Convivencia

El convivencia (Plantilla:IPA-es) es un academico termino, propuesto por el español filologo si Américo Castro, referente al periodo del historia de España desde el musulman omeya conquista de Hispania a maga principio del aca-8 siglo hasta el expulsion del maga judio na 1492. Ta reclama el termino que na el maga diferente moro iberico reino, ya viva na relativo paz el maga musulman, el maga cristiano y el maga judio. De acuerdo con este interpretacion del historia, ta diferi este periodo de religioso diversidad del posterior español y portugues historia cuando —como resultado de maga expulsion y maga forzao conversion— ya queda el catolicismo el unico religion na el Iberico Peninsula.

Sin embargo, ta cuestiona algun maga voz con el historicidad del antedicho vision del intercultural armonia, describiendo conele como un mito y afirmando que es un "politicamente correcto" anacronismo. Segun The Oxford Dictionary of the Middle Ages, "ta acusa el maga critico que con demasiao frecuencia ta describi [el termino 'convivencia'] con un vision idealizao del armonia y multiconfesional simbiosis, mientras que el ta replica el maga partidario [del termino] que tal caracterizacion es un distorsion del maga complejo interaccion que ta busca ellos comprende.".^[1]

Cultural significancia

Na manada situacion, ta referi el convivencia al interaccion del maga cultural idea entre el tres maga religioso grupo y el maga idea de religioso tolerancia. Ta invoca si James Carroll con este concepto y ta indica que ya desempeña ele con un importante papel na el (re)introduccion del maga clasico del griego filosofia a Europa, con maga traduccion del griego al arabe, al hebreo y al latin. Ta referi si Jerrilynn Dodds a este concepto na el espacial orientacion visto na el arquitectura que ta utiliza con maga estilo de construccion visto na maga sinagoga y maga mezquita.

Un ejemplo del convivencia fue Córdoba na Al-Andalus, na el maga aca-9 y aca-10 siglo. Segun si Amir Hussain, Córdoba fue "uno del maga mas importante ciudad na el historia del mundo [donde] involucrao el maga cristiano y el maga judio na el Real Corte y el intelectual vida del ciudad." Ta describi mas si María Rosa Menocal, Profesor de maga Humanidad al Universidad Yale, con el maga biblioteca de Córdoba como "un significativo punto de referencia del social (hinde academico lang) bienestar, ya que ya representa ellos con un casi perfecto encrucijada entre lo material y lo intelectual." ^[2]

Ta describi si James L. Heft, el Profesor Alton Brooks de Religion al Universidad del Sur de California, con el convivencia como uno del "maga raro periodo na el historia" cuando "hinde ya distancia, ni ya entra na conflicto" el tres maga religion. Durante mucho del de ellos periodo de coexistencia —hinde necesariamente convivencia— "o ignorante, o na conflicto, ellos."

Historico contexto

Maga lapida del medieval Lisboa, mostrando com maga cristiano cruz, maga musulman pentagramas y maga judio estrella de si David. (Museu de Lisboa.)

Ya comenza el periodo de islamico dominio na el Iberico Península durante el maga principio del aca-8 siglo, cuando ya toma el maga arabe invasor con el politico control del Iberico Peninsula, llamando conele al-Andalus. Con el muerte del gobernante si Alhakén II na 976, ya empeza el califato a disolve y ya fragmenta na seis maga gran estado y cuanto mas chico. Durante el maga aca-11 y aca-12 siglo, brevemente ya volve a consolida el maga musulman invasor y reformista, el maga almoravide y el maga almohade, con Al-Andalus. Ya expandi el maga cristiano reino cada vez mas al sur conquistando con el musulman territorio na cosa historiagraficamente conocio como el Reconquista, confinando efectivamente con al-Andalus al sureño Emirato de Granada, gobernado por el nazari dinastia desde 1231 hasta 1492.

Fin del convivencia

Artículos principales: Expulsion del maga morisco Plantilla:Y-e Expulsion del maga judio de España.

Ya forza el almohade musulman dinastia con el conversion al islam del maga cristiano y el maga judio, ademas de forza con el musulman a acepta con el almohade interpretacion del fe. Ya elegi cuanto gente con el exilio, na lugar del conversion o el muerte, entre ellos el judio filosofo si Maimonides.

Durante el Renacimiento, permitio, mas o menos, el practica del maga musulman y judio religion por el maga gobernante cristiano. Ya termina esto al final del aca-15 siglo con el caida de Granada na 1492. Hasta antes de este evento, establecio ya el español inquisicion na 1478. Na 1492, con el Edicto de Granada, expulsao el maga judio que hinde ya converti al catolicismo. Ya muda manada a Portugal, del que expulsao de nuevo na 1497.

Despues de un fallio revuelta en Granada na 1499, ya enfrenta el maga musulman na Granada y na el Corona de Castilla con el conversion, el muerte o el expulsion. Ya pasa esto kay considerao nulificao (por el rebelion) el tratao que ya asegura con el religioso libertad na el momento del rendicion de Granada na 1492. Entre 1500 y 1502 ya converti todo el maga musulman que ya queda na Granada y Castilla. Na 1525, similarmente ya converti bajo presion el maga musulman na Aragon. Conocio como maga morisco el maga comunidad de maga musulman que ya converti. Ya sospecha pa el maga viejo cristiano con el maga nuevo cristiano de queda maga cripto-musulman, ansina que entre 1609 y 1614 forzosamente expulsao el entero poblacion de 300,000. El resultao de todo este maga expulsion y maga conversion fue que el catolicismo el unico sancionao religion na el Iberico Peninsula.

Ta afirma si Menocal na un articulo de resumen (ansina mismo resumio por si Anna Akasoy) que "externo el maga fuerza de estrecho mente que ya provoca con el fin [del convivencia]", tanto del maga norteafricano musulman almoravide y almohade, como del maga cristiano norteño.

Maga principal grupo

• Maga moro (maga musulman na Al-Andalus)
• Maga morisco (maga musulman converso al catolicismo)
• Maga mozarabe (maga cristiano na Al-Andalus)
• Maga mudejar (maga musulman na el cristiandad)
• Maga muladi (maga cristano converso al islam)
• Maga sefardi (maga judio na Iberia)

Debate

Ya tene el idea de convivencia con maga partidario y maga detractor desde el momento del propuesta de si Castro. Ya resumi si Hussein Fancy con el maga subyacente supuesto na ambo lado del debate: "El maga debate de convivencia nunca fueron sobre maga politico ideologia o partidista politica, como tipicamente interpretao, sino más bien," como ta afirma si Ryan Szpiech, "sobre maga metodologico y filosofico, fundamental y hinde resuelto, cuestion. Mientras ya apela si Castro al filosofico interpretismo, ya apela si [Claudio] Sánchez-Albornoz al cientifico positivismo."

Ya desafia si David Nirenberg con el significancia del epoca del "convivencia", alegando que lejos de un "pacifico convivencia" ta demostra el de suyo propio obra que "el violencia fue un central y sistemico aspecto del coexistencia del mayoria y del minoría na el medieval España, e incluso ta sugeri [el de mio obra] que parcialmente basao el coexistencia na dicho violencia."^[3]

Ta señala algun maga critico del concepto de convivencia, como un desafio a este idea, con el fusilamiento del maga Martir de Córdoba durante el decada de 850.

Ta califica si Mark R. Cohen, profesor de maga Estudio de Proximo Oriente al Universidad de Princeton, con de mito con el idealizao interreligioso utopia primero promulgao por tal maga judio historiador (como si Heinrich Graetz na el aca-19 siglo) como un reprimenda al maga cristiano pais por el de ellos trato al maga judio. Ya enfrenta este mito cosa ta llama si Cohen con el "contra-mito" o "neolacrimosa concepcion del judio-arabe historia" por si Bat Ye'or y otro gente, "imposible de mantene na el luz del historico realidad." El intencion de Cohen es presenta con un correccion a ambo maga "mito".

Ya escribi el español medievalista si Plantilla:Ill que "hinde ta tene el concepto de convivencia con ningun historico apoyatura".^[4] Ademas ta afirma ele que apenas disponible informacion sobre el maga judio y cristiano comunidad durante el Califato de Córdoba. que "baka puede resulta chocante teniendo na cuenta con el enorme peso del convivencial topico."^[5] Segun si Manzano el concepcion de si Castro "hinde convertio na un especifico y bien documentao tratamiento de al-Andalus, baka kay nunca logra si Castro encontra na el arabista bibliografia con maga material adecuao para incorporar al de suyo interpretacion."

Ta añadi si Aaron Hughes que "ta apela el maga contemporaneo ecumenista al "Edad de Oro" del tolerancia" na el maga aca-10 y aca-11 siglo na el Califato de Córdoba bajo el musulman gobierno, pero por lo general, hinde realmente interesao tal maga ecumenista na cosa ya pasa entre el maga judio, el maga cristiano y el musulman. O mas bien, ta mantene ellos con el "tolerancia", un concepto que "ya tene con poco o ningun significancia" na aquel entonces.

Mira tambien

• Al-Andalus (Iberia gobernao por el maga moro)
• Álbaro de Córdoba (un judio converso al catolocismo)
• Bodo (un catolico converso al judaismo)
• Cronologia del musulman presencia na el Iberico Peninsula
• Edad de Oro del islam
• Edad de oro del judio cultura na al-Andalus
• Musulman expansion

Maga referencia

1. Na ingles: "Critics charge that [the term 'convivencia'] too often describes an idealized view of multi-faith harmony and symbiosis, while supporters retort that such a characterization is a distortion of the complex interactions they seek to understand."
2. Na ingles: "a significant benchmark of overall social (not just scholarly) well being, since they represented a near-perfect crossroads of the material and the intellectual."
3. Na ingles: "violence was a central and systemic aspect of the coexistence of majority and minority in medieval Spain, and [my work] even suggests that coexistence was in part predicated on such violence."
4. Na español: "el concepto de convivencia no tiene ninguna apoyatura histórica".
5. Na español: "quizá pueda resultar chocante teniendo en cuenta el enorme peso del tópico convivencial."