Pevensey

Kastell Pevensey, ur c'hastell norman eus ar Grennamzer.

Pevensey zo ur gêriadenn en East Sussex, e kreisteiz Bro-Saoz.

Istor

[kemmañ | kemmañ ar vammenn]

Er IVe kantved e veze taget aodoù kreisteiz ha reter proviñs Britannia gant Germaned. Savet e voe kreñvlec'hioù gant ar Romaned a-hed an aod, etre Essex hag enez Wight, a-hed ar pezh a anver al Litus Saxonicum. Unan a voe savet e Pevensey, etre 300 ha 340, anvet Anderitum[1].

War aod Pevensey e tilestras Gwilherm an Alouber e 1066, goude treuziñ Mor Breizh. Nepell diouzh Pevensey emañ Hastings.

Anv

[kemmañ | kemmañ ar vammenn]

Ar meneg kentañ eus an anv a vremañ a gaver e 947, dindan ar stumm Pefenesea, da lavaret eo "Stêr [un den anvet] Pefen". Dont a ra eus an anv-den germanek Pefen hag ar ger eã, "stêr"[2].

A-raok ar mare-se e kaver anvioù all evit al lec'h :

  • Anderidos / Anderitos[3]
  • Anderelio[4]
  • Andredesleag[5]

Savet eo an anv Anderitos gant ar gwriziennoù *ande- ("meur") ha *ritu ("roudour").

Notennoù

[kemmañ | kemmañ ar vammenn]
  1. ↑ Nic Fields : Rome's Saxon Shore. Coastal defences of Roman Britain. AD 250-500. Osprey Publishing. Botley. Oxford. 2006
  2. ↑ A.D. Mills : A Dictionary of British Place Names. Oxford University Press. 2011. p. 367
  3. ↑ Notitia Dignitatum XXVIII10
  4. ↑ Dizanv Ravenna 10633
  5. ↑ Kronik angl-ha-saoz 477