Planiel

Planiel
Milin-vor Traou Meur.
Anv gallek (ofisiel)	Pleudaniel
Bro istorel	Bro-Dregerù
Melestradurezh
Departamant	Aodoù-an-Arvor
Arondisamant	Lannuon
Kanton	Lezardrev (betek 2015) Landreger (abaoe 2015)
Kod kumun	22196
Kod post	22740
Maer Amzer gefridi	Didier Rogard 2020-2026
Etrekumuniezh	Lannuon-Treger Kumuniezh
Bro velestradurel	Bro Treger ha Goueloù
Poblañsouriezh
Poblañs	934 ann. (2020)[1]
Stankter	51 ann./km²
Douaroniezh
Daveennoù lec'hiañ	48° 46′ 00″ Norzh 3° 08′ 36″ Kornôg / 48.7666666667, -3.14333333333
Uhelderioù	kreiz-kêr : 46 m bihanañ 0 m — brasañ 76 m
Gorread	18,42 km²
Planiel
kemmañ

Planiel (distaget: [plãˈniːɛl]) a zo ur gumun eus Breizh e departamant Aodoù-an-Arvor, e Treger.

Douaroniezh

• War lez kleiz aber an Trev emañ Planiel.

Kumunioù amezek : Pleuveur-Gaoter, Lezardrev, Plourivoù, Pleuzal, Pouldouran.

Anv

• Régis de Saint-Jouan : "ecclesia de Plebedanielis war dro 1330. Ploedaniel, 1427. Pleudaniel, 8 C'hwevrer 1790"^[2].
• Bernard Tanguy : "Eccl. de Plebe Danielis, vers 1330; par. de Plebedanielis, 1389; Ploedaniel, 1427; Plouedaniel, 1444"^[3]
• Hervé Abalain : "Plebs Danielis vers 1330; cf. Ploudaniel et Trédaniel; Daniel vécut au Ve-VIe siècle".^[4]
• Daniel Delattre : "Plebedanielis au XIV; Ploedaniel au XV."^[5]

Talvoudegezh : Plebis (= Pobl) + sant Daniel

Ardamezioù

N' eus ket.

Istor

XX^vet kantved

Brezel-bed kentañ

• Mervel a reas 81 gwaz abalamour d'ar brezel hervez monumant ar re varv, da lavaret eo 3,88 % ag ar boblañs hervez an niveradeg bet graet e 1911^[6]; d’an 22 a viz Ebrel 1915 e varvas unan anezhe e Boezinge e Flandrez Belgia, soudard en 73vet Rujumant Troadegiezh Tiriadel e oa^[7].

Eil Brezel-bed

• Mervel a reas ugent den eus ar gumun abalamour d'ar brezel^[8].

Monumantoù ha traoù heverk

• Tosenn ar Voudenn-Vras.
• Diazezoù galian ha roman Traou an Aod.
• Iliz katolik Sant Pêr ha sant Paol, XVII^vet kantved, an nor eus 1688 a zo kizellet brav, a vije bet savet gant ur manac'h eus abati Boporzh.

• 
• 
• 
  Planiel. Iliz. Dedi diavezh
• 
  Planiel. Iliz. An nev war zu an aoter

• Chapel Penn al Lann.
• Chapel Kergoul.
• Chapel ar C'halvar.
• Chapel Sant Izidor.
• Chapel Sant Anton.
• Chapel Itron Varia ar Gozh-Iliz. Lec'hiet e poull Kamarel war vord an Trev ha gouestlet d'an Itron Varia ha d'ar vartoloded marvet er mor. D'ar 15 a viz Eost e vez lidet oferenn ar pardon war un aoter e-tal an Trev. Kalzik a ouestloù a vez graet da drugarekaat ar Werc'hez Vari a c'haller gwelet e chapel ar Gozh-Iliz. Ur feunteun zo ivez.
  • Ur c'hantik brezhonek a vez kanet d'ar 15 a viz Eost: « Itron Varia ar Gozh-Iliz » en enor d' an Itron Varia, heñvel an ton anezhañ ouzh hini Itron Varia ar Feunteunioù, e Pontrev, ur 5km uheloc'h war lez an Treñv.
• Maner Kerwennoù.
• Maner Kernec'h-Riou.
• Maner Boloi.
• Maner Kerdeozer.
• Maner Kergrist.
• Kouldri Lan-Alan.
• Milin-vor Traou-Meur.
• Kavet ez eus bet e 1916 gant an aotrou Prijant kalzik a arrebeuri kañv e-kichen kêriadenn ar Ru.
• Ur c'hastell kreñv a zo bet savet e-kichen an Trev, perc'hennet gant ar Marichal de Richelieu. Distrujet e oa bet e 1592.
• E kêriadenn Boloi e oa un iliz e 1163, met n'eus ket anezhi ken bremañ.
• Stal-labour poderezh Jean-Yves Le Monnier e Porzh Ru.
• Monumant ar re varv e Leurgêr an Iliz, luc’hskeudenn^[9].

Emdroadur ar boblañs abaoe 1962

Niver a annezidi

Melestradurezh

maer abaoe 2001: Didier Rogard, penn embregerezh.

Brezhoneg

Ar Brezoneg er Skol

• 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol^[10].

Darempredoù etrebroadel

Gevelliñ

Bro	Kêr	Abaoe
Iwerzhon	Béal Átha an Cheasaigh / Ballinhassig	1999

Tud

• Loeiz Napoleon ar Rouz, broadelour breizhat ganet e Planiel.

	Familh Tournemine,	aotrounez Botloi
	Familh Kernec'h-Riou	aotrounez al lec'h-se. Herri, bet tapet gant ar Sazon e Lomikael, e 1427; Alan, bet lazhet e-kerzh emgann Pontrev, e 1489; un abad sant Vaze e 1571
	Familh ar Park
	Familh Tromelin
	Ao. Marichal a Richelieu	aotrou Boloi

Levrlennadur

Gwerzhet e vez ul levr-baleer en Ofis Touristerezh Gourenez Lezardrev, hag a ginnig tro-vale Manati war gumun Planiel. Baleadennoù all a c’haller ober a-hed d’an Treñv pe e Koad Boloi hag a zo pinvidik-tre ivez.

Liammoù diavaez

Commons

Muioc'h a restroù diwar-benn

Planiel

a vo kavet e Wikimedia Commons.

• (br)Planiel war lec'hienn Geobreizh

Notennoù ha daveoù

1. Roadennoù ofisiel e lec'hienn an EBSSA
2. (fr)Régis de Saint-Jouan, Dictionnaire des communes du département des Côtes d'Armor. Eléments d'histoire et d'archéologie, 1990
3. (fr)Bernard Tanguy : Dictionnaire des noms de communes, trèves et paroisses des Côtes d'Armor. Chasse-Marée. ArMen. 1992
4. (fr)Hervé Abalain : Les noms de lieux bretons. Universels Gisserot. 2000.
5. (fr)Daniel Delattre ː Les Côtes d'Armor. Les 372 communes. 2004
6. (fr)Monumant ar re varv - Memorial Genweb
7. (fr)Fichenn hiniennel - Memorial Genweb
8. (fr)Monumant ar re varv - Memorial Genweb
9. (fr)Memorial Genweb
10. (fr)Marsel Guieysse, La langue bretonne : ce qu'elle fut, ce qu'elle est, ce qui se fait pour elle et contre elle, pajenn 266, Kemper, Nouvelles Éditions Bretonnes, 1936