Kanoù Homeros zo anezho un dastumad pevar-ha-tregont a varzhonegoù (pe daou ha tregont, hervez an doare ma konter), pezhioù berr ha meurganek, a veze lakaet war-gont Homeros en Henamzer. Hiziv e soñjer eo ken kozh hag amzer Hesiodos an hini koshañ, ar c'han da z-Demeter. Kinniget eo pep kan d'un doue, ha kanet e veze gant ur barzh evel raklavar (pe "proem", diwar ar gregach προοίμιον / prooímion), a-raok dibun ur barzhoneg kalz hiroc'h.