ဝီခီတက္ကသိုလ်ႏ
 | |
Screenshot  Screenshot of wikiversity.org home page | |
ဝဲက်သုဲက်အစွိုးအမျိုꩻ | ပညာႏရေꩻ, နမ်းတွမ်ႏနမ်းသွဉ်ထူႏချာနွောင်ꩻတာႏ |
|---|---|
| ဟော်ꩻထွားလꩻနွောင်ꩻမုꩻ | ဘာႏသာႏငဝ်းငွါစွုမ်ႏ (17 ဘာႏသာႏ)[၁] |
| ပဲင်ႏဆဲင်ႏသား | ဝီခီမီဒီယာ ဖောင်ဒေးသိဉ်း |
| ဖန်ဆင်ꩻသား | ဝီခီမီဒီယာ အစွိုꩻအဗူႏ |
| ဝဲက်သုဲက် | wikiversity.org |
| စီꩻပွာꩻရေꩻ | မွေးတဝ်း |
| ဒင်ႏမတ်ပိုင်တိဉ် | အဝ်ႏလိုႏ |
| ဒင်ႏထင်ႏ | ဩဂဲက် ၁၅၊ ၂၀၀၆ |
ဝီခီတက္ကသိုလ်ႏ (အိန်းကလေတ်: Wikiversity) (ဟဲ့ꩻ) ဝီခီဗာသတီ ယို ထွာဒျာႏ ဝီခီမီဒီယာ ဖောင်ဒေးသိဉ်း ကမာꩻဖေႏယောဝ်းခါꩻဒါႏ ပရောစဲတ် ထွားဟောꩻခရား လိတ်ခြွီအရွီးခိုႏဖုံႏ၊ ဖတ်လွူꩻခရာႏ ပရေားစဲတ်ဖုံႏ တွမ်ႏယင်း သုတေသန ပရေားစဲတ်ဖုံႏသွူ။ သွောန်ထူႏပညာႏ အရန်းဖုံႏလို့လို့၊ အစားမုဲင်ꩻ၊ ယင်း အဟိတ်ꩻ အတာႏ တယ်ႏ ရပ်ဆုမ်ႏလိုꩻပေႏ မူလရန်းကျောင်ꩻ ဗꩻလွေꩻ တက္ကသိုလ်ႏ၊ ပါတွမ်ႏ ဟဲ့ꩻရဲန်ꩻအွောန်မာꩻဖေႏ လွူးအီနမ်းတာႏ တွမ်ႏယင်း ကျောင်ꩻဖဲ့ꩻထန်ႏသား ထွားဟောꩻလိတ်တာႏ မာꩻအီ၊ ထွားထူႏအီလꩻလို့ ထာꩻသေဗဟုသုတပညာႏဖုံႏသွူ။ ကမာꩻ အွောန်ႏတမ်ꩻဖေႏ လိတ်လုဲင်ꩻ အရွီးအထျꩻဖုံႏ တွမ်ႏ နွို့ပါငီꩻ လိုꩻသီးဖုံႏ ကထွားလွူꩻ ပညာႏတာႏ နီအောဝ်ႏဖစ်လောဝ်း ဟဲ့ꩻယောဝ်း ကျောင်ꩻဆရာႏဖုံႏ၊ ကျောင်ꩻသားမူႏခိုဖုံႏ၊ တွမ်ႏယင်း မာꩻသုတေသနသားဖုံႏ သွူ။
ဝီခီတက္ကသိုလ်ႏနဝ်ꩻ ထွာဒျာႏ ဝီခီမီဒီယာ ဖောင်ဒေးသိဉ်း ထာꩻမာꩻခြပ်ရဲန်ႏ တဗာႏသွူ။ ယိုဖုံႏနဝ်ꩻ လွစ်တခြင်သွဉ်ထူႏတာႏခြွိုင်းခြိုꩻဖုံႏတောမ်ႏ မာꩻထွာလွဉ် ထာꩻရုဲင်ꩻတသွိုးပညာႏဖုံႏယိုတောမ်ႏ အီႏသုင်ꩻအီအတာႏ ထွာဌာႏနဗဟိုႏတဗာႏဒျာႏသွူ။ နီသွဉ်းသီးနဝ်ꩻ လွစ်တခြင် ပညာႏတာႏအရွီးခိုႏဖုံႏတောမ်ႏ ပညာႏဖဲ့ꩻပွိုင်းထွောင်း ထာꩻမာꩻခြပ်ရဲန်ႏဖုံႏယို အဝ်ႏခွုမ်မာꩻနေးထူႏဖေႏဒျာႏသွူ။ နီသွဉ်းသီးနဝ်ꩻ ဝီခီမီဒီယာ ထာꩻမာꩻခြပ်ရဲဉ်ႏဖုံႏတောမ်ႏ အလင်ယို စွော့ꩻတက်ချာငါဝင်ꩻထွူ အွိုးယိုဖုံႏနဝ်ꩻ ထာꩻထင်ႏထိုအကျောင်ꩻခရာႏဖုံႏယို ယံစွဲးထဲမ်ဖေႏနဝ်ꩻလဲ့ အင်းမိုးဒျာႏနဝ်ꩻသွူ။ ဗꩻတွိုႏစွဉ်ႏယိုခါ အဲင်းကလေတ်၊ ဂျာမန်၊ သပေင်, ပိဉ်တိစ်, အီတလီ, ဂရိ, ဂျပန်, ကိုးရီးယား, ပေါ်တူဂီ, ဆဲက်, ဖဉ်နီ, ရသျား တောမ်ႏ ခယ်ႏ စတဲင် (၁၇)ဘာႏသာႏဖုံႏနဝ်ꩻ အဝ်ႏတဲႏဆို့ꩻထွာခါꩻဒျာႏ ထာꩻမာꩻခြပ်ရဲန်ႏခေါ်ဖုံႏနဝ်ꩻသွူ။
အေပီလာ ၂၀၂၅ဗာႏ စာႏရင်ꩻအလꩻ ဝီခီတက္ကသိုလ်ႏဝဲက်သုဲက် ကအောင်ႏမျင်ႏသောင်ႏသာႏဒါႏ(active) သုဲက်ဖုံႏနဝ်ꩻ အဝ်ႏလွေꩻ(17)[၁] ဘာႏသာႏတဲင် ရောမ်ဖြုဲင်ꩻခြွဉ်းအဝ်ႏ ၁၆၂၃၀၂ ပုဒ် တောမ်ႏ သောင်ႏသာဒါႏ မွဉ်းဖျင်ခြပ်ချော်ꩻတဲမ်းသုင်ꩻသား အဝ်ႏ ၇၀၀ ဖြာꩻသွူ။[၂]
အာႏကွိုꩻ
[မွဉ်းဖျင် | မွဉ်းဖျင်အရွီးခိုႏ]- ↑ ၁.၀ ၁.၁ Wikimedia's MediaWiki API:Sitematrix. Retrieved အေပီ ၂၀၂၅ from Data:Wikipedia statistics/meta.tab
- ↑ Wikimedia's MediaWiki API:Siteinfo. Retrieved အေပီ ၂၀၂၅ from Data:Wikipedia statistics/data.tab