Beatriz Kastilha ha Guzmán

Ur bajenn disheñvelout Beatriz Kastilha zo ivez.

Beatriz Kastilha ha Guzmán, pe Beatriz de Castilla y Guzman e spagnoleg, pe Beatriz de Castela e Gusmão e portugaleg, ganet e 1242 ha marvet e 1303, a oa infantez Kastilha, ha rouanez Portugal

Merc'h vastard e oa da Alfonso X Kastilha ha d'e serc'h Mayor Guillén de Guzmán .

Dimeziñ a reas e 1254 da Afonso III, roue Portugal. Rouanez Portugal e voe entre 1253 ha 1279, ha rouanez-vamm adal 1279 betek he marv e 1303.

He bugale

Gant he fried he doe

Branca de Portugal (1259–1321), leanez er Mosteiro de Las Huelgas e Burgos;
Fernando de Portugal, hervez Figanière, marvet e 1262 ha beziet e Mosteiro de Alcobaça,
Dinis Iañ (1261-1325), roue war-lerc'h e dad, dimezet da Santez Isabel Aragon;
Afonso Portugal (1263-1312), aotrou Portalegre, dimezet da Violante Manuel, itron Elche ha Medellín, merc'h d'an infantez Manuel de Castela ha da Constança de Aragão;
Sancha Portugal (1264-1302);
Maria Portugal (1265-c. 1266), marvet dindan bloaz;
Vicente de Portugal (1268-1268), marvet er bloaz ma oa ganet.