Harvey Weinstein
_(centered).jpg)
| Reizh pe jener | paotr  |
|---|---|
| Bro ar geodedouriezh | Stadoù-Unanet |
| Anv e yezh-vamm an den | Harvey Weinstein |
| Anv-bihan | Harvey |
| Anv-familh | Weinstein |
| Deiziad ganedigezh | 19 Meu 1952 |
| Lec'h ganedigezh | New York |
| Breur pe c'hoar | Bob Weinstein |
| Pried | Georgina Chapman |
| Yezh vamm | saozneg |
| Yezhoù komzet pe skrivet | saozneg |
| Yezh implijet dre skrid | saozneg |
| Place of detention | Wende Correctional Facility |
| Kondaonet evit | Gwallerezh, tagadenn reizhel |
| Micher | Produour sinema, executive producer, aktour, film director, senarioour(ez) |
| Tachenn labour | filmaozañ |
| Implijer | The Weinstein Company |
| Bet war ar studi e | University at Buffalo, John Bowne High School, State University of New York at Buffalo School of Management |
| Lec'h labour | New York |
| Deroù ar prantad labour | 1981 |
| Dibenn ar prantad labour | 2017 |
| Strollad politikel | Strollad Demokratel |
| Kleñved | myocardial infarction, COVID-19 |
| Darvoud-alc'hwez | Harvey Weinstein sexual abuse cases |
| Prizioù resevet | Marc'heg al Lejion a Enor, Commander of the Order of the British Empire, Academy Award for Best Picture, British Academy of Film and Television Arts, Hugo Award for Best Dramatic Presentation |
| Bet kinniget evit | Academy Award for Best Picture, Academy Award for Best Picture |
| Rummad tost | Category:Films produced by Harvey Weinstein |
Harvey Weinstein, ganet d'an 19 a viz Meurzh 1952, zo ur produour filmoù stadunanat. Gant e vreur Bob Weinstein en doa krouet an embregerezh dudi Miramax, a broduas filmoù dieub gant berzh bras. E-touezh ar re se Sex, Lies, and Videotape (1989), The Crying Game (1992), Pulp Fiction (1994), Heavenly Creatures (1994), Flirting with Disaster (1996), ha Shakespeare in Love (1998).
Ar vreudeur o deus bet kuitaet Miramax evit sevel an embregerezh The Weinstein Company, ur studio filmoù. Bez eo bet Harvey rener gant e vreur etre 2005 betek 2017.
E miz Here 2017, goude ma vefe deuet war-wel rebechoù lies tagadennoù reizhel a-berzh Weinstein, e voe skarzhet eus e embregerezh kement hag eus an Academy of Motion Picture Arts and Sciences. D'an 31 a viz Here, ur 80 maouez bennak o devoa rebechet tagadennoù reizhel gant Weinstein. Goude ar c'hlemmoù-se e oa bet savet en hashtag "#MeToo" war ar rouedadoù sokial. Sikouret e voe ar maouezed o doa gouzañvet tagadennoù reizhel da embann o soñjoù pe testenioù dreist-holl a-enep paotred c'halloudus. Kaoz zo bet eus an "Efed Weinstein".
An Afer Weinstein
[kemmañ | kemmañ ar vammenn]- Pennad spisoc'h: an Afer Harvey Weinstein
Rebechoù
[kemmañ | kemmañ ar vammenn]E miz Here 2017, The New York Times ha The New Yorker a embanne pennadoù a zisklêrie e oa un daouzek bennak a vaouezed a rebeche da Harvey Weinstein da vezañ taget reizhel, betek gwallet anezho. Un toullad maouezed all eus industrielezh ar filmoù stadunanat o doa bet kendalc'het gant an testenioù a-enep Weinstein. Hemañ en doa nac'het a-grenn ar rebechoù. Paeet en doa ez spierien eus ar Mossad[1] evit klask piv a oa ar merc'hed a rae rebechoù dezhañ ha penaos o lakaat da devel[2].
An harzadenn ha tamalloù
[kemmañ | kemmañ ar vammenn]D'ar 25 a viz Mae 2018, Weinstein a oa rebechet dezhañ gant an New York City Police Department "rape, criminal sex act, sex abuse and sexual misconduct for incidents involving two separate women". Memes devezh e oa harzet goude bezañ en em rentet d'ar polis[3].
Weinstein a voe dieubet nebeut amzer goude e varnadenn rebech en eskemm d'e paseporzh ha d'un tailh-kastiz ur milion dollar. E alvokad Benjamin Brafman, hag en devoa difennet DSK e-pad Afer ar Sofitel, en deus embannet e vefe disklêriet gant Weinstein e oa "nann kablus"[4].
Buhez prevez
[kemmañ | kemmañ ar vammenn]Dimezet eo bet gant Eve Chilton etre 1987 ha 2004. Etre 2007 ha 2017 e oa dimezet gant Georgina Chapman, met kuitaet he deus anezhañ ur wech ma oa kroget an afer Wenstein.
Stourm politikel
[kemmañ | kemmañ ar vammenn]Wenstein a ro harp a-gozh d'ar Strollad Demokratel stadunanat. Sikouret en devoa da rastellañ arc'hant evit kampagn Barack Obama, hini Hillary Clinton ha John Kerry.
Notennoù ha daveennoù
[kemmañ | kemmañ ar vammenn]- ↑ https://www.theguardian.com/film/2017/nov/07/harvey-weinstein-hired-ex-mossad-agents-to-suppress-abuse-allegations-new-yorker-report-claims
- ↑ https://www.lemonde.fr/m-actu/article/2017/11/29/affaire-weinstein-les-methodes-troubles-des-anciens-agents-du-mossad_5221954_4497186.html
- ↑ https://www.francebleu.fr/infos/medias-people/viol-et-agression-sexuelle-harvey-weinstein-devant-la-justice-americaine-1527226270
- ↑ http://www.lefigaro.fr/international/2018/05/25/01003-20180525ARTFIG00230-benjamin-brafman-l-ex-avocat-de-dsk-qui-defend-desormais-harvey-weinstein.php