Pauline Coatanea

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 
Pauline Coatanea gant krez roz Naoned d'ar 17 a viz Ebrel 2016.

Pauline Coatanea zo ur c'hoarierez mell-dorn etrebroadel ganet e Lokournan (Bro-Leon) d'ar 6 a viz Gouere 1993. Askellerez dehoù eo he fost. E 2018 e ya ganti an titl a wellañ askellerez dehoù kampionad Frañs hag an titl a gampionez Europa gant skipailh mell-dorn Bro-C'hall. E 2020 eo kampionez olimpek gant ar skipailh-se.

Red-micher

[kemmañ | kemmañ ar vammenn]

En em stummañ a ra e Klub Lokmaria HB ha kenderc'hel a ra e Pol Diwanidi Kerichen ha goude e kreizenn stummañ Arvor 29. C'hoari a ra he c'hrogadoù kentañ e D1 (6 gwech ha 2 bal e D1 e daou goulezad[1]) met ret eo dezhi mont d'an harlu abalamour da daol-freuz ar c'hlub brestat e 2012. Kemer a ra perzh memestra e Kampionad ar bed mell-dorn junior merc'hed ha mont a ra ar medailhenn arc'hant ganti hag an titl a wellañ askellerez dehoù ar gevezadeg.

C'hoari a ra e Naoned Liger Atlantel Handball[1] ha gounit a ra kampionnad mell-dorn Bro-C'hall ar merc'hed eil rummad e 2013. Goulennet eo gant meur a glub[1] met chom a ra e Naoned betek 2017.

Dibabet eo e miz Meurzh 2017 evit c'hoari e skipailh Bro-C'hall ar merc'hed a-enep hini Danmark e-pad ar Golden League[2]

Distreiñ a ra da Vrest evit ar c'houlzad 2017-2018 gant ar Brest Breizh Handball[3] ha c'hoari a ra e Kevre ar Gampioned evit ar wech kentañ. Gounit a ra Kib Frañs ha dilennet eo askellerez dehoù gwellañ kampionad Frañs[4]. Embann a ra ar Brest Breizh Handball e miz Genver eo astennet he c'hevrat evit tri c'houlzad.

Daoust da bandemiezh ar C'hovid-19 e kendalc'h ar Brest Breizh Handball da vont war-raok peogwir e ya gantañ Kampionad Frañs, Kib Frañs ha mont a ra betek gourfenn Kevre ar Gampioned, ar pezh n'eo ket c'hoarvezet biken gant klub gall ebet.

Kampionez olimpek eo Pauline Coatanea e 2020 gant skipailh mell-dorn Bro-C'hall[5].

Loreadeg

[kemmañ | kemmañ ar vammenn]

Evel dibabad "broadel"

[kemmañ | kemmañ ar vammenn]
C'hoarioù olimpek
  • medailhenn aour C'hoarioù olimpek 2020
Kampionadoù Europa
  • medailhenn aour Kampionad Europa 2018
  • medailhenn arc'hant Kampionad Europa 2020
Traoù all
  • medailhenn arc'hant Kampionad ar bed junior 2012[6]
  • 10vet plas Kampionad Europa ar re dindan 19 vloaz 2011[7]

En he c'hlub

[kemmañ | kemmañ ar vammenn]

Gant Brest

kevezadegoù etrebroadel
kevezadegoù "broadel"

Titloù hinienel

[kemmañ | kemmañ ar vammenn]
  • dilennet gwellañ askellerez dehoù kampionad ar bed mell-dorn junior ar merc'hed 2012[8]
  • dilennet gwellañ askellerez dehoù Kampionad mell-dorn merc'hed Bro-C'hall 2018[4]

Arouezennoù

[kemmañ | kemmañ ar vammenn]
  • Marc'heg al Lejion a enor Bro-C'hall (2021)[9]

Daveoù

[kemmañ | kemmañ ar vammenn]
  1. ↑ 1,0 1,1 ha1,2 Patrom:Lien web
  2. ↑ Patrom:Lien web
  3. ↑ Patrom:Lien web
  4. ↑ 4,0 ha4,1 Patrom:Lien web
  5. ↑ Patrom:Lien web
  6. ↑ Folenn krogad ar gourfenn war http://ihf.info ihf.info, Kevre Etrebroadel ar Mell-dorn, gwelet d'an 21 a viz Even 2013.
  7. ↑ Women's European Championship 19 - 9th place final - Match Details, KEvre Etrebroadel ar Mell-Dorn,, 13 a viz Eost.
  8. ↑ Patrom:Lien web
  9. ↑ Patrom:Lien web