ရန်ႏကုန်ႏ-မန္တလေꩻ တဖူꩻတန် ကားတွိုႏမွိုင်
| ရန်ႏကုန်ႏ-မန္တလေꩻ တဖူꩻတန် ကာꩻတွိုႏမွိုင် | |
|---|---|
| ရန်ကုန်–မန္တလေး အမြန်လမ်း | |
| လမ်းကြောင်း အချက်အလက်များ | |
  တကွို့ꩻတခဝ် | |
| အဆွာꩻ အညာꩻ | ၅၈၆.၇ km (၃၆၄.၆ mi) |
| မာꩻထွူ | ၂၀၁၀ ဒီသိဉ်ဗာလာ – present |
| အဓိက တဖူꩻခွဲးဝင်ꩻဖုံႏ | |
| ဆꩻနဝ် အသွတ်ꩻ: | ဝေင်ꩻရန်ႏကုန်ႏ |
| ဆꩻထင်ꩻ အသွတ်ꩻ: | ဝေင်ꩻမန္တလေꩻ |
| အဝ်ႏဒါႏခင်ႏလမ်း | |
| အဓိကဝေင်ꩻဖုံႏ: | ,ဝေင်ꩻဖျူး၊ ဝေင်ꩻတောင်ႏအူ၊ ဝေင်ꩻနေပျည်တော်၊ ဝေင်ꩻမိတ္ထီလာ |
ရန်ႏကုန်ႏ-မန္တလေꩻ တဖူꩻတန် ကားတွိုႏမွိုင် (အိန်းကလေတ်: Yangon–Mandalay Expressway) ယို ထွာ တဖူꩻ ကအောဝ်ႏဒါခါꩻဒါႏ ရန်ႏကုန်ႏတောမ်ႏ မန္တလေꩻ ဝေင်ꩻခါႏကိုသွူ။ တဖူꩻတန်ယိုနောဝ်ꩻ မဟာႏရန်ႏကုန်ႏ တောမ်ႏ မန္တလေꩻဝေင်ꩻ လွေꩻချာငါအီတာႏ ဗွောင်စဖေႏ ၂၀၁၁ ဗာႏနေင်ႏ၊ လာဒီသဲမ်ဘာကို။ ကောပ်တဖူꩻယိုတဲင် မဉ်ႏလွေꩻတွမ်ႏ ခမ်းခြွောန်းဗူႏတဖူꩻ ကအီႏည ၁၆ နာႏရီႏ၊ မဉ်ႏလွေꩻတွမ်ႏ မေႏရထာꩻ ကအီႏဆွာꩻ ၁၃ နာႏရီႏယို ၇ နာႏရီႏကို လွေꩻတွိုႏမွိုင်ဒါႏလဲန်းသွူ။[၁][၂][၃][၄]
ထွာလှောန်ခြောင်ꩻ
[မွဉ်းဖျင် | မွဉ်းဖျင်အရွီးခိုႏ]၁၉၅၀ လို့ ဗာႏနေင်ႏဖုံႏရာကိုခါ အှောန်ႏထော့သေꩻခါꩻ ထာꩻပှိုင် တဖူꩻတန် ကအီးလွေꩻမိုးဒါႏ ရန်ႏကုန်ႏဝေင်ꩻ တွမ်ႏ မန္တလေꩻဝေင်ꩻ။
မာꩻ ပထမအလဲင်ႏ
[မွဉ်းဖျင် | မွဉ်းဖျင်အရွီးခိုႏ]သိုဆယ်လစ်တဖူꩻစဲင်ႏ ပါတီစိုး (မန်း- မြန်မာ့ဆိုရှယ်လစ် လမ်းစဉ်ပါတီခေတ်) ၁၉၇၀ ဖုံႏ အထဝကိုခါ မာꩻဖျင်ထဲင်းယင်းဝင်ꩻ တဖူꩻတန်ယိုဗာႏ။ ထုမ်ႏထွား တဖူꩻကဲန်တာႏ၊ ဖဲ့ထာꩻခြာ ဖျိုးတနှိုင်တာႏဖုံႏယို ဟဲ့ꩻ လိုꩻကထဲ့ဒါႏထောင်ႏသားဖုံႏ မာꩻသှူ။ စိုးနောဝ်ꩻခါ မန်းကဟဲ့ꩻ ငှက်အော်စမ်း ရဲဘက်စခန်းယို ဝင်ꩻဖြောဝ်ꩻအာမွေး အမဉ်ꩻကုဲင်။ ကအီးလျာတဖူꩻတာႏ ကအောဝ်ႏလိုႏဒါႏ ဟမ်ႏဘိလတ်ယိုအတာႏ ထူႏ ဂျပန် စွဲးကမ်းအာႏတှော့ꩻ မာꩻ ကြံခင်း ဘိလပ်မြေစက်ရုံ။ အောဝ်ႏမာꩻတွင်ꩻ ခွဲး သိုဆယ်လစ် ထာꩻဖြေꩻစာ ယယောက်ကုဲင်ပြင်ꩻထိုꩻတဲင် ကအီးလꩻ ခမ်းလင်သားရွဉ်တာႏ စာအမ်ႏဗာႏထိုꩻ ဟမ်ႏဘိလတ် ခမ်းလင်သားထျꩻနောဝ်ꩻမꩻ အှောန်ႏတရှို့ꩻထိုꩻဗာႏ တဖူꩻကားတှိုႏမှိုင်တာႏ ထာꩻမာꩻသှူ။
မာꩻထှူမွေး အလဲင်ႏ
[မွဉ်းဖျင် | မွဉ်းဖျင်အရွီးခိုႏ]၁၉၈၈ ဗာႏ စဲ့ꩻသားတရီမ်အာႏဏာႏ ဒုတိယလဲင်ႏထှိုင်ႏထှူ ကောပ်ထာꩻဖြေꩻစာ ဝါဒတသာတဲင် မန်းခမ်းကို စက်မာꩻဟမ်ႏဘိလတ်ဖုံႏ အောဝ်ႏအာလှောန်တဖဲ့ꩻ၊ တဖူꩻတန်လောင်း ကအီးမာꩻဗာႏ တထာတာႏ ပသီႏဆို့ꩻအီတထာ အောဝ်ႏလှောန်တဖဲ့ꩻတဲင် နအဖ စဲ့ꩻဗာႏရဲပ်အှောန် ခမ်းထီသား (မန်း- နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ အစိုးရ) မာꩻငါလွေꩻစ ၂၀၀၅ ဗာႏနေင်ႏကိုတှော့ꩻ အထှူလꩻလွေꩻ ၂၀၁၀ ဗာႏ လာဒီသဲမ်ဘာကိုသှူ။ ပါရမ်ꩻယူႏနောဝ်ꩻ စာဖေႏ ထုဲင်ႏခမ်းတာႏ သဘာဝဓာတ်တအှိုထီ (မန်း- သဘာဝဓာတ်ငွေ့) ထှူ ကလꩻဒါႏရွဉ်ယို မာꩻအီဖေႏ တဖူꩻတန်ယိုသှူ။
ကလျာလွေꩻဒါႏ တဖူꩻအရန်း
[မွဉ်းဖျင် | မွဉ်းဖျင်အရွီးခိုႏ]ကမာꩻဒါႏ တဖူꩻယိုဗာႏနောဝ်ꩻ လိုꩻအာႏရဲင်ꩻလုမ်ꩻမကာႏ မာအီပါဗာႏနေး စက်ယန္တယားဖုံႏ။ ဇျာမန် ပထမ တယ်လီဗွီးဆဉ်း အှောန်ႏစွꩻဖေႏသေထာꩻသား၊ ကမ္ဘာႏတမှိုန်ႏကဏ္ဍ (Weltspiegel) (ဇနူအရီ ၂၀၁၂) သီးရိုꩻ လိုꩻမာꩻထာꩻမာꩻကျမ်ꩻသား အောဝ်ႏပါသော့ꩻ ၁၅၀၀၀ ကိုရပ်တဲ့။ အောဝ်ႏမာꩻတဖူꩻယိုဗာႏခါ ကအှောန်ႏတောင်ꩻအီခါꩻဒါႏ ထာꩻယောင်ꩻဆျောဝ်ႏ ဓာတ်ပုံဖုံႏကိုနောဝ်ꩻ ယန္တယား မာꩻအီတဖူꩻ နုဲင်း စက်ဟူႏထာꩻ၊ စက်ပှေါ့ꩻဟမ်ႏ၊ ကားဒင်ႏဟမ်ႏ၊ စက်မာꩻထှောင်းဟမ်ႏ၊ စက်တေက်ꩻနဲန်းဟမ်ႏဖုံႏအောဝ်ႏပါ။ နောဝ်ꩻထှူမကာႏ ထီႏပါက ကွန်ကရစ်တဖူꩻ ပဉ်ထှိုင်ထှိုင်တာႏ ကမာꩻတွမ်ႏ စက်လျာအင်္ဂတေဖုံႏသှူ။ ရန်ႏကုန်ႏ-မန္တလေꩻ တဖူꩻကားတှိုႏမှိုင် (၅၈၁၅ ကီလိုမီတာ၊ ၃၆၅၅ မဲင်ႏ) ယို ဝန်ႏတန်ဌာန မာꩻလမ်း မာꩻတဖူꩻ မာꩻတထာ အစှိုꩻ (မန်း- ဆောက်လုပ်ရေး ဝန်ကြီးဌာန ပြည်သူ့ဆောက်လုပ်ရေးလုပ်ငန်း လမ်းတံတားအဖွဲ့) တဲ့မာꩻ၊ စဲ့ꩻအဲန်စဉ်နီယာစှိုꩻတဲ့ မာꩻငီꩻဗာႏသှူ။
ရန်ႏကုန်ႏ-နေပြည်တော်
[မွဉ်းဖျင် | မွဉ်းဖျင်အရွီးခိုႏ]
- မာꩻခိန်ႏ - တယ်ႏ အောက်တိုဘာ ၂၀၀၅ ဗꩻလွေꩻ မတ်လာ ၂၀၀၉
- တရာꩻဝင်ႏဗွောင်ဖေႏမွူးနီꩻ- ၂၅၊ မတ်လာ၂၀၀၉
- တဖူꩻအထို - ၃၂၃.၂ ကီလိုမီတာ ( ၂၀၂ မဲင်ႏ )
- တထာ - ၄၀ လီး ( မီတာ ၆၀ မာꩻကီ )
နေပြည်တော်-မန္တလေꩻ
[မွဉ်းဖျင် | မွဉ်းဖျင်အရွီးခိုႏ]- မာꩻခိန်ႏ - တယ်ႏ ၂၀၀၇ ဗꩻ လာဒီသဲမ်ဘာ ၂၀၁၀
- တရာꩻဝင်ႏ ဗွောင်ဖေႏမွူးနီꩻ- ၂၉၊ လာဒီသဲမ်ဘာ ၂၀၁၀
- တဖူꩻအထို အညာꩻ - ၂၄၀.၀ ကီလိုမီတာ ( ၁၅၀ မဲင်ႏ )
- တထာ - ၃၂ ဗာႏ ( မီတာ ၆၀ မာꩻကီ )
မန္တလေးစကားအင်း-မန္တလေးတံခွန်တိုင်
[မွဉ်းဖျင် | မွဉ်းဖျင်အရွီးခိုႏ]- မာꩻခိန်ႏ - တယ်ႏ ၂၀၁၀ ဗꩻလွေꩻ လာဒီသဲမ်ဘာ ၂၀၁၁
- တရာꩻဝင်ႏ ဗွောင်ဖေႏမွူးနီꩻ- ဒီသဲမ်ဘာ ၃၀ နီꩻ ၂၀၁၁
- တဖူꩻအညာꩻ အထို - ၁၈.၃ ကီလိုမီတာ ( ၁၃.၅ မဲင်ႏ )
- တထာ - ? ဗာႏ ( မီတာ ၆၀ မာꩻကီ )
ထာꩻမာꩻနယ်ပညာႏ အလီအလာ
[မွဉ်းဖျင် | မွဉ်းဖျင်အရွီးခိုႏ]ထူႏတောမ်
[မွဉ်းဖျင် | မွဉ်းဖျင်အရွီးခိုႏ]- ↑ Secretary-1 addresses inauguration of Nay Pyi Taw- Mandalay section of Yangon–Mandalay Expressway။ The New Light Of Myanmar (30 December 2010)။ 15 May 2014 ကို ထွားစဲစ်ချာထွူလဲဉ်း။
- ↑ Nay Pyi Taw-Mandalay section of Yangon–Mandalay Expressway to be commissioned soon။ The New Light Of Myanmar (29 December 2010)။ 15 May 2014 ကို ထွားစဲစ်ချာထွူလဲဉ်း။
- ↑ Nay Pyi Taw-Mandalay section of Yangon–Mandalay Expressway to be commissioned soon။ The New Light Of Myanmar (28 December 2010)။ 15 May 2014 ကို ထွားစဲစ်ချာထွူလဲဉ်း။
- ↑ Report: Completion of Yangon-Nay Pyi Taw sectional expressway marked as milestone။ News.xinhuanet.com (26 March 2009)။ 15 May 2014 ကို ထွားစဲစ်ချာထွူလဲဉ်း။