Só-cê chiū-sié

Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。

---

Só-cê chiū-sié sê dṳ̆ng-guók-nè̤ng sāi siŏh-bĕng chiū lì có̤ téng 1 gáu 10 gì só-cê gì huŏng-huák, cī-cṳ̄ng só-cê gì biĕu-dák huŏng-huák găk dṳ̆ng-guók gó-dā̤ gì siŏng-ngiĕk uăk-dông dài-dŏng guōng-huáng sāi-ê̤ṳng, ôi lā̤ biê-miēng gáuk-dê-kṳ̆ kēu-ĭng cô̤-sìng só-cê nguô-huôi.

Téng 1 gáu 5 gì chiū-sié

Téng 1 gáu 5, ciòng dṳ̆ng-guók gì chiū-sié dŭ chă-bŭk-dŏ̤.

• 
  1 Tăng-chók giĕ-gáe̤k-cāi^{[1][2][3][4][5]}
• 
  2
  Tăng-chók giĕ-gáe̤k-cāi gâe̤ng dài-dŏng-cāi^{[1][2][3][4][5]}
• 
  3
  Tăng-chók dài-dŏng-cāi, mò̤-miàng-cāi gâe̤ng muōi-cāi^[4]
• 
  3
  (Lêng-nguôi siŏh-cṳ̄ng chiū-sié)
  Tăng-chók giĕ-gáe̤k-cāi, dài-dŏng-cāi gâe̤ng mò̤-miàng-cāi^[1][2][3][5]
• 
  4
  Dṳ̀-kŭi duâi-mō̤-gŏ̤, ciòng-buô chiū-cāi dŭ tăng chók-lì^{[1][2][3][4][5]}
• 
  5
  Ciòng-buô chiū-cāi tăng-kŭi^{[1][2][3][4][5]}

Téng 6 gáu 9 gì chiū-sié

Téng 6 gáu 9, dṳ̆ng-guók gáuk-dê gì chiū-sié dŭ ô kṳ̆-biék, gó-chṳ̄ diŏh cé̤ṳ-é, gáuk-dê ô gáuk-dê gì chiū-sié.

Hók-ciŭ diòng-tŭng chiū-sié

Hók-ciŭ diòng-tŭng chiū-sié gâe̤ng gáuk-dê dŭ ô kṳ̆-biék. Bŭk-guó 80-hâiu gì iā sâ̤ nè̤ng ī-gĭng ké̤ṳk Mìng-uŏk (閩粵) dê-kṳ̆ chiū-sié dùng-huá lāu. Hiêng-câi cī-siŏh-tó̤ Hók-ciŭ diòng-tŭng chiū-sié gĭ-buōng mò̤ nè̤ng sāi lāu. Lâu-nè̤ng gó ô sāi, hâiu-săng-giāng ī-gĭng dŭ mò̤ sāi lāu.

• 
  6
  Tăng-chók duâī-mō̤-gŏ̤ gâe̤ng muōi-cāi, có̤ páh diêng-uâ iông-sék^[6]
• 
  7
  Tăng-chók duâī-mō̤-gŏ̤, siăh-cāi gâe̤ng muōi-cāi, có̤ Háng-cê „七“ gì iông-sék^[6]
• 
  8
  Tăng-chók duâī-mō̤-gŏ̤ gâe̤ng siăh-cāi, hū-kāu hióng-hâ, có̤ Háng-cê „八“ gì iông-sék^[6]
• 
  9
  Chiū muák-siàng gùng-tàu-mō̤, gái gâe̤ng siăh-cāi dò̤-chók gău-gău-nióh^[6]

Chăng-kō̤ cṳ̆-lâiu

1. 漫画《名侦探柯南》引发中国人数字手势大讨论. 北京时间. 观察者网. 2016-09-04 [2018-10-14](nguòng-sṳ̄ nô̤i-ṳ̀ng còng-dŏng diŏh 2018-10-14) (中文（简体）). 
2. 千萬別比七！台日手勢比法大不同　網：亂比真的會出事. 三立新聞網 SETN.COM. 2016-12-13 [2018-10-14](nguòng-sṳ̄ nô̤i-ṳ̀ng còng-dŏng diŏh 2018-10-14) (中文（繁體）). 
3. 台灣日本手勢大不同。. Wahouse和風家. 2012-07-24 [2018-10-14](nguòng-sṳ̄ nô̤i-ṳ̀ng còng-dŏng diŏh 2018-10-14) (中文（繁體）). 
4. #5: 数字手势. 慢速中文 Slow Chinese. 2009-06-27 [2018-10-14](nguòng-sṳ̄ nô̤i-ṳ̀ng còng-dŏng diŏh 2018-10-14) (中文（简体）). 
5. Chinese Number Gestures. Learn Chinese Online. 2016-12-12 [2018-10-14](nguòng-sṳ̄ nô̤i-ṳ̀ng còng-dŏng diŏh 2018-10-14) (英文). 
6. 民俗大不同：用手势比划7、8 福建与其他省不同. 人民网. 2013-08-20 [2018-10-14](nguòng-sṳ̄ nô̤i-ṳ̀ng còng-dŏng diŏh 2018-10-14) (中文（简体）).