Sant-Loup

Sant-Loup
Iliz katolik Sant Loup
Anv gallek (ofisiel)	Lanloup
Bro istorel	Bro-Sant-Brieg ( Goueloù)
Melestradurezh
Departamant	Aodoù-an-Arvor
Arondisamant	Sant-Brieg
Kanton	Plouha (betek 2015) Pempoull (abaoe 2015)
Kod kumun	22109
Kod post	22580
Maer Amzer gefridi	Yannick Le Bars[1] 2014-2026
Etrekumuniezh	Gwengamp-Pempoull Arvor-Argoad Tolpad-kêrioù
Bro velestradurel	Bro Treger ha Goueloù
Lec'hienn Web	http://www.lanloup.bzh/
Poblañsouriezh
Poblañs	224 ann. (2020)[2]
Stankter	91 ann./km²
Douaroniezh
Daveennoù lec'hiañ	48° 42′ 48″ Norzh 2° 57′ 51″ Kornôg / 48.713333333, -2.964166667
Uhelderioù	kreiz-kêr : 52 m bihanañ 35 m — brasañ 97 m
Gorread	2,45 km²
Sant-Loup
kemmañ

Sant-Loup^[3] (distaget [zaˈlup], [zãˈlup] er vro) zo ur gumun e Breizh, e Bro-Oueloù hag e departamant Aodoù-an-Arvor, e kanton Plouha. En eskopti Dol e oa gwechall.

Anv

• Erwan Vallerie (1995) ː Lanlop, 1160 ; Capella Sancti Lupi in parrochia de Plooc, 1238 ; Lanlop, 1239 ; Lanloup, 1266 ; Lanlop alias Loulem, XIV^vet kantved ; Lansleuc, 1438 ; Lanloup, 1516

Ardamezouriezh

En glazur e c'hwec'h ruilhenn en argant, 3, 2, 1.

Brezhoneg

Ar Brezoneg er Skol, 1934-1936 : ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol[4]. D'ar 25 a viz Mae 2009 e oa bet votet ar garta Ya d’ar brezhoneg gant Kuzul-kêr ar gumun.

Monumantoù ha traoù heverk

• 
  Maner Ar Wazh C'hlas
• 
  Kouldri ar maner
• 
  An iliz katolik Sant Loup hag ar c'halvar.

• Tavarn ar vro : "Kerganer".
• Monumant ar re varv e-tal an iliz katolik, luc’hskeudenn ha kartenn-bost^[5].

Istor

XX^vet kantved

Brezel-bed kentañ

• Mervel a reas naontek gwaz eus ar gumun abalamour d'ar brezel hervez monumant ar re varv, da lavaret eo 4,27% ag ar boblañs hervez an niveradeg bet graet e 1911^[6].

Eil Brezel-bed

• D'an 11 a viz Eost 1944 e kouezhas un nijerez B-17 (marilhet 42-38073 ha kodet F) eus aerlu SUA (United States Army Air Forces) e Boulsec'h e Sant-Loup ; he nijourion a zeuas a-benn da adkavet o c'henvroidi^[7].
• Mervel a reas pevar den eus ar gumun abalamour d'ar brezel^[6].

Poblañs

Emdroadur ar boblañs abaoe 1962

Niver a annezidi

Tud

• Jean Garin, sealouer ouzh Kambr ar C'hontoù Breizh e 1404.

Tud marvet eno

• Guy Ropartz, sonaozer brezhon, d'an 22 a viz Du 1955.

Ardamezeg ar familhoù

Garin Aotrounez ar Feunteun En gul e erez en aour, heuliet ouzh gourem gant c'hwec'h sternieg pe skoedig en argant.

Melestradurezh

• Louise-Anne Even, maerez (2008-2014).

Pennadoù kar

• Loup

Liammoù diavaez

• (fr) Sant-Loup war lec'hienn ar gumuniezh-kumunioù
• (br) Sant-Loup war lec'hienn Geobreizh

Notennoù ha daveoù

1. (fr)Ouest-France, 20/06/2022
2. Roadennoù ofisiel e lec'hienn an EBSSA
3. E Geriadur Hemon (1978) e veze kavet ar stumm "Lanlou" ha n'eo ket testeniet e brezhoneg komzet (gwelet ivez Geriadur ar brezhoneg a-vremañ : « Sant-Loup: Lanloup p. 656a » ; tu galleg-brezhoneg « Lanloup : Sant-Loup, parf. Lanloup » p. 1092b.), e Geriadur Hemon-Huon ne gaver nemet « Sant-Loup ».
4. (fr) Marsel Guieysse, La langue bretonne : ce qu'elle fut, ce qu'elle est, ce qui se fait pour elle et contre elle, p. 266. Kemper : Nouvelles Éditions Bretonnes, 1936.
5. (fr)Memorial Genweb
6. (fr) Monumant ar re varv 1914-1918 - Memorial Genweb
7. (fr) Pertes USAAF.