Marriagetoxin
| Titl | マリッジトキシン  |
|---|---|
| Aozer | Jōmyaku |
| Ti-embann | Jump Comics |
| Bro orin | Japan |
| Yezh an oberenn pe an anv | japaneg |
| Deiziad embann | 20 Ebr 2022 |
| Skeudennaouer | Mizuki Yoda |
| Lec'hienn ofisiel | https://shonenjumpplus.com/episode/3269754496881854355 |
| Bet embannet e | Shōnen Jump+ |
| Arvesterien pal | Shōnen |
Marriagetoxin (japaneg: マリッジトキシン, romanekadur Hepburn : Marijjitokishin, raloc'h Marriage toxin) zo ur manga japanat skrivet gant Joumyaku ha treset gant Mizuki Yoda. Da gentañ eo bet embannet digoust war an aplikadur poellgomz ha war al lec'hienn Shōnen Jump+ gant Shueisha. Kenderc'hel a ra an embann abaoe 2022. Shueisha en deus embannet ivez an heuliad e saozneg dre ar savenn internet hag aplikadur hezoug Manga Plus. Viz Media en deus prenet ar gwirioù evit an embann saoznek. E Breizh eo dre Crunchyroll.
Istor
[kemmañ | kemmañ ar vammenn]Hikaru Gero zo ur paotr yaouank, diskennad d'ur c'hlann lazherien ampoezonerien. Ar c'hlann zo anezhañ abaoe kantadoù a vloavezhioù. Buhez ar paotr zo unan e tu fall ar gevredigezh, biken n'en deus gellet bevañ ur vuhez evel an dud all. N'eo ket dedennet tamm ebet gant ar merc'hed ha nebeutoc'h c'hoazh gant an dimeziñ. Siwazh dezhañ, un deiz, pennoù ar c'hlann a embann e vo ret dezhañ dimeziñ ha degas un hêr d'ar c'hlann ; e mod all e vo rediet e c'hoar d'en ober evit saveteiñ al lignez. Dre ma ne fell ket d'an haroz e vefe rediet e c'hoar d'en ober, goulenn a ra gant unan eus e zanvez-lazhidir dimeziñ gantañ. Siwazh dezhañ, ur wech c'hoazh, ne dro ket mat an traoù gantañ, rak ar vaouez Mei Kinosaki zo un treuzwisker heñvelreizh ha n'eo ket dedennet gant an dimeziñ. Gero a vo sikouret gant Kinosaki evit dont a-benn da gavout ur vaouez evit ur gwir dimeziñ karantez.