Er yezhoniezh e vez implijet an termen troad oblikel (saoz.: oblique case; e latin: casus generalis) pe troad amskouer evit komz eus un droad yezhadurel disheñvel hec'h arc'hwel pe arc'hwelioù diouzh hini an nominativ (hag ar vokativ), da lâret eo un droad a dalvez peurliesañ da verkañ renadenn ur verb tranzitivel pe implijet stag ouzh un araogenn.
Implijet e vez an droad-mañ gant an hindeg-ourdoueg da skouer.
E pourepetchaeg (purepecha) e vez implijet un droad oblikel rik a dalvez da verkañ koulz ar renadenn eeun hag ar renadenn dieeun (meket gant al lostger "-ni" - implijet hervez ma vez bev an daveenn pe get ivez), disheñvel d'o zro diouzh merkadur ar rener (nominativ: merk mann), da skouer[1]:
Peurliesañ e vez enebet ar steudadur morfologel-kevreadurezhel nominativel-akuzativel implijet gante an droad oblikel (d.l.e. nann-nominativel) ouzh ar steudadur ergativel-absolutivel. Bez' ez eus yezhoù ergativel-absolutivel avat implijet gante ivez an droad oblikel, dreist-holl yezhoù kaokazek ar gwalarn, en o zouez an adigeg hag an oubic'heg.