Er yezhoniezh e vez implijet an termen c'hwezhadur (saoz.: aspiration) war dachenn ar fonetik hag ar fonologiezh evit komz eus ur gensonenn dre serriñ kendistaget dre c'hwezhañ aer dre ar genoù.
Kreñv pe greñvoc'h a c'hell bezañ ar c'hwezhadur, o kemmañ a yezh da yezh.
Skrivet e vez [ʰ] hervez reolennoù treuzskrivañ al lizherenneg fonetikel etrebroadel. Implijet e c'hell bezañ ivez ar sin diakritek ispisial [⁼] evit diskwel n'emañ ket c'hwezhet ur gensonenn mar bez ezhomm.
Ar c'hwezhadur a c'hell bezañ ur perzh liammet ouzh alofonennoù resis, evel e saozneg ma vez distaget dre c'hwezhañ atav an holl kensonennoù dre serriñ divouezh e penn-kentañ ur ger, pe gallout a ra talvezout da diforc'hañ fonemennoù evel e meur a yezh indezek, da skouer an hindeg.
C'hwezhet e c'hell bezañ kensonennoù mouezhiet kouzl ha divouezh ha gallout a ra c'hoarvezout e penn-kentañ, e kreiz pe zoken e diwezh ur ger, da skouer en armenieg:
| bard͡z | "goubenner" |
| bart͡s⁼ | "diaez" |
| bart͡sʰ | "uhel" |