Loc'h
Evit implijoù all, gwelet Loc'h (disheñvelout).
Ul loc'h (liester: loc'hoù pe loc'hioù), a-wechoù louc'h e lec'hanvadurezh Breizh, a zo ul ledennad dour. Alies, e Breizh, e vez dour chag enni, ha pa vez war an aod e vez dour sall enni (evel en Enez al Loc'h da skouer). Ur ger keltiek eo ar ger hag a gaver en holl yezhoù keltiek all:
- gouezeleg (Iwerzhon,Skos), ma vez skrivet loch (e manaveg e vez skrivet logh);
- kembraeg: llwch
- kerneveureg: logh
Saoznekaet eo bet e "lough" hag evel-se e vez skrivet en Iwerzhon hag e norzh Bro-Saoz. Brudet-bras eo loc'hioù Bro-Skos (evel Loch Nis, Loch Laomainn), ha stank int er vro. Er vro-se e c'hall talvezout ivez, en tu-hont d'ar ster "lenn", ur vrec'h-dour, pe ur fjord.
