နဝ်ꩻထွူ နေးတောမ်ႏ ပစ္စယပရိဂ္ဂဟဉာဏ်ႏတဲင် သိမ်ꩻထူႏဗာႏ နာမ်ႏရုပ်အကျောင်ꩻသွူ။ ပစ္စယပရိဂ္ဂဟဉာဏ်ႏ-ကရိုꩻနဝ်ꩻ "နာမ်ႏရုပ်ကထွာဗာႏနဝ်ꩻ ကောပ်ပွိုးအကျောင်ꩻထမုဲꩻ"စဲင်းစဲင်းစဲ့စဲ့ သေနွောင်ꩻထီႏနွောင်ꩻ သိမ်ꩻထူႏနွောင်ꩻ နာမ်ႏရုပ်အကျောင်ꩻ ဉာဏ်ႏနဝ်ꩻစားနဝ်ꩻ ဟဲ့ꩻ"ပစ္စယပရိဂ္ဂဟဉာဏ်ႏ"နဝ်ꩻသွူ။ ယူႏဆင်ႏချင်ႏအွောဉ်ႏထွော့ꩻ အကျောင်ꩻတောမ်ႏ နာမ်ႏရုပ်နုဲးယိုတဲင် ထွားမတ်ဟဝ်ဟဝ် နာမ်ႏရုပ်သီးသဘောꩻခြေင်ခြေင် အထွာအကုဲ အလိုႏအတွိုင်ꩻ တမာꩻနွောင်ꩻတဝ်း အနိစ္စလက္ခဏာႏ၊ ဒုက္ခလက္ခဏာႏ၊ အနတ္တလက္ခဏာႏသီးယိုထွူ ယူႏဆင်ႏချင်ႏ ပဲင်ႏချာꩻဗာႏသွူ။
တနယ်ꩻနဝ်ꩻ ဝိပဿနာႏဉာဏ်ႏ အလုဲး အဝ်ႏပါꩻဆီသွူ။ ဆီပါꩻ-ကရိုꩻနဝ်ꩻ
ဝိပဿနာႏဉာဏ်ႏနုဲးယို ဆီပါꩻ ထွာမိဉ်ႏထွူ အာႏရုံႏပျုရီးရီးနိဗ္ဗာန်ႏတဲင် ယားကုဲထိုꩻဒါႏ ပုထုဇဉ်ႏခွိုꩻနွယ်ႏထွူ မာꩻထွာဖေႏဒါႏ အရိယာႏခွိုꩻနွယ်ႏတဲင် ဂေါတြဘုဉာဏ်ႏ ပေါႏထွာလွောဉ်သွူ။ နဝ်ꩻထွူ ထီႏသေဖြွောဉ်လေားကီႏတဲင် တောမ်ႏမဂ်ဉာဏ်ႏဖိုလ်ႏဉာဏ်ႏဖုံႏ တွိုႏလွေꩻထိုꩻ လေားကုတ္တရာႏကိုနဝ်ꩻသွူ။ ဝိပဿနာႏဉာဏ်ႏလွဉ်အနယ်ꩻဆီပါꩻယိုနဝ်ꩻ ဉာဏ်ႏထာꩻထီႏ တထင်သန်တဝ်းဒွိုန်းနဝ်ꩻမꩻ နေင်ႏလာညဆွာꩻ အာႏထွုတ်နွောင်ꩻနေကမꩻ အီႏထွာလွဉ် ပုဂ္ဂိုလ်ႏလꩻမဂ်ꩻဖိုလ်ႏသားနဝ်ꩻသွူ။[၁]