ပရိတ်တန် ၁၁သုတ်နဝ်ꩻ လောကီꩻအန္တရာယ်ႏဖုံႏ ယံကကင်ꩻညာꩻ၊ လောကုတ္တရာꩻဖုံႏယံကတိုꩻပွါꩻအီ ရေႏရောႏနုဲင်းနဝ်ꩻတဲင် ရဟန်ꩻပညာႏသျိ တွမ်ႏ လိုꩻလမ်းပညာႏဒါႏစခါသီးနဝ်ꩻ ထေထန်ႏသွူလိတ်ယာႏ ပိဋကတ်ကျမ်ꩻကန်ႏကိုတဲင် တဲမ်းဖောႏစီႏရင်ႏခါꩻဖေႏဒျာႏနဝ်ꩻသွူ။ နီနာꩻဗုဒ္ဓဘာႏသာႏခွိုꩻနွယ်ႏသီးနဝ်ꩻ မီႏတွိုႏ သာႏရေꩻ၊ နာႏရေꩻ ကိစဏ္ဍဖုံႏ၊ မင်္ဂလာႏဆောင်ႏ၊ ဗုဲင်စင်ꩻဗုဲင်သျင်ႏ၊ ထင်ႏလမ်းတသာဖုံႏ၊ နေင်ႏတသာကူꩻအခိန်ႏအခါꩻဖုံႏ၊ မသာႏမယာႏပွဲꩻဖုံႏ မီႏအဝ်ႏလွဉ်နဝ်ꩻ ဗွေႏရဟန်ꩻသင်္ဃာႏသီး ရွစ်ဖတ်ဖေႏလွဒျာႏနဝ်ꩻသွူ။ မီႏရွစ်ဖတ်လဲ့ ရွစ်ဖတ်နေးအဝ်ႏအမျိုꩻမျိုꩻနဝ်ꩻသွူ။ ယလဲင်ႏလဲင်ႏနဝ်ꩻ တဲႏအထျꩻဗꩻအနာတဲင် သုတ်တန် ၁၁သုတ်လွုမ်းလွုမ်း ရွစ်ဖတ်လို့စွဉ်ႏတဲ့အဝ်ႏ၊ ယလဲင်ႏယလဲင်ႏနဝ်ꩻ အခေႏအနေႏအလꩻ ရွစ်ဖတ်လယ်ႏကွို့ꩻ သုတ်တသုတ် ကသင်ꩻခဝ်းရာꩻ ကလွောက်ꩻဖက်ရာꩻတွမ်ႏ ပွဲꩻကိစ္စဖုံႏလွုမ်ꩻတဲ့ အဝ်ႏနဝ်ꩻသွူ။
မိဉ်ႏထွားစဲစ်ဆေꩻ ပရိတ်တန် ၁၁-သုတ် အရွီးအခိုႏဖုံႏနဝ်ꩻ အီႏထီႏမော့ꩻဗာႏ နုဲင်းဆ့ꩻလ့ယိုအတွိုင်ꩻသွူ။
ကအီႏရွစ်ဖတ်ဒါႏ ပရိတ်ဒေႏသနာႏတောႏသားဖုံႏနဝ်ꩻ အဝ်ႏလိုႏလွောက်ꩻနာႏငါႏ နုဲင်းဆ့ꩻလ့ယိုအတွိုင်ꩻသွူ။
နဝ်ꩻထွူတကာႏတဝ်း ရွစ်ဖတ်ပါႏဠိတောႏလဲ့ ဖြွောင်ႏဗာႏ၊ ယွုမ်းအံႏမုꩻအဝ်ႏဗာႏ၊ သေနာႏဗာႏ အနက်အဓိပ္ပါယ်ႏ၊ ကောနာႏပရိတ်တရာꩻတောႏပရိတ်သတ်သီးအလောင်းလဲ့ အွဉ်ႏမတ္တောႏဂရုဏာႏတရာꩻတဲင် မဲဉ်လ့ꩻဗာႏတဝ်း လာဘ်လာဘသွူ။
ကောနာႏပရိတ်တရာꩻတောႏသား ကလိုႏအပ်ဒါႏ အင်္ဂါႏသွံပါꩻနဝ်ꩻ -
မိဉ်ႏလွောက်ꩻနာႏ လိုႏအပ်ချက်နုဲင်းယိုဖုံႏမ့ꩻ နာႏပရိတ်တရာꩻတောႏလဲ့ အကျိုꩻအီႏလ့ꩻဗွေသွူ။
ပရိတ်ကရိုꩻနဝ်ꩻ အဝ်ႏအွိုး ပရိတ္တကရိုꩻဒါႏ ပါႏဠိငဝ်းယာႏကို လွဉ်ဒျာႏနဝ်ꩻသွူ။ မဉ်ႏဒေါ့ꩻပအိုဝ်ႏဗာႏနေးတဲ့ ကာႏကွယ်ႏဖေႏ၊ ရဲကမ်းဖေႏ အဓိပ္ပာယ်ႏလွေꩻနုဲင်းနဝ်ꩻသွူ။ မီႏသျင်ꩻနယ်ဗာႏအလုဲင်း မီခြုဲင်းနယ်ဗာႏအဆွာꩻလဲ့ ဗွေႏမျတ်ဘုရာꩻ ကဟော်ꩻကျာꩻဒါႏ သုတ်တောႏယိုဖုံႏနဝ်ꩻ ထွာဒျာႏ ကာႏကွယ်ႏအီဖေႏ ဗွေႏဖရာꩻတပဲ့ꩻတပန်ꩻ ရဟန်ꩻသံႏဃာႏတောႏသီး ဘေꩻရန်ႏအန္တရာယ်ႏဖုံႏ၊ တထွာသင်ꩻတဝ်းလဲ့ ယံကထွာမွိုန်း တမော့ꩻသင်ꩻတဝ်းလဲ့ ယံကမော့ꩻမွိုန်းအတာႏ ရဲကမ်းအီခရာႏ အန္တရာယ်ႏကင်ꩻဂါႏထာႏဖုံႏဒျာႏနဝ်ꩻသွူ။ ဗွေႏမျတ်ဘုရာꩻ ကဟော်ꩻကျာꩻသေꩻခါꩻဒါႏ ဘေꩻရန်ႏအန္တရာယ်ႏကင်ꩻ သုတ်တောႏဖုံႏအကို ပညာႏဒါႏပညာႏသျိပုဂ္ဂိုလ်ႏသီးဖုံႏ ထေခွဲထန်ႏဖချာယင်းတဲင် သတ်မတ်သုတန် ၁၁သုတ်တွော့ꩻ အွဉ်ႏနီသွဉ်းသီး ဗုဒ္ဓဘာႏသာႏ သာႏသနာႏခွိုꩻသွုပ်သီး ရွစ်ဖတ်ထိန်ꩻတီခါꩻယင်းနဝ်ꩻသွူ။
ဗွေႏမျတ်ဘုရာꩻ ကဟော်ꩻသေꩻခါꩻဒါႏ ပိဋကတ် ကျမ်ꩻကန်ႏကို ဘေႏရန်ႏအန္တရာယ်ႏကင်ꩻဂါႏထာႏကထွာဒါႏ သုတ်တန် ၁၁ သုတ်ဖုံႏနဝ်ꩻ -