Keres

Keres (Ceres e latin, Cerere en italianeg) e oa doueez ar mediñ hag an eost, kevatal d’an doueez hellazat Demeter.

Orin an anv

Dont a rafe an anv eus ur wirizienn indezeuropek "ker" a gaver er gerioù "krouiñ" ha "kresk".

Implij an anv

Diwar hec'h anv e teu ar gerioù saoznek cereal ha gallek céréale.
Ur gorrblanedenn dizoloet e 1801 zo bet anvet Ceres.
An elfenn gimiek Keriom dizoloet e 1803 zo bet anvet diwar ar gorrblanedenn.

Mojenn

Keres a oa merc'h da Sadorn hag Ops, gwreg ha c'hoar da Yaou, mamm da b-Proserpina o merc'h, c'hoar da Juno, Vesta, Neptun ha Pluton.

Gwelet e vez en oberennoù arzel gant ur vazh-roue, ur banerad bleunioù ha frouezh, hag un torkad ed.

Paeronez eo ivez da gêr Enna, e Sikilia. Hervez ar vojenn he devoa goulennet digant Yaou lakaat Sikilia en neñvoù. Abalamour ma'z eo tric'hornek an enez e voe krouet steredeg an Tric'horn.

Daouzek skoazeller

Keres he devoa daouzek doueig dindani d'he sikour, d'ober war-dro al labour-douar:

Vervactor, a zigor an douar kozh
Reparator, a zrailh an douar kozh
Imporcitor, a labour gant an arar,
Insitor, a had,
Obarator,
Occator, a dremen an ogedoù
Sarritor, a c'hwenn
Subruncinator, a c'hwenn adarre
Messor, a ved
Conuector, a charre
Conditor, a vergn
Promitor, a rann.

Lennegezh

Ur pennad diwar he fenn zo el levr De mulieribus claris gant Boccaccio.

Skeudennoù

Delwenn da Geres. E Mirdi al Louvre e Pariz.
Keres en he c'hoazez. En Emerita Augusta, hiriv Mérida (Spagn)
Cerere, murlivadur e Roma gant Paolo Farinati, e 1590.

Liamm

[1]