Glock (pistolenn)

Glock

familh arm

Iskevrennad eus	semi-automatic pistol
Moranv	Drastic Plastic
Bro orin	Aostria
Dizoloer pe ijiner	Gaston Glock
Manufacturer	Glock (embregerezh)
Treset gant	Gaston Glock
Lakaet er servij	1982
Lec'hienn ofisiel	http://www.glock.com/

Ar Glock zo un rummad pistolennoù savet gant an embregerezh Glock eus Deutsch-Wagram, Aostria. Da gentañ holl e voe implijet gant lu ha polis ar vro-se adalek 1982 dindan an anv P80. Ur framm polimer zo gant ar pistolennoù-mañ. Dont a reas goude da vezañ an arm standard e armeoù ha polisoù meur a vro. Anvet eo ivez Glock Safe Action gant an embregerezh abalamour d'he draen dezhi ur pouez-loc'hañ uhel ha da dri live surentez.

Adstummoù

Glock 17

Ar stumm diazez eo ar Glock 17, ijinet e 1980 gant Gaston Glock ha produet abaoe 1981. Pemp rummad Glock 17 a zo bet betek-henn^[1].

Rummad 1 (1980-1982)

Produet e voe da gentañ dindan an anv P80 evit arme Aostria a oa o klask un arm-dorn standart nevez. Framm ar bistolenn a oa e polimer, un danvez marc'had-mat, skañv ha solut war un dro, un arguzenn vat evit implijerien evel soudarded pe poliserien a zouge o arm gante bemdez. He skoer a oa lañset, da lavaret eo e veze adarmet anezhañ betek-gouzout ne vije ket bet skoet skoet mat ur gartouchenn. Hec'h endalc'h (17 + 1 kartouchenn) a oa e-touez ar re vrasañ war ar marc'had pa oa bet savet.

Rummad 2 (1988)

Un nebeud cheñchamantoù a voe degaset e framm an arm, evel ar pikoù war an dornell da aesaat an dornata.

Ur Glock 17 rummad 3 (1998)

Rummad 3 (1998)

Reilhoù a voe ouzhpennet d'ar framm da stagañ warni pezhioù ouzhpenn evel gouleier. Cheñch a reas an dornell da glotañ gwelloc'h ouzh stumm ar bizied.

Rummad 4 (2009)

Neuz danvez ar framm a cheñchas.

Rummad 5 (2017)

Kemmet e voe beskell toull ar c'harger da vuanaat ar pourvezañ, ha dilezet roudoù bizied ar rummadoù 3 ha 4^[2].

Adstummoù all

Meur a adstumm eus ar Glock 17 orin a zo bet kinniget abaoe deroù ar bloavezhioù 1980. E 2024 e vez gwerzhet an adstummoù-mañ :^[3]

Kambret e 9 mm Parabellum

• G18, stumm aotomatek
• G19, stumm bihanoc'h Compact
• G26, stumm bihan-kenañ Subcompact
• G45, G47, G48

Kambret e .22 Long Rifle

• G44

Kambret e .40 S&W

• G22 Standard
• G23, stumm Compact
• G27, stumm Subcompact
• G35, stumm Competition

Ur Glock G29 kambret e 10 mm Auto

Kambret e 10 mm Auto

• G20 Standard
• G29, stumm Subcompact
• G40, stumm Long slide dezhi ur c'hanol hiroc'h

Kambret e .45 Auto

• G21 Standard
• G30, stumm Subcompact
• G41, stumm Competition

Kambret e .45 GAP

• G37 Standard
• G38, stumm Compact
• G39, stumm Subcompact

Kambret e .380 Auto

• G25 Standard
• G28, stumm Subcompact
• G42, stumm Subcompact

Kambret e .357 SIG

• G31 Standard
• G32, stumm Compact
• G33, stumm Subcompact

Implij

Pa voe gwerzhet ar c'hentañ pistolenn savet gant tammoù plastik ne voe ket gwelet-mat gant marc'had an armoù. Soñjet e veze ne badje ket pell ur bistolenn blastik, ha gwelet e veze fall dre ma veze kredet ne c'halle ket bezañ diskoachet gant porchedoù surentez an aerborzhioù.

E 2018 e oa mestr Glock war 65% eus marc'had an armoù-dorn e Stadoù-Unanet Amerika evit an nerzhioù polis pe surentez^[4]. Nerzhioù lu, aozadurioù surentez ha nerzhioù polis e 48 bro dre ar bed d'an nebeutañ a zo bet pourvezet gant pistolennoù Glock.

Dielloù

• 
  Ezel eus ar Frømandskorpset (nerzhioù ispisial Danmark) gant ur bistolenn Glock
• Filmig a ziskouez un den o tennañ gant ur Glock 32

Daveennoù

1. (en) Glock History war lec'hienn an embregerezh (lennet d'an 11/02/2024)
2. (en) Glock 17 Gen. 4 vs Gen. 5 war al lec'hienn Ammo For Sale, 31/03/2021 (lennet d'an 11/01/2024)
3. (en) Choose your GLOCK ! war lec'hienn an embregerezh (lennet d'an 11/02/2024)
4. (en) ÇAM Deniz, The Billionaire Who Got Rich Off Glock Guns, Used By The Police As Well As Mass Shooters, Forbes, 19/11/2018 (lennet d'an 11/02/2024)

  Stag eo ar bajenn-mañ ouzh Porched an Armoù-tan