Tro Bro-C'hall war varc'h-houarn 1913

Philippe Thys, trec'h e 1913

Dalc'het e oa bet 11vet Tro Bro-C'hall war varc'h-houarn etre an 29 a viz Mezheven hag ar 27 a viz Gouere (15 tennad-hent, 5 388 km). Gounezet e oa bet gant ar reder belgiat Philippe Thys, 26,715 km/e e dizh keitat.

Aet e oa kuit an Dro eus Boulogne-Billancourt (Hauts-de-Seine a-vremañ) hag war-du ar c'hornôg, evit ar wech kentañ, a-raok distreiñ da Sportva ar Briñsed (Pariz) dre ar reter.

Peurdrec'h ar skipailh Peugeot a oa dre ma oa ac'hubet an tri flas kentañ gant ar rederien anezhañ. Dilezet en devoa ar reder breizhat Lucien Petit-Breton goude kouezhañ war al leur e-kerzh ar 14vet tennad-hent.

25 reder hepken a oa deuet a-benn da dizhout Pariz war ar 140 o devoa lakaet o anv er penn-kentañ.

Tennadoù-hent e Breizh

• 3 a viz Gouere : 3^de tennad-hent etre Cherbourg (Manche) ha Brest ; trec'h eo Henri Pélissier  Bro-C'hall.
• 5 a viz Gouere : loc'het ar 4^re tennad-hent eus Brest war-du Ar Roc'hell (Charente-Maritime).

Renkadurioù

Renkadur hollek (1-10)

Renk	Reder	Skipailh	Amzer tremenet war e varc'h-houarn
1añ	Philippe Thys Belgia	Peugeot	en 197e54'00"
2^l	Gustave Garrigou  Bro-C'hall	Peugeot	+ 8'37"
3^de	Marcel Buysse Belgia	Peugeot	+ 3e30'55"
4^re	Firmin Lambot Belgia	Griffon	+ 4e12'45"
5vet	François Faber  Luksembourg	Peugeot	+ 6e26'04"
6vet	Alfons Spiessens Belgia	J.B. Louvet	+ 7e57'52"
7vet	Eugène Christophe  Bro-C'hall	Peugeot	+ 14e06'35"
8vet	Camillo Bertarelli Italia	—	+ 16e21'38"
9vet	Joseph Van Daele Belgia	J.B. Louvet	+ 16e39'53"
10vet	Émile Engel  Bro-C'hall	Peugeot	+ 16e52'34"

Pennad kar

• Roll gounideien Tro Bro-C'hall