira pusaka ngitu masih disimpan di Monumen Nasional.^[14]

Imbah upacara tuntung, kikira 100 urang angguta Barisan Pelopor nang dipimpin S. Brata datang bahancap-hancap marga bubuhannya kada mangatahui parubahan tampat mangajut matan Ikada ka Pegangsaan. Bubuhannya manuntut Sukarno maasai pawacaan Pasarihan, tagal ditulak. Kawarihannya Hatta mambariakan amanat handap gasan bubuhannya.^[13]

Dikibarakannya bandira Indunisia wayah 17 Agustus 1945.

Wayah tanggal 18 Agustus 1945, Panitia Persiapan Kemerdekaan Indonesia (PPKI) maambil kaputusan, masahakan wan manatapakan Undang-Undang Dasar (UUD) sawagai dasar nagara Ripublik Indunisia, nang imbahnya dipatuh sawagai UUD 45. Lawan damintu tabantuklah Pamarintahan Nagara Kasatuan Indunusia nang babantuk Ripublik (NKRI) lawan kadaulatan di tangan rakyat nang digawi sahibaknya ulih Majelis Permusyawaratan Rakyat (MPR) nang cagar dibantuk imbahnya.

Imbah ngitu Sukarno wan Mohammad Hatta tapilih atas usul matan Otto Iskandardinata wan parukuian matan PPKI sawagai parisidin wan wakil parisidin Ripublik Indunisia nang panambaian. Parisidin wan wakil parisidin cagar dibantu ulih sabuah Majalis Nasiunal.^[15][16][17]

Teks pidatu pasarihan kamardikaan Ripublik Indunisia

Ngini adalah teks pidatu Pasarihan Kamardikaan Indunisia.

“

Saudara-saudara sekalian, Saya telah minta saudara-saudara hadir disini untuk menyaksikan satu peristiwa mahapenting dalam sejarah kita. Berpuluh-puluh tahun kita bangsa Indonesia telah berjoang, untuk kemerdekaan tanah air kita bahkan telah beratus-ratus tahun! Gelombang aksi kita untuk mencapai kemerdekaan kita itu ada naiknya dan ada turunnya, tetapi jiwa kita tetap menuju ke arah cita-cita. Juga di dalam zaman Jepang, usaha kita untuk mencapai kemerdekaan nasional tidak berhenti-hentinya. Di dalam zaman Jepang ini, tampaknya saja kita menyandarkan diri kepada mereka, tetapi pada hakekatnya, tetap kita menyusun tenaga sendiri, tetapi kita percaya kepada kekuatan sendiri. Sekarang tibalah saatnya kita benar-benar mengambil sikap nasib bangsa dan nasib tanah air kita di dalam tangan kita sendiri. Hanya bangsa yang berani mengambil nasib dalam tangan sendiri akan dapat berdiri dengan kuatnya. Maka kami, tadi malam telah mengadakan musyawarat dengan pemuka-pemuka rakyat Indonesia dari seluruh Indonesia. Permusyawaratan itu seia sekata berpendapat bahwa sekaranglah datang saatnya untuk menyatakan kemerdekaan kita. Saudara-saudara! Dengan ini kami menyatakan kebulatan tekad itu. Dengarkanlah proklamasi kami: P R O K L A M A S I Kami bangsa Indonesia dengan ini menyatakan kemerdekaan Indonesia. Hal-hal yang mengenai pemindahan kekuasaan dan lain-lain diselenggarakan dengan cara saksama dan dalam tempo yang sesingkat-singkatnya. Djakarta, 17 Agustus 1945 Atas nama bangsa Indonesia. Soekarno/Hatta. Demikianlah saudara-saudara! Kita sekarang telah merdeka! Tidak ada suatu ikatan lagi yang mengikat tanah air kita dan bangsa kita! Mulai saat ini kita menyusun negara kita! Negara merdeka, negara Republik Indonesia! Merdeka, kekal, abadi! Insya Allah Tuhan memberkati kemerdekaan kita ini. [18]

”

Paringatan Hari Kamardikaan

Artikal utama: Hari Kamardikaan Ripublik Indunisia

Pangibaran Bandira Sang Saka Merah Putih di saban parayaan 17 Agustus di Istana Merdeka

Saban tahun wayah tanggal 17 Agustus, rakyat Indunisia marayaakan Hari Pasarihan Kamardikaan ngini liwar mariah. Bamamacam paturaian diadaakan mula matan turai panjat pinang, turai makan karupuk, sampai upacara militar di Istana Merdeka, wan sabarataan masarakat umpatan lawan caranya masing-masing.

Paringatan datik-datik pasarihan

Itihi jua: Hurmat bandirra

Paringatan datik-datik Pasarihan di Istana Merdeka dipimpin ulih Parisidin RI salaku Inspektur Upacara. Upacara dimula kikira pukul 10:00 WIB gasan mamparingati awal upacara Pasarihan tahun 1945. Acara paringatan rancaknya disiarakan sacara langsung ulih sabarataan satasiun tilipisi nasiunal Indunisia. Acara-acara wayah baisukan tamasuk: panimbakan mariam wan sirene, pangibaran bandira Sang Saka Merah Putih (Bandira Indunisia), pawacaan naskah Pasarihan, wan lain samacamnya. Wayah kamarian kikira pukul 17:00 tadapat acara panurunan bandira Sang Saka Merah Putih.

Kawajipan mangibarakan bandira

Artikal utama: Bandira Indunisia § Paraturan pasal Bandira Merah Putih

Undang-Undang Republik Indonesia Nomor 24 Tahun 2009 tentang Bendera, Bahasa, dan Lambang Negara serta Lagu Kebangsaan pasal 7 ayat 3 maatur pasal kawajipan mangibarakan bandira Merah Putih gasan sabarataan warga nagara nang baisi hak pamakaian rumah, gadung kantur, satuan pelandidikan, paangkutan awam, wan paangkutan paribadi di wilayah NKRI, wan jua kantur pambadalan diplumatik Indunisia di luar nagari wayah tanggal 17 Agustus.^[19]

Jujuhutan

1. ^ Gouda, Frances (2002). American visions of the Netherlands East Indies/Indonesia: US foreign policy and Indonesian nationalism,1920-1949. Amsterdam: Amsterdam University Press. hlm. 119. 
2. Anderson, Benedict (2006). Java in a time of revolution: occupation and resistance,1944-1946. Indonesia: Equinox Publishing. hlm. 82. 
3. Gouda, Frances (2002). American visions of the Netherlands East Indies/Indonesia: US foreign policy and Indonesian nationalism,1920-1949. Amsterdam: Amsterdam University Press. hlm. 36. 
4. "Dutch govt expresses regrets over killings in RI". Jakarta Post. 18 August 2005. Diarsipkan dari versi asli tanggal 7 June 2011. Diakses tanggal 23 November 2008. 
5. "ECLI:NL:RBSGR:2011:BS8793, voorheen LJN BS8793, BY9458, Rechtbank 's-Gravenhage, 354119 / HA ZA 09-4171". 14 September 2011. 
6. "Indonesië wil erkenning onafhankelijkheidsdag" (dalam bahasa Belanda). Nederlandse Omroep Stichting. 8 September 2013. Diakses tanggal 15 September 2013. 
7. "The United Nations and Decolonization - Trust and Non-Self-Governing Territories (1945-1999)". United Nations. 
8. ^ Anderson, Benedict (2006). Java in a time of revolution: occupation and resistance,1944-1946. Indonesia: Equinox Publishing. hlm. 83. 
9. "Indonesia Proclamation Hero : Mr.Soekarno". 7 Desember 2011. 
10. Anderson, Benedict (2006). Java in a time of revolution: occupation and resistance,1944-1946. Indonesia: Equinox Publishing. hlm. 88. 
11. Osman 1953, hlm. 621-622.
12. Anderson, Benedict (2006). Java in a time of revolution: occupation and resistance,1944-1946. Indonesia: Equinox Publishing. hlm. 71. 
13. ^ Kasalahan pangutipan: Tag <ref> tidak sah; tidak ditemukan teks untuk ref bernama :0
14. "Bendera Pusaka Disimpan dalam Kaca Antipeluru di Monas". Tempo.co. 26 Juli 2017. Diakses tanggal 17 Agustus 2019. 
15. Ricklefs 1991, hlm. 213.
16. Taylor 2003, hlm. 325.
17. Reid 1974, hlm. 30.
18. Terjemahan bebas dari Kahin, George McT. (2000). "Sukarno's Proclamation of Indonesian Independence". Indonesia. 69 (69): 1–3. doi:10.2307/3351273. hdl:1813/54189. ISSN 0019-7289. JSTOR 3351273. 
19. "Merah Putih Wajib Dikibarkan Di Setiap Rumah pada Hari Kemerdekaan". hukumonline.com. 16 Agustus 2014. 

Bibliografi

• Anderson, Benedict (1961). Some Aspects of Indonesian Politics under the Japanese occupation, 1944–1945. Cornell University. Dept. of Far Eastern Studies. Modern Indonesia Project. Interim reports series. Ithaca, N.Y.: Cornell University. 
• Anderson, Benedict (1972). Java in a Time of Revolution: Occupation and Resistance, 1944–1946. Ithaca, N.Y.: Cornell University Press. ISBN 0-8014-0687-0. 
• Elson, R. E. (2009). "Another Look at the Jakarta Charter Controversy of 1945" (PDF). Indonesia. 88 (88): 105–130. 
• Feith, Herbert (2006) [1962]. The Decline of Constitutional Democracy in Indonesia. Singapore: Equinox Publishing. ISBN 978-9793780450. 
• Friend, Theodore (2014). The blue-eyed enemy: Japan against the West in Java and Luzon, 1942–1945. New Jersey: Princeton University Press. 
• Gouda, Frances (2002). American visions of the Netherlands East Indies/Indonesia: US foreign policy and Indonesian nationalism, 1920–1949. Amsterdam: Amsterdam University Press. 
• Poulgrain, Greg (20 August 2015). "Intriguing days ahead of independence". The Jakarta Post. Diakses tanggal 24 September 2020. 
• Homan, Gerlof D (1990). "The Netherlands, the United States and the Indonesian Question, 1948". Journal of Contemporary History. 25 (1): 124. doi:10.1177/002200949002500106.  Parameter |s2cid= yang tidak diketahui akan diabaikan (bantuan)
• Kahin, George McTurnan (1952). Nationalism and Revolution in Indonesia. Ithaca, New York: Cornell University Press. 
• Kahin, George McT. (2000). "Sukarno's Proclamation of Indonesian Independence" (PDF). Indonesia. 69 (69): 1–3. doi:10.2307/3351273. hdl:1813/54189 . ISSN 0019-7289. JSTOR 3351273. 
• Mela Arnani (17 August 2020), "Kapan Soekarno Rekaman Suara Pembacaan Teks Proklamasi Indonesia?" [When did Soekarno record the Reading of the Indonesian Proclamation Text?], Kompas (dalam bahasa Indonesia), Jakarta, diakses tanggal 27 September 2020 
• Post, Peter; Frederick, William H.; Heidebrink, Iris; Sato, Shigeru, ed. (2010). The Encyclopedia of Indonesia in the Pacific War. Brill. ISBN 978-90-04-16866 4. 
• Prastiwi, Devira (2019). "Nani Wartabone dan Proklamasi Kemerdekaan 23 Januari 1942". Liputan6.com. Diakses tanggal 16 March 2021. 
• Raliby, Osman (1953). Documenta Historica: Sedjarah Dokumenter Dari Pertumbuhan dan Perdjuangan Negara Republik Indonesia (dalam bahasa Indonesia). Jakarta: Bulain-Bintag. 
• Reid, Anthony (1974). The Indonesian National Revolution 1945–1950. Melbourne: Longman. ISBN 0-582-71046-4. 
• Ricklefs, M.C. (2008) [1981]. A History of Modern Indonesia Since c. 1300 (edisi ke-4th). London: MacMillan. ISBN 978-0-230-54685-1. 
• Vickers, Adrian (2013). A history of modern Indonesia. New York: Cambridge University Press. hlm. 84. ISBN 978-1139447614.