PTRD-41
| PTRD-41 | |
|---|---|
 Soudarded soviedel o tifenn Moskov gant ur fuzuilh enep-dafar PTRD-41 (1941) | |
| Kinnig | |
| Bro |  URSS
|
| Doare | Fuzuilh enep-dafar |
| Mont en-dro | Un-tenn, dre vorailh |
| Munision | 14,5 × 114 mm |
| Mare ijinañ | 1941 |
| Mare produiñ | 1941–1945 |
| Mare servij | 1941 – bloavezhioù 1960 |
| Pouez ha muzulioù | |
| Mas (hep kartouchenn) | 17,3 kg |
| Hirder | 2 020 mm |
| Hirder ar c'hanol | 1 350 mm |
| Perzhioù all | |
| Hed-tenn pleustrek | 300 m |
| Tizh mont e-maez ar boledoù | 1 012 m/s |
| Lezenn | |
| Rummad e Bro-C'hall | B |
Ar PTRD-41 (berradur Protivo Tankovoye Ruzhyo Degtyaryova, hervez an anv rusianek Противотанковое однозарядное ружьё системы Дегтярёва образца 1941 года, Arm enep-tank Degtyaryov un tenn doare 1941) a vez graet eus ur fuzuilh enep-tankoù ijinet gant Vasily Degtiarev hag implijet adalek 1941 gant an Arme Ruz soviedat e-pad an Eil Brezel-bed.
.jpg)
Deskrivadur hag implij
[kemmañ | kemmañ ar vammenn]Ar PTRD a zo un fuzuilh-vorailh un tenn simpl da broduiñ ha da implijout. Daou zen a ranke bezañ war-dro evit hec'h implijout abalamour d'he ment ha d'he fouez uhel (2.020 mm ha 17,3 kg).
Kambret eo evit kartouchennoù 14,5 × 114 mm, ur munision galloudus a c'helle toullañ aes tankoù alaman evel ar Panzer III hag ar c'hentañ tankoù doare Panzer IV. Adalek 1943 hag araokadennoù houarnaj ar c'hirri alaman, ne oa ket mui efedus evit toullañ hobregonoù an tankoù nevesoc'h. Gellet a rae bezañ implijet memestra evit tennañ a-dostoc'h war gostez ha biskoulennoù an hobregonoù. Gellet a rae tennañ en ur mod efedus war karbedoù biskoulet pe kanolioù emlusker ivez.
185.000 skouerenn eus ar PTRD a oa bet produet e fin 1942. War-dro 450.000 zo bet produet en holl betek 1945.
Liammoù diavaez
[kemmañ | kemmañ ar vammenn]- (fr) PTRS-41 & PTRD-41 - Le duo anti-char soviétique, war chadenn Maître Luger, 08/06/2018 (gwelet d'ar 24/01/2024)
