Mesdames

Élisabeth de France

Henriette de France

Adélaïde de France

Victoire de France

Sophie de France

Louise de France.

Mesdames a veze lavaret e galleg, e lez ar roue gall, e Versailhez, en XVIIIvet kantved, eus merc'hed ar roue Loeiz XV hag e bried Marie Leszczyńska, hag a chomas an darn vrasañ anezho el lez, dizimez.

Setu o anvioù:

1. Élisabeth, pe Louise-Élisabeth de France(1727-1759), pe Elesbed Bro-C'hall (1727-1759), lesanvet Madame, ha Madame-Infante goude hec'h eured e 1739, da 12 vloaz, d'an infant Felipe, eontr dezhi, ha mab yaouankañ roue Spagn, Felipe V;
2. he c'hoar gevell Anne Henriette pe Henriette de France (1727-1752), pe Madame Seconde, ha Madame goude eured he c'hoar gevell (1739)
3. Marie Louise (1728 - 1733), Madame Troisième ha Madame Louise, marvet gant ar sifern.
4. Marie Adélaïde, pe Marie-Adélaïde de France (1732-1800), Madame Quatrième, ha Madame Troisième, ha Madam Adélaïde, ha Madame goude marv Madame Henriette (1752);
5. Victoire Louise Marie Thérèse, pe Victoire de France, pe Madame Quatrième, ha Madame Victoire
6. Sophie Philippe Élisabeth Justine (1734-1782), Madame Cinquième, ha Madame Sophie;
7. ThérèseFélicité de France (1736-1744), lesanvet Madame Sixième, ha Madame Thérèse;
8. Louise Marie de France (1737 - 1787), anvet Madame Septième (ha gant ar gwalldeodoù Madame Dernière rak ne vevas ken e dud a-gevret goude ma voe ganet), ha goude Madame Louise. Mont a reas da leanez.