Paganiezh c'herman

Ar c'harr heolel eus Trundholm, unan eus pezhioù henoniel kozhañ ar relijion c'hermanek

Ar Baganiezh c'herman eo ar religion pleustret gant ar pobloù german eus oadvezh an houarn betek ar gristenidigezh er grennamzer. Pleustradennoù lidel ha relijiel a gemere ul lod bras eus sevenadur ar C'hermaned.

Gwriziennet er vitologiezh indezeuropek e oa ar relijion hag a greskas gant lusk ar pobloù german. Diwanañ a reas tost da aod su ar Mor Baltel da gentañ hag en em skignañ tamm-ha-tamm en holl diriadoù german a-vremañ (Alamagn, Danmark, Norvegia, Sveden, Breizh-Veur, Island hag an Izelvroioù dre vras). War-dro ar V^vet kantved e c'haller diforc'hañ tri skourr: relijion Germaned an douar-bras, ar baganiezh angl-ha-saoz hag ar relijion norzhek kozh. An hini diwezhañ eo an hini anavezetañ ha diwarni eo diazezet ar stumm arnevez: an Asetro.

Tacitus a zisplegas penaos e veve ar C'hermaned en e zanevell Germania.