Invictus (barzhoneg)

Poltred William Ernest Henley graet gant Leslie Ward, embannet e Vanity Fair, 26 a viz Du 1892

Invictus zo ur varzhoneg brudet bet savet er bloaz 1875 gant ar skrivagner saoz William Ernest Henley (1849–1903).

Ne oa bet lakaet titl ebet dezhi gant he oberour. Anvet e vo Invictus, ur ger latin hag a dalvez kement ha "na c’heller ket trec’hiñ", gant ar skrivagner kerneveurat Arthur Quiller-Couch (1863-1944) e 1900.

Gant Nelson Mandela e voe skrivet hag engravet he gwerzennoù war mogerioù e gell e toull-bac’h enez Robben Island ma oa bet digenvezet. Er gwerzennoù-se, a veze ouzh o lenn bemdez-c’houloù, e kavas nerzh ha kredenn divrall hed-ha-hed an triwec’h vloaz bac’h eno.

Testenn

Stumm saozneg eus 1931[1]

Troidigezh Yann Guillamot[2]

Out of the night that covers me, Black as the pit from pole to pole, I thank whatever gods may be For my unconquerable soul. In the fell clutch of circumstance I have not winced nor cried aloud. Under the bludgeonings of chance My head is bloody, but unbowed. Beyond this place of wrath and tears Looms but the Horror of the shade, And yet the menace of the years Finds and shall find me unafraid. It matters not how strait the gate, How charged with punishments the scroll, I am the master of my fate : I am the captain of my soul.

Eus kreiz an noz serret warnon Puñs teñval-dall ha ken don all E rentan Trugarez d’am Doue Evit ma ene didrec’hus manet dizoñv Daoust d’an degouezhioù garv ouzh ma sparlañ N’em eus na hirvoudet na yudet Skoet gant droukverzhioù ma zonkad Ha doaniet ma dremm difaezhus e talan En tu all d’ar gounnar ha d’an daeloù E plav warnomp skeud gourdrouzus an Ankoù Hep damant d’ar blanedenn a zo warnon E tiskouezan dizehan bez’ dizaon Forzh pegen enk e ve an tremen Hag hudur ar yev war hor buhez Me a zo mestr d’am flanedenn Me eo gwir sturier ma ene.

Notennoù

1. Testenn bet embannet er Oxford Book of English Verse 1250-1900 gant Arthur Quiller-Couch e 1931 gant Clarendon Press. Kavet e vez war ar Wikisource saoznek : Invictus.
2. Embannet er gelaouenn lennegel Al Liamm, niv. 425, Du-Kerzu 2017.