Mererid Hopwood

Mererid Hopwood zo ur varzhez kembraek, ganet e Kerdiz e 1964. He zud a orin eus Llangynnwr e Sir Gaerfyrddin a oa aet da chom da Sir Benfro.

Hi eo ar vaouez kentañ he deus bet gounezet ar Gador en Eisteddfod e 2001, en Eisteddfod Genedlaethol Cymru Dinbych 2001.

Studioù war an alamaneg hag ar spagnoleg he deus graet, div yezh hag he deus kelennet. Kelennerez alamanek eo bet e Skol-Veur Abertawe, ha kelenerez spagnolek e Sir Gaerfyrddin.

Kinnig a ra abadennoù skinwel diwar-benn al lennegezh evit S4C.

E miz Eost 2009, pa oa marvet Dic Jones, e oa bet anv anezhi e-touez ar re a c'halle bout anvet da Arc'hdrouiz an Eisteddfod, kentañ tro d'ur vaouez bezañ war ar renk. A-benn ar fin en em dennas ha T. James Jones a voe anvet.

E 2012 he deus bet medalenn ar Gwobr Glyndŵr.

Oberennoù

Levrioù bugale

Byd Llawn Hud (Ceri Wyn, Tudur Dylan, Mererid Hopwood, Sonia Edwards, Elinor Wyn Reynolds), Gouhere 2004, (Gwasg Gomer)
Caneuon y Coridorau (Tudur Dylan, Gwion Hallam, Mererid Hopwood, Caryl Parry Jones, Mei Mac, Ceri Wyn), Mezheven 2005, (Gwasg Carreg Gwalch)
Plentyn, Gouhere 2005, (Gwasg y Dref Wen)
O'r Môr i Ben y Mynydd, Gouhere 2006, (Gwasg Gomer)
Y Tandem Hud, Du 2006, (Gwasg Gwynedd)
Ar Bwys..., Meurzh 2007, (Gwasg Gomer)

Lennegezh

Contemporary German Writers Series: Sarah Kirsch (dindan renerezh Mererid Hopwood, David Basker ha Rhys W. Williams.), Gwengolo 1997, (Gwasg Prifysgol Cymru). Diwar-benn ar varzhez alamanek.
Singing in Chains: Listening to Welsh Verse, Mezheven 2005, (Gwasg Gomer)
Hon: Ynys y Galon - Delweddau o Ynys Gwales yng Ngwaith Iwan Bala (Iwan Bala, Sioned Davies, Sian Melangell Dafydd, Jon Gower, Mererid Hopwood, Iwan Llwyd, Bethan Mair, John Meirion Morris, Twm Morys), Gouhere 2007, (Gwasg Gomer)
Seren Lowri (2005)

Liammoù diavaez

(en) He buhez
(cy) Pennad gant ar BBC