Dafnis (barzh)

Ur pennad Dafnis zo ivez.

Delwenn ma weler an doue Pan o kelenn d'e eromenos, ar mesaer yaouank Dafnis, penaos seniñ fleüt. War-dro 100 kent JK. Delwenn roman e marmor, savet diwar un delwenn hellazat gant Heliodoros (IIIe-IIvet kantved kent JK), kavet e Pompei. Dastumad Farnese, Mirdi Broadel an Hendraouriezh, e Napoli.

Dafnis (Δάφνις e henc'hresianeg, eus δάφνη - dafne, "lore"), mab da Hermes ha d'un nimfenn a Sikilia, a oa ur mesaer ha fleüter ha tad ar varzhoniezh e mojennoù Hellaz kozh, lakaet da zoue.

Mojenn

Hervez ar vojenn e oa ganet demdost da Assoro, ur gêriadenn e proviñs Enna, e Sikilia. An doue Pan, a oa sot gantañ, an hini a zeskas dezhañ seniñ fleüt. Gwarezet e oa gant ar Muzezed a roas dezhañ karantez ouzh ar varzhoniezh. Ar c'hentañ barzh a savas bugulganoù e oa a-hervez. A-raok dezhañ ne oa nemet gouezidi eus ar vesaerien, hag eñ eo a roas dezho ar varzhoniezh, a ouezas o sevenaat, o c'helennas diwar-benn an doueed.

Karet e oa gant un naiadenn (pe Ec'henais pe Nomia) met ne voe ket feal dezhi. Evit en em zialañ e troas ar paotr e maen, pe e tallas anezhañ, hervez doareoù ar vojenn.

Lennegezh

• N'eo ket eus an doue, met eus ur mesaer yaouank, ez eus kaoz e romant Longos, anvet Dafnis ha Chloe.
• Meneget eo Dafnis e Bucolica Vergilius.

Pennadoù kar

• Dafnis

Liammoù diavaez

• Daphnis Encyclopedia Britannica
• (en) The Death of Daphnis Barzhoneg gant Theocritus.
• (fr) (la) Dafnis e Bucolica (Virgilius)

Commons

Muioc'h a restroù diwar-benn

Dafnis

a vo kavet e Wikimedia Commons.