Formulenn diorroet plaen

Termenadur

Er gimiezh volekulel ez eo ar formulennoù diorroet plaen formulennoù hag a ro titouroù diwar-benn aozadur an atomennoù a ya da sevel ar molekulennoù.
Dre ma vezont taolennet a-blaen ne roont ket titouroù diwar-benn aozadur gwir an atomennoù en egor. Peurvuiañ e vez taolennet a-skouer (90º) an ereadoù etre an atomennoù, met evit bezañ sklaeroc'h e vezont taolennet a 120º a-wezhioù.
Natur an atomennoù a vez meneget gant azouezioù deuet eus taolenn beriodek an elfennoù hag an ereadoù etre an atomennoù gant un tres pe meur a hini diouzh ma vez eeun pe liesek ar re-se.

Un nebeud formulennoù diorroet plaen

• An dour (H₂O)

H - O - H

• Ar propan (C₃H₈)

 H H 
 | | 
H - C - C - O - H
 | |
 H H

• An etanol (C₂H₆O)

 H H
 | |
H - C - C - O - H
 | |
 H H

• An etilen (C₂H₄)

 H H
 | |
 C = C
 | |
 H H

Gwelet ivez

• Ar reizhiadoù diseurt da daolennañ ar molekulennoù
• Ar c'hevatalennoù kimiek
• Ar gimiezh organek
• Ar gimiezh vineralek

Taolennadur ar molekulennoù
Diaoz - Lewis - Diorroet plaen - Damziorroet - Topologel - Cram - Newman - Fischer - Haworth Gilbert Newton Lewis - Hermann Emil Fischer - Walter Norman Haworth