Richard Hutten
Richard G. J. Hutten (1967 e Zwollerkerspel, Izelvroioù) a zo un dizagnour izelvroat. E 1991 e krouas e studio e Rotterdam, goude bezañ tapet e ziplom e Akademiezh Dizagn Eindhoven.
Oberennoù Hutten a c'hgaller gwelout e mirdioù evel Centraal Museum en Utrecht, Stedelijk Museum en Amsterdam, Vitra Design Museum e Weil am Rhein hag er San Francisco Museum of Modern Art. Philippe Starck en deus implijet pezhioù-arrebeuri savet gant Hutten e diabarzh Delano Hotel Miami hag er Mondrian Hotel Los Angeles. Oberennoù Hutten a zo bet diskouezet ivez e Milano, Köln, Pariz, Londrez, Berlin, Weimar, Toronto, Ghent, Verona (Abitare il Tempo), Amsterdam (Stedelijk Museum), Rotterdam (Kunsthal ha Museum Boijmans van Beuningen), Utrecht (Centraal Museum), Den Bosch (Museum het Kruithuis), Breda (Museum De Beyerd), New York (Museum of Modern Art), Kopenhagen (Louisiana Museum), Helsinki (Industry Museum & Alvar Aalto Museum), Bremen (Ubersee Museum), Montreal, Tokyo (Idée, E&Y), Osaka, Stuttgart (Design Centre) hag e San Francisco (Museum of Modern Art).
Hutten a zo brudet dre ma sav pezhioù-arrebeuri menozel ha fentus war un dro. Hutten a gemer perzh er strollad "Droog Design" ("Dizagn sec'h"), abaoe m'eo bet krouet e 1993.