Galla Placidia
Ur pennad Placidia zo ivez.
| Reizh pe jener | plac'h  |
|---|---|
| Bro ar geodedouriezh | Henroma, Impalaeriezh roman ar Reter |
| Anv e yezh-vamm an den | Galla Placidia |
| Titl noblañs | impalaerez kenseurt |
| Praenomen | talvoud ebet |
| Nomen | Aelia |
| Cognomen | Galla |
| Deiziad ganedigezh | 386 |
| Lec'h ganedigezh | Kergustentin |
| Deiziad ar marv | 27 Du 450 |
| Lec'h ar marv | Roma |
| Doare mervel | abeg naturel |
| Lec'h douaridigezh | Mausoleum of Galla Placidia |
| Tad | Teodosius Iañ |
| Mamm | Flavia Galla |
| Breur pe c'hoar | Arcadius, Flavius Honorius |
| Pried | Ataulf, Constantius III |
| Kompagnun(ez) | Eucherius |
| Bugel | Valentinian III, Justa Grata Honoria, Theodosius |
| Familh | Tierniezh Teodosius |
| Gens | Gens Aelia |
| Yezhoù komzet pe skrivet | latin |
| Micher | politiker |
| Karg | Impalaerezed Roma |
| Relijion | kristeniezh |
| Prantad | Low Roman Empire |
Galla Placidia, ganet e 390 e Kergustentin ha marvet d'ar 27 a viz Du 450 e Roma, a oa un impalaerez roman er Vvet kantved.
Merc'h e oa d'an impalaer Theodosius Iañ ha da Flavia Galla.
Dimezet e voe d'ar roue vizigot Ataulf, a voe lazhet e 415, ha goude da Gonstantius III, a renas etre C'hwevrer ha Gwengolo 421.
Bras e voe perzh Galla Placidia en aferioù an impalaeriezh etre 410 ha 440, pa oa ar galloud o wanaat.
He buhez
[kemmañ | kemmañ ar vammenn]Merc'h e oa Galla Placidia d'an impalaer Theodosius Iañ, a renas etre 379 ha 395, ha da Flavia Galla, merc'h d'an impalaer Valentinianus Iañ.
Hanterc'hoar e oa d'an impalaerien Arcadius hag Honorius, a renas o-daou adal 395, goude marv o zad.
He bugaleaj a dremenas e lez Kergustentin. Goude marv he zad ez eas da-heul he breur Honorius, a oa da ren war Impalaeriezh roman ar C'hornôg, dindan evezh ar jeneral Stilico, anvet da rejant. A-benn neuze n'edo ket an impalaerien o chom e Roma ken ; e Milano edo lez Honorius da gentañ, hag e Ravenna adal 402.
Stilicon, evit kreñvaat e liammoù personel gant an tiegezh impalaerel, en devoa dimezet e verc'h Maria da Honorius e 399, hag klask a reas dimeziñ e vab Eucher, ur c'hrennard anezhañ, da C'halla Placidia, met an eured-se ne voe ket graet.
E bloavezhioù kentañ ren Honorius, dindan Stilicon, e talas an impalaeriezh, en Italia, ouzh ar Vizigoted kaset gant Alarig Iañ : ar re-se a oa en em ziazezet abaoe 382 e Mesia, evel pobl kevredet. Goude-se e teuas an Ostrogoted kaset gant Radagaisus, a zeue eus bro an Huned en hanternoz d'an Danav.
E 414 e renas a-gevret gant he fried Ataulf,roue ar Vizigoted, betek 415. Kenimpalaerez e voe gantConstantius III e 421, ha rejantez e voe e deroù ren Valentinianus III.
-
Ti-kañv Galla Placidia e Ravenna -
An diabarzh -
Marelladurioù en diabarzh
Oberennoù en hec'h anv
[kemmañ | kemmañ ar vammenn]- Ar c'hoarigan Gal·la Placidia gant Jaume Pahissa en 1913, savet diwar trajedienn Ángel Guimerá.