Ur meuz inuit eo ar c’hiviak.
Fardet e vez dre lakaat ur 500 kuilhiged bennak en o fezh, gant o beg hag o fluennoù, e kroc’hen ur reunig. Lamet e vez ar muiañ posubl a aer eus ar groc’hen a-raok gwriat anezhi ha siellañ anezhi gant lard kuilhig evit diboulzañ ar c’helien. Kuzhet e vez ar c’hiviak en ur bern maen, ur vaen vras war e gorre evit stouvañ anezhañ. Goude tri miz e vez debret an evned go, hep o fluennoù hag a-wechoù hep o c’hroc’hen. Fardet e vez ar c’hiviak pa vez tomm an amzer da virout boued evit ar goañv. Ur meuz gouel eo avat, debret e-pad deizioù-ha-bloaz pe festoù dimeziñ[1].
Pouezus eo fardañ kiviak gant kuilhiged ha n’eo ket evned all. E miz Eost 2013 e varvas meur a zen gant ar votulegezh goude bezañ debret kiviak fardet gant eidered, evned na c'hoont ket ken mat hag ar c’huilhiged.