Pentelloù

Pentelloù
Ar porzh, war lez al Liger
Anv gallek (ofisiel)	Le Pellerin
Bro istorel	Naoned
Melestradurezh
Departamant	Liger-Atlantel
Arondisamant	Naoned
Kanton	Pentelloù (pennlec'h) betek 2015, Sant-Brewenn abaoe 2015
Kod kumun	44120
Kod post	44640
Maer Amzer gefridi	François Brillaud de Laujardière 2020-2026
Etrekumuniezh	Naoned Meurgêr
Bro velestradurel	Tolpad-kêrioù Naoned
Lec'hienn Web	www.ville-lepellerin.fr
Poblañsouriezh
Poblañs	5 251 ann. (2020)[1]
Stankter	171 ann./km²
Douaroniezh
Daveennoù lec'hiañ	47° 12′ 00″ Norzh 1° 45′ 18″ Kornôg / 47.2, -1.75503
Uhelderioù	kreiz-kêr : 23 m bihanañ 0 m — brasañ 27 m
Gorread	30,65 km²
Pentelloù
kemmañ

Pentelloù (Le Pellerin e galleg) a zo ur gumun a Vreizh, e Liger-Atlantel, war lez kreisteiz ar stêr Liger, e gevred ar vro. Pennlec'h Kanton Pentelloù edo betek 2015.

Douaroniezh

• An Acheno a gember gant al Liger e Pentelloù.

Anv

• Stummoù kozh ː de Peregrino, 1030; Peregrinum, 1065^[2].

Ardamezioù

En glazur e lestr greet en aour war ur mor en argant ; e gab gwriet geotet karget gant teir c'hregilhenn en aour, an hini greiz war he eneb. Aozer : Ao. Ferrand Kuzul ar Gumunn : 24 Meurzh 1946

Istor

• Kregin Sant-Jakez a weler war skoed Pentelloù. Gwechall e veze treuzet ar Stêr-Liger amañ gant pirc'hirined a yae da Gampostal.

Dispac'h Gall

• Krouet e voe kumun Pentelloù e 1790 diwar ar barrez katolik. Lakaet e voe da benn Kanton Pentelloù hag e Bann Pembo. E 1800 e voe lakaet en Arondisamant Pembo^[3].

XIX^vet kantved

Brezel 1870-1871

• Mervel a reas seizh gwaz eus ar gumun abalamour d'ar brezel hervez monumant ar re varv ^[4].

XX^vet kantved

Brezel-bed kentañ

• Mervel a reas 101 gwaz ag ar gumun abalamour d'ar brezel hervez monumant ar re varv, da lavaret eo 4,36% eus he foblañs e 1911^[5].

Kemmoù Arondisamant

• 1926: lakaet e voe ar gumun en Arondisamant Sant-Nazer pa voe diskaret Arondisamant Pembo.
• 1976: lakaet e voe ar gumun en Arondisamant Naoned.

Eil brezel-bed

• Mervel a reas pevar den eus ar gumun abalamour d'ar brezel hervez monumant ar re varv^[6].

Trevadennoù

• Brezel Indez-Sina: mervel a reas pevar milour eus ar gumun d’an 31 a viz Gouhere 1957 hervez monumant ar re varv^[7].

XXI^vet kantved

• Lakaet e voe ar gumun e Kanton Sant-Brewenn pa voe diskaret Kanton Pentelloù e 2014^[8].

Brezhoneg

• Er fest Keltomania (pe Celtomania e galleg) e kemer perzh ar gumun bep bloaz. Aozet e vez abadennoù sonerezh pe diskouezadegoù arzourien vreizhat.

Monumantoù ha traoù heverk

• Kanol ar Martinière, pe kanol al Liger-Izel.
• Iliz katolik Gorroidigezh an Itron-Varia, savet e-kreiz an XIX^vet kantved.
• E-kichen Pentelloù, war vord Kanol ar Martinière, e vez gwelet "Misconceivable", pe "ar vag pleget", un oberenn graet e 2007 gant Erwin Wurm, un arzour eus Aostria^[9].
• Al levraoueg/mediaoueg George Sand, bet digoret d'an 23 a viz C'hewvrer 2008.
• Diskouezadegoù a bep seurt (livañ, kizellañ, h.a.) a vez aozet alies e-barzh ul lec'h anvet "ar Winêgrerezh" ("la Vinaigrerie" e galleg), a veze implijet gwechall-gozh gant tud a veze fardet gwinêgr ganto, ha goude-se gant ar besketaerien keurused.

Monumantoù ar re varv

• Brezel 1870-1871, luc’hskeudenn^[10].
• Monumant ar re varv e brezelioù an XXvet kantved er vered, luc’hskeudenn^[11] ha kartenn-bost ^[12].

Armerzh

Emdroadur ar boblañs abaoe 1962

Niver a annezidi

Melestradurezh

Tud

• Claude le Borgne, pennalvokad ouzh Kambr ar C'hontoù Breizh e 1651.
• Joseph Fouché 1759-1820, duk Otrante, ur politikour, bet ganet en un ti er straed Aristide Bertreux.
• Adine Riom (Brobant), 1818-1899, skrivagnerez.
• Georges Judic (1899-1965), mab Francis Judic (maer er bloavezhioù 1930), ijiner hag embregour (mengleuzioù "Ville-au-Vay" ha "des Coteaux"), kuzuler jeneral kanton Pentelloù e penn bloavezhioù 1960. E anv zo bet roet d'ar poull-neuial kozh, Kae Provost.

Ar stang a zo e-barzh ar poull pri-gwenn zo anvet c'hoazh hiriv "stang Judic".

• Gaston Villainne, aotrou medisin ha maer Pentelloù e dibenn bloavezhioù 1970, hag a oa enep ar greizenn nukleel da zont.

Ardamezeg ar familhoù

Le Borgne Aotrounez Vigneu, l'Hermitage, la Patoullière

En argant e gab dentek en gul

Gevelliñ

• North-Ferriby, East Yorkshire, Breizh-Veur^[13]

Levrlennadur

Daveoù ha notennoù

1. Roadennoù ofisiel e lec'hienn an EBSSA
2. Erwan Vallerie : Diazezoù studi istorel an anvioù-parrez. Corpus. An Here. 1995
3. (fr)Cassini - EHESS - Fichenn kumun Pentelloù
4. (fr)Mémorial Genweb
5. (fr)Les soldats de Loire Inférieure - Monumant ar re varv
6. (fr)Memorial Genweb
7. (fr)Memorial Genweb
8. (fr) Décret n° 2014-243 du 25 février 2014 portant délimitation des cantons dans le département de la Loire-Atlantique
9. (fr) Lec'hienn ar gumun
10. (fr)Mémorial Genweb
11. (fr)Memorial Genweb
12. (fr)Memorial Genweb
13. Lec'hienn ar gumun

Liammoù diavaez

• (fr) Lec'hienn an Ti-Kêr
• (br) Pentelloù war Geobreizh