Félicité Robert de Lamennais
,_%C3%A9crivain_et_philosophe_-_P848_-_Mus%C3%A9e_Carnavalet_(cropped).jpg)
| Reizh pe jener | paotr  |
|---|---|
| Bro ar geodedouriezh | Frañs |
| Anv e yezh-vamm an den | Hugues Felicité Robert de Lamennais, Félicité Robert de Lamennais |
| Anv-bihan | Félicité |
| Anv-familh | Lamennais |
| Deiziad ganedigezh | 19 Mez 1782 |
| Lec'h ganedigezh | Sant-Maloù |
| Deiziad ar marv | 27 C'hwe 1854 |
| Lec'h ar marv | Pariz |
| Lec'h douaridigezh | Bered Père-Lachaise |
| Tad | Pierre-Louis Robert de la Mennais |
| Mamm | Gratienne-Jeanne Lorin |
| Breur pe c'hoar | Jean-Marie de Lamennais, Marie-Joseph de La Mennais, Louis-Marie Robert de La Mennais, Gratien Robert de La Mennais |
| Pried | talvoud ebet |
| Familh | Robert de la Mennais (famille) |
| Yezh vamm | galleg |
| Yezhoù komzet pe skrivet | indonezeg, galleg |
| Yezh implijet dre skrid | galleg |
| Tachenn labour | prederouriezh |
| Karg | kannad gall |
| Lec'h labour | Pariz |
| Relijion | Katoligiezh, Pantheism |
| Levezonet gant | Adam Mickiewicz, Louis de Bonald |
| Statud e wirioù aozer | Ar gwirioù aozer ne dalvezont ket ken |
,_%C3%A9crivain_et_philosophe_-_P848_-_Mus%C3%A9e_Carnavalet.jpg)
Félicité Robert de Lamennais, bet ganet e Sant-Maloù d'an 19 a viz Mezheven 1782 ha marvet e Pariz d'ar 27 a viz C'hwevrer 1854, a oa ur skrivagner hag ur prederour.
Yaouankiz
[kemmañ | kemmañ ar vammenn]Breur e oa gant Yann-Vari De La Mennais yaouankoc'h a zaou vloaz gantañ. Sikouret en deus bet kalz e vreur da vont gant ar soñjoù nevez a vefe ret da zegas d'an Iliz.
An hent politikel
[kemmañ | kemmañ ar vammenn]Da geñver Yann-Vari ne blegas biken dirak galloud hollveliek ar Vatikan betek mont d'an troc'h ha biken ne zistroio enni. Unan d'eus e oberennoù a vezo diskuilhet gant ar Pab Gregoar 16 d'ar 25 a viz even 1834. Gant un hent disheñvel e kendalc'h da vont etrezek ar re baour hag en dienezh met er-maez d'eus an Iliz dilennet ez eo da zanvez depute e 1848. Un den lies ez eo, kamalad gant an tu dehou pellañ ha kilstourmer met war ar memes-tro gant an dud reveulzierien pe araokourien anezho e toare George Sand. Degas a ra ur sell romantel avieler, prederour kredour ha demokratel. Sevel a raio a-enep al lezenn Falloux en 1850, ul lezenn war an deskadurezh bublik dindan an eil Republik C'hall. Dalc'hmat e gendalc'h gant ar stourm evit lakaat e pleustr an aviel a-enep d'ar vourc'hizien, da galloud an arc'hant, evit ar familh, an dud munut hag an demokratelezh. Goude taol-stad 1851 sevenet gant Louis-Napoléon Bonaparte prezidant ar Republik C'hall abaoe 1848 e chom sioul gant e obererezh bolitikel. Dindan selloù-strizh archerien an impalaeriezh emañ eñ.
Fin e vuhez
[kemmañ | kemmañ ar vammenn]
Bevet en deus darn e vuhez dindan skeud e vreur Yann-Vari De La Mennais. Memes ur wech troc'het gant an Iliz e kendalc'has da zegas boued spered d'e vreur d'e sikour da vont gant e oberenn deskadurezh. D'ar c'hentañ a viz meurzh 1854 ez eo beziet gant ul lid sivil ha simpl e bez-boutin ar vered Père Lachaise en Pariz. N'eo ket bet nac'het gant an impalaeriezh d'an dud d'e vont memes ma oa savet ar c'hoant. Ur mor a dud a vezo o vont gant an arched dreist-holl an dud munut hag a oa aze evit e drugarekaat da vezañ klaset d'o zifenn a-hed e vuhez. N'ez eus ket bet tamm lid katolik ebet tro-dro d'an intramant pezh a lak Yann-Vari De La Mennais da vezañ sabatuet bras. Gwasoc'h c'hoazh erruet ez eo re ziwezhat da gonfesiñ e vreur araok an anaon mantret e vezo da vat betek fin e buhez gant an darvoud-se.
Herezh
[kemmañ | kemmañ ar vammenn]Kredour don, kredour romantel leun a garantez evit an dud hag avieler d'eus ar c'hentañ, Félicité De La Mennais a zo bet un den dibleg gant an hent stourm a gemeras evit mat ar brasañ niver ha dreist-holl an dud munut. Ma chomas troc'h gant an Iliz ofisiel, a-benn ar fin e kendalc'has oberenn e vreur, avieliñ ha difenn ar re baour, met dindan un doare all ha politikel. Disoñjet ez eo bet hiziv an deiz.
Un timbr a zo bet embannet en 1957 evit e enoriñ.
Oberennoù
[kemmañ | kemmañ ar vammenn]- Réflexions sur l'état de l'Eglise en France pendant le dix-huitième siècle et sur sa situation actuelle gant Hugues Felicite Robert De Lamennais , 1808
- Essai sur l'indifférence en matière de religion gant Hugues Felicite Robert De Lamennais, 1817
- Paroles d'un croyant gant Hugues Felicite Robert De Lamennais, 1833
- Le Livre Du Peuple gant Félicité Robert de Lamennais, Rue De Seine, Pariz - 1838
- Esquisse d'une philosophie. gant Hugues Felicite Robert De Lamennais, Embannadur 1840 levrenn 1, 1846 levrenn 2
- Discussions Critiques Et Pensees Diverses Sur La Religion Et La Philosophie gant Hugues Felicite Robert De Lamennais, 1841
- De la société première et de ses lois ou De la religion - suivie de Mélanges politiques gant Félicité Robert de Lamennais, 1848
- L'Imitation de Jésus - Christ - Troidigezh gant Félicité Robert De Lamennais, 1añ a viz Genver 1854
- Du passé et de l'avenir du peuple gant Félicité Robert de Lamennais, 1888
Kenlabourer
[kemmañ | kemmañ ar vammenn]- L'individualisme et le communisme par les citoyens Lefuel, Lamennais, Duval, Lamartine et Cabet, gant Hugues Felicite Robert De Lamennais, 1848
Levrlennadur
[kemmañ | kemmañ ar vammenn]- Zavier Grall, Stèle pour Lamennais, adembannadur 2001 ti-moulañ Calligrammes. Kentañ embannadur en 1977 ti-moulañ libres-Hallier. (ISBN-10: 2869651872)
- Claude Carcopino, Les doctrine sociales de Lamennais, Digoradur gant Gaëtan Pirou, Pariz, PUF, 1942
Liammoù diavaez
[kemmañ | kemmañ ar vammenn]- http://www.infobretagne.com/lamennais-jean-marie.htm
- Lec'hienn ofisiel ar skolioù hentenn De La Mennais
Skrid-buhez ofisiel: