Gwareg (kumun)

Gwareg
An ti-gar kozh.
Anv gallek (ofisiel)	Gouarec
Bro istorel	Kernev
Melestradurezh
Departamant	Aodoù-an-Arvor
Arondisamant	Gwengamp
Kanton	Gwareg (betek 2015) Rostrenenn (abaoe 2015)
Kod kumun	22064
Kod post	22570
Maer Amzer gefridi	Jérôme Lejart 2020-2026
Etrekumuniezh	KK Kreiz-Breizh
Bro velestradurel	Bro Kornôg Kreiz-Breizh
Lec'hienn Web	https://www.mairie-gouarec.fr
Poblañsouriezh
Poblañs	952 ann. (2020)[1]
Stankter	149 ann./km²
Douaroniezh
Daveennoù lec'hiañ	48° 13′ 38″ Norzh 3° 10′ 46″ Kornôg / 48.2272, -3.1794
Uhelderioù	kreiz-kêr : 130 m bihanañ 127 m — brasañ 210 m
Gorread	6,41 km²
Gwareg
kemmañ

Gwareg a zo ur gumun eus Bro Gerne hag e kanton Rostrenenn, e departamant Aodoù-an-Arvor, e kreiz Breizh.

Douaroniezh

• War lez ar stêr Blavezh emañ Gwareg.

Dezougen

• War al linenn hent-houarn Karaez Loudieg, serret, emañ Gwareg.

Istor

XX^vet kantved

Brezel-bed kentañ

• Mervel a reas 113 gwaz abalamour d'ar brezel hervez monumant ar re varv, da lavaret eo 6,00 % ag ar boblañs hervez an niveradeg bet graet e 1911^[2]; mervel a reas tri anezhe e Belgia e miz Eost 1914, e penn- kentañ ar brezel: ur soudard a yeas diwar wel en Arsimont d’an 21, en 71vet Rujumant Troadegiezh e oa^[3] ha daou vilour eus ar 1añ Rujumant Troadegiezh Trevadennel a voe lazhet e Rossignol d’an 22^[4],[5].

Eil Brezel-bed

• Kemeret e voe etre 10 000 ha 12 000 Lur en ti-post, gant pevar ezel eus ar Rezistañs moarvat, d’ar 15 a viz Ebrel 1944 ha d’ar 25 a viz Ebrel e voe tapet 6 000 Lur en ti-post adarre ha 100 000 Lur en tailhanterdi hervez danevelloù sizhuniek Titouroù Hollek Sant-Brieg^[6].
• D’an 19 a viz Ebrel 1944 e voe taget an archerdi gant tud eus ar Rezistañs, kemeret teir fistolenn gante ha lazhet un archer, hervez danevell sizhuniek Titouroù Hollek Sant-Brieg^[7].
• D'an 23 a viz Mae 1945 e voe kavet korfoù marv daou zen eus ar gumun e-tal gwikadell Porzh-Loeiz. Er Rezistañs e oant; fuzuilhet e oant bet gant al lu alaman^[8].

Anv L. Le Bail, un den eus Gwareg, ouzh monumant ar re fuzuilhet e Porzh-Loeiz.

• Mervel a reas nav den ag ar gumun abalamour d'ar brezel^[2].

Brezelioù didrevadennañ

Brezel Aljeria

• Mervel a reas ur c’hanolier eus ar gumun d'ar 27 a viz Eost 1962 e Marengo (departamant Aljer)^[9].

Monumantoù ha traoù heverk

• Iliz katolik Intron-Varia.
• Chapel Sant Jili, er vered.
• Monumant ar re varv e-tal an iliz katolik, luc’hskeudenn ha kartenn-bost^[10].
• Plakenn ar re varv (1914-1918) en iliz katolik, luc’hskeudenn^[11].

Ardamezioù

En argant e besk en glazur peuliek ; e gab en gul karget gant teir mailhenn en aour.

Emdroadur ar boblañs abaoe 1962

Niver a annezidi

Melestradurezh

• Penn kanton e oa betek dekred 2014.

Tud brudet

Tud ganet eno

• Yves Marie Audrein, eskob katolik touer ha kannad, bet ganet e Gwareg d'ar 14 a viz Here 1741.

Tud marvet eno

• 1972 : Auguste Loriquer, barzh
• Pêr Bourdellez (1907-1989), d'ar 24 a viz Gouhere 1989, beleg katolik, kelenner, emsaver ha skrivagner.

Liammoù diavaez

Commons

Muioc'h a restroù diwar-benn

Gwareg (kumun)

a vo kavet e Wikimedia Commons.

• (br)Gwareg war lec'hienn Geobreizh
• (fr)Pajenn Gwareg war lec'hienn ar c'hanton
• (fr)Pajenn Gwareg war lec'hienn an etrekumuniezh

Dave ha notennoù

1. Roadennoù ofisiel e lec'hienn an EBSSA
2. (fr)Monumant ar re varv - Memorial Genweb
3. (fr)Fichenn hiniennel - Memorial Genweb
4. (fr)Fichenn hiniennel - Memorial Genweb
5. (fr)Fichenn hiniennel - Memorial Genweb
6. (fr)Éric Rondel, En attendant le Débarquement en Bretagne du 15 août 1943 au 6 juin 1944, pajennoù 189, 190 ha 208, Dastumadenn Guerres et Conflits, Embannadurioù Astoure, Pleherel, 2011
7. (fr)Éric Rondel, En attendant le Débarquement en Bretagne du 15 août 1943 au 6 juin 1944, pajennoù 197 ha 198, Dastumadenn Guerre et Conflits, Embannadurioù Astoure, Pleherel, 2011
8. (fr)René Le Guénic, Morbihan - Mémorial de la Résistance, 1998, pajennoù 315-316
9. (fr)Memorial Genweb
10. (fr)Memorial Genweb
11. (fr)Memorial Genweb