Britannia (skeudenn)

Delwenn Britannia e Plymouth

Britannia eo an anv latin implijet da envel ar vaouez a faltazi a zo lakaet da skeudenniñ Breizh-Veur, da gentañ, ar Rouantelezh-Unanet goude, hag Impalaeriezh Breizh-Veur goude, evel ma lakaer Marianne da skeudenniñ ar Republik c'hall ha Columbia evit SUA.

Orin

Dont a ra an anv-se eus Britannia, anv latin an enez a weler e skridoù an Henamzer, re Julius Caesar da skouer, diwar anv ar bobl Pretanī, Prettanike pe Brettaniai e henc'hresianeg. E kembraeg eo Prydain anv an enez.

Istor

Er Iañ kantved kent JK e oa Britannia an anv stag ouzh Breizh-Veur. Goude an aloubadeg roman er bloaz 43 e talveze Britannia kement ha Breizh roman, ur broviñs adal kreisteiz Kaledonia (dre vras Bro-Skos hiriv)). E 197 e voe rannet ar broviñs roman e peder froviñs, ha div anezho e oa Britannia Superior ha Britannia Inferior.

E II^vet kantved e teuas Britannia roman da vezañ un doueez, armet gant un tridant hag ur skoed, un tokarn war he fenn. Chom a reas an anv Britannia goude diskar an impalaeriezh roman en Enez Vreizh er V^vet kantved.

Advuhezet e voe an anv latin Britannia e-pad an English Renaissance evel ur merk a identelezh vroadel vreizhveuriat, ha dreist-holl goude an Acts of Union e 1707, pa voe unanet rouantelezhioù Bro-Skos ha Bro-Saoz. Talvoudus e voe er c'helaouennoù da skeudenniñ politikerezh Breizh-Veur er skeudennoù flemmus.

Hiziv e reer an anv Britannia eus an enez hag eus ar skeudenn.

• 
  1803 : Britannia o skourjezañ ar mic'hieg Napoleon
• 
  An Emglev tridoubl : Britannia en tu dehoù d'ar skeudenn, Marianne c'hall en tu kleiz
• 
  E 1918
• 
  Britannia evel ur vaouez o skubañ al listri alaman kuit eus ar Meurvor Habask e-kerzh ar Brezel-bed kentañ

Pezhioù

Kentañ ma voe implijet he skeudenn war gein ur pezh a voe war un as a ziskoueze dremm Antoninus. Ar pezh kentañ ma voe gwelet Britannia goude an amzervezh roman avat a voe e 1672. He skeudenn a weler war ar pezhioù : ar pezh 50 pence betek 2008; ar pezh 2 lur abaoe 2015.

• 
  As, gant dremm Antoninus, ha skeudenn Britannia
• 
  Pezh e 1736
• 
  Pezh e 1936
• 
  Medalenn BEM

Timbroù

• 
  Timbr eus 1913, gant penn George V
• 
  Timbr e 1922, gant siell Stad Iwerzhon.

Liammoù diabarzh

• Britannia
• Rule Britannia

Liammoù diavaez

Commons

Muioc'h a restroù diwar-benn

Britannia (skeudenn)

a vo kavet e Wikimedia Commons.