Charleville (Aostralia)

Charleville (Aostralia)

bourc'h

Rann eus	Outback Queensland
Stad	Aostralia
Kêr-benn eus	Shire of Murweh
E tiriad	Shire of Murweh, Queensland
Daveennoù douaroniel	26°24′0″S 146°15′0″E
A zo stok ouzh	Bakers Bend, Ward, Riversleigh, Sommariva, Gowrie Station
Kod-post	4470

Charleville zo ur gêr vihan en Aostralia war ar maez e su Stad Queensland, lec'hiet 753 km er c'hornôg d'ar gêr-benn Brisbane dre an hent. Emañ war ribl ar stêr Warrego, hag e penn ar gourhent Warrego.

Demografiezh

E 2006 e oa 3 278 annezad e Charleville. Hervez niveradeg 2016 e oa 3 335 den o chom eno : 15,3% anezho a oa henvroidi ha tud eus inizi Strizh-mor Torres ; 83,6% eus an dud a oa bet ganet en Aostralia, war-lerc'h e oa tud eus Viêt Nam gant 3,3% ; a-fet yezh, 87,6% eus an dud ne gomzent nemet saozneg er gêr, ha 3,5% a gomze vietnameg ; a-fet relijion, 34,1% eus an dud en em zisklêrie katoliked, 24,1% anezho anglikaned, 17,2% hep relijion ebet.

En niveradeg graet e 2021 e oa bet kontet 2 992 a dud e Charleville.

Lec'hioù touristel

• Kreizenn-weladenniñ "Royal Flying Doctor Service of Australia"^[1]
• Mirdi Istor Charleville^[2]
• "Cosmos Centre", ur greizenn steredoniezh amatour^[3]
• Bon kuzh an Eil Brezel Bed, lec'h ma oa 3500 den eus an "United States Army Air Forces" e 1943^[4]
• "Charleville Bilby Experience", un neved hag a heul ur programm sevel-loened evit gwareziñ ar bilby, ur godelleg en arvar^[5]

Liammoù diavaez

• Stadegoù diwar-benn Charleville

Daveoù

1. Charleville Royal Flying Doctor Service Visitor Centre (27 a viz Du 2021).
2. Charleville Historical Museum.
3. Homepage (23 a viz Ebrel 2020).
4. WWII Secret Base - Charleville | Outback Queensland, 2021-09-01
5. Home page. Save the Bilby Fund.