George Armstrong Custer
| Reizh pe jener | paotr  |
|---|---|
| Bro ar geodedouriezh | Stadoù-Unanet |
| Lealded | Stadoù-Unanet |
| Anv e yezh-vamm an den | George Armstrong Custer |
| Anv-bihan | George, Armstrong |
| Anv-familh | Custer |
| Deiziad ganedigezh | 5 Kzu 1839 |
| Lec'h ganedigezh | New Rumley |
| Deiziad ar marv | 25 Mez 1876 |
| Lec'h ar marv | Big Horn County |
| Abeg ar marv | emgann Little Bighorn |
| Lec'h douaridigezh | West Point Cemetery |
| Tad | Emanuel Henry Custer |
| Breur pe c'hoar | Thomas Custer |
| Pried | Elizabeth Bacon Custer |
| Yezhoù komzet pe skrivet | saozneg |
| Micher | ofiser |
| Karg | pennkomandant |
| Bet war ar studi e | United States Military Academy |
| Deroù ar prantad labour | 1861 |
| Strollad politikel | Strollad Demokratel |
| Grad milourel | major jeneral |
| Skour lu | Union Army, United States Army, United States Cavalry |
| Darvoud-alc'hwez | emgann Little Bighorn |
| Present in work | Son of the Morning Star, Son of the Morning Star |
| Military casualty classification | Killed in action |
| Facial hair | Van Dyke beard |
George Armstrong Custer ganet d'ar 5 a viz Kerzu 1839 ha marvet d'ar 25 a viz Even 1876 a oa un ofisour ha komandant er varc'hegiezh eus an United States Army e-pad Brezel diabarzh Stadoù-Unanet Amerika hag ar Brezelioù Indian. Desavet er Michigan hag en Ohio, Custer a oa bet degemeret e West Point e 1857, echuet en doa diplomet an hini diwezhañ eus e glasad e 1861. Pa darzhas ar brezel diabarzh, Custer a oa bet galvet da servij en Union Army.
Custer a c'hounezas brud vat e-pad ar brezel diabarzh. Kroget e oa bet ar stourm gantañ e-pad ar c'hentañ emgann veur, hini Bull Run d'an 21 a viz Gouhere 1861, nepell diouzh Washington D.C. Gant ma oa liammet gant un toullad ofiserien uhel e voe sikouret evit e vuhez soudard met ouzhpenn da-se e oa un ofiser marc'hegiezh mailh anezhañ. Custer a c'hounezas e breved Jeneral brigadenn d'an oad a 23 vloaz, nebeutoc'h evit ur sizhun a-raok emgann Gettysburg. Eno e voe penn da argadenn marc'hegiezh nerzhus a dalas ouzh Lu Stadoù Kengevreet Amerika da dremen dreist flankennoù talbenn an Unvaniezh.
E 1864, Custer a c'hounezas ur steredenn all hag a dapas e breved evit ar renk a major jeneral. E-fin ar brezel e dibenn Kampagn Appomattox, lec'h ma oa bet tu-pe-du e obererezh ha re e soudarded, Custer a oa aze pa godianas ar jeneral Robert Lee d'ar jeneral Ulysses S. Grant, d'an 9 a viz Ebrel 1865.
Goude ar brezel diabarzh, Custer a chomas el lu en United States Volunteers gant ar renk a major jeneral betek ma vefent divodet e miz C'hwevrer 1866. Goude-se e voe lakaet d'ar renk a gabiten ha goude-se leutanant koronal er 7th Cavalry Regiment e miz Gouhere 1866. Kaset e voe e kornôg ar vro evit stourm er Brezelioù Indian Amerika e 1867. D'ar 25 a viz Even 1876, gant ma oa e-penn ar 7th Cavalry Regiment e emgann Little Bighorn war douaroù ar Montana Territory a-nep ur c'hengevread meuriadoù indianed Amerikas, e voe lazhet gant e holl rejimant (e-touez anezho daou vreur dezhañ). An emgann a zo chomet brudet e Istor Stadoù-Unanet Amerika gant al lesanv "Custer's Last Stand." An trec'h war Custer hag e rejimant a oa bet ken splan e Little Bighorn ma chomas brudetoc'h evit e holl obererezhioù brezel all.