Nerzhioù tagañ dre aer Ukraina
| Rann eus | Nerzhioù lu Ukraina  |
|---|---|
| Deiziad krouiñ | 1992 |
| Anv er yezh a orin | Десантно-штурмові війська Збройних сил України |
| Brezel | Brezel an Donbas |
| Stad | Ukraina |
Nerzhioù tagañ dre aer Ukraina (ukraineg: Десантно-штурмові війська України, Desantno-shturmovi viiska Ukrainy, distaget [deˌsɑntno ʃtʊrmoˈvʲi ʋʲii̯ˈsʲka ʊkrɐˈjine], berraet e DShV[a] pe AAFU), anvet abaoe 2017 evel Nerzhioù fiñv dre aer Ukraina eo anv nerzhioù harzlammet Ukraina. Goude Freuzadenn an Unaniezh Soviedel e 1991, meur a unvez nerzhioù harzlammerien soviedat a oa bet lakaet en Douarlu Ukrainat nevez-krouet. Chomet e oant eno betek 2016, pa voent tennet evit sevel unan eus ar pemp skourr eus Nerzhioù lu Ukraina. An nerzhioù tagañ dre aer a zo chomet enaouet kreñv ha prest d'ar stourm dibaouez abaoe. Bez int an unvezioù-kas prim milourel, kefridiet gant an tagadennoù troadegiezh dre aer hag an oberiadurioù harzlammañ. A-raok ar Brezel etre Ukraina ha Rusia e oant an nerzhioù implijet gant Ukraina evit oberiadurioù gwareziñ ar peoc'h dre ar bed. Gwelet int evel begenn nerzhioù lu Ukraina.
- "Ar re gentañ bepred" (ЗАВЖДИ ПЕРШІ Zavc'hdy perchi) eo sturienn Nerzhioù tagañ dre aer Ukraina.
Istor
[kemmañ | kemmañ ar vammenn]Nerzhioù tagañ dre aer Ukraina a oa bet savet ent-ofisiel e 1992 evel ul lodenn eus Tirlu Ukraina. Savet e oa bet o kemer an unvezioù eus Nerzhioù harzlammerien URSS a oa chomet war tiriad Ukraina goude Freuzadur an URSS d'ar 25 a viz Kerzu 1991. Ul lodenn eus ar 98vet Divizion Gwarded Harzlammerien Soviedat a oa deuet da vezañ diaz ar 1añ Divizion harzlammerien Ukrainat, a oa deuet buan da vezañ brudet evel ar gwellañ divizion e-touez nerzhioù douar Ukraina er bloavezhioù 1990.
15 vloaz goude o c'hrouiñ, an harzlammerien ukrainat a oa bet kaset evel gwarezerien peoc'h er Balkanioù, en Irak, Koweit, Liban, Sierra Leone, Liberia, Etiopia, Jorjia ha Republik Demokratel Kongo. E 2007, an 13vet batailhon harzlammerien dispartiet a oa bet o servij e Batailhon Polonat-ukrainat ar Peoc'h, un unvez gwareziñ ar peoc'h e Kosovo.