Exeter
Exeter (distaget (en) /ˈɛksɨtər/) zo ur gêr e Devon, e Bro-Saoz, war lez ar stêr Exe. Pennlec'h kontelezh Devon. Karesk eo hec'h anv kerneveurek, ha Caerwysg hec'h anv kembraeg; bet brezhonekaet a-wechoù e Keresk pe Kerwesk[1]). War-dro 122 400 annezad a oa o vevañ enni e 2007. Hêrez eo da Isca Dumnoniorum, kêr-benn keoded Dumnonii, hag abaoe 1050 ez eo ivez sez un eskopti.
Istor
[kemmañ | kemmañ ar vammenn]- Da goulz brezel Boudika, Poenius Posthumius, jeneral al Legio II Augusta (Eil Lejion an Impalaer), kelc'hiet gant ar Vrezhoned, a gavas gwelloc'h chom e-barzh e greñvlec'h eget mont d'an emgann. Pa welas e oa deuet, a-benn ar fin, an trec'h gant ar Romaned (Legio XIV Gemina hag ar rest eus al Legio XX Valeria) kaset gant Suetonius Paulinus, e kavas gwelloc'h en em lazhañ gant e gleze.
- Isca e oa penn mervent an hent bras roman kentañ, anavezet e saozneg evel Fosse Way. Ar penn all en em gave e Lindum > Lincoln.
An anvioù
[kemmañ | kemmañ ar vammenn]A. Isca. Rivet & Smith, p. 378[2]
- Ptol. II,3,13 : Isca, Legio II Augusta, ar gêr (polis) an Dumnonii;
- I.A, 486-8,9, & 486-17 (Iter XV) : Isca Dumnoniorum;
- Ravenna , 106-2 : Scadum Namorum, eilstumm Sca Damnamorum; 106-6,9 : Iterum iuxta super scriptam civitatem Scadoniorum est quae dicitur ...;
- T.P : Iscadumnoniorum;
B. Exeter. Eilert Ekwall, p. 171[3]
- Asser. Buez ar roue Alfred, c 894 : Cair-Uuisc;
- Buez Sant Bonifas, c 750 : Ad-Escanceaster;
- A.S.C 877 : Exanceaster;
- D. B. : Execestre.
Levrioù talvoudus da lenn
[kemmañ | kemmañ ar vammenn]Liammoù diavaez
[kemmañ | kemmañ ar vammenn]
Notennoù ha daveennoù
[kemmañ | kemmañ ar vammenn]- ↑ Gwelet, da skouer, Geriadur Vallée, 1931, p. 283.
- ↑ A.L.F Rivet & Colin Smith : The Place-names of Roman Britain. B.T Batsford Ltd. London. 1979 - 1982
- ↑ Eilert Ekwall : The Concise Oxford Dictionary of English Place-names. Clarendon Press. Oxford. First edition 1936; Fourth edition 1960, Reprint 1980.