Маршонан Майда (Киев)
| Маршонан Майда | |
|---|---|
| укр. Майдан Незалежності | |
 Киев | |
| 50°27′01″ къ. ш. 30°31′26″ м. д.HGЯO | |
 | |
| Йукъара хаам | |
| Пачхьалкх | |
| КӀошт | Шевченковскан |
| Хьалхара цӀерш | 1869—1876 — Хрещатикан майда, 1876—1919 — Думин майда, 1919—1935 — Советан майда, 1935—1941 — Калининан майда, 1941—1943 — 19-чу сентябран майда, 1943—1977 — Калининан майда, 1977—1991 — Октябран революцин майда |
| ЦӀе тиллина цӀарах | Украинин маршо кхайкхайар 1991 шо |
| Уллера станцеш метро |  Крещатик Майдан Незалежности |
| картанаш тӀехь | |
 Викиларми чохь медиафайлаш | |
Маршонан Майда (йу) — (укр. Майдан Незалежності) — Украинин коьртачу шахьаран — Киеван йукъара майда.
Истори
[бӀаьра нисйан | нисйан]
X-гӀа бӀешо кхаччалц, Майда лаьттачу меттехь уьшал хилла, шех Перевесище, йа Гезарийн уьшал олуш. Хьекъале Ярослав волу заман чохь, Киеван гӀап шорйеш, цу меттиган тӀоьхулу гӀопан саьнгарш йаьхна. 1240-чу шарахь, кху меттехь гӀопан пен а бохийна, монголаш Киев йаьккхира. XVII-XVIII-чу бӀешаршкахь эрна аре хилла цу меттехь. XIX-чу бӀешарехь дуьйна, жим-жима гонах гӀишлош йеш, базар а хоьттина, гонах урамаш а дина, Хрещатикан майда аьлла цӀе а тиллина, шорлуш йолу Киеван йукъайахара и. Цул тӀаьхьа массийта цӀе хийцира майдано. ТӀеххьаре цуьнан цӀе хийцира Украинас шен паччалкхан маршо кхайкхича.
Ӏедалан дуьхьало йарехь
[бӀаьра нисйан | нисйан]
Киеван Маршонан майда Украинин политикин исторехь коьртачех меттиг йу. И бахьанехь «майдан» боху дош дукха меттнашкахь укъара дош хилла лелаш ду: Ӏедалан дуьхьало йарий а, политикин резабоцурш гӀовтаррий а, маьӀна долуш.
1990-чу шарахь «Мокхаз тӀехь Революци» (укр. Революція на граніті) аьлла цӀе йахана студентийн йоккха митинг литтира.
2000—2001 шерийн Ӏаьна Украинин президент Кучман духьала йолу митинг литтира
2003—2004 шершкахь ЦӀен-можа Революци (укр. Помаранчева революція) хилира. Цу революцех даьлларг — харжамаш нийса ца бара Ӏедало тӀелацар, керла харжамаш бар, Янукович эшавар, ткъа Ющенко толар ду.
2013 шеран ноябрехь йолайелла Евромайдан. И йолайаран бахьан дара, Украинин президент волу Янукович Владимирс Евросоюзца йолу ассоциаци саца а йина, Российгхьа верзар. Дукха зуламаш делира цигахь Ӏедалер а, резабоцучаьргара а. Белларш, а лазийнарш а, бара бӀенашкахь. Ткъа тӀехьлонаш кхи а чолхе хиллера Ӏедална а, маьршачу бахархошна а. Масала: Янукович Украинер вада вийзира, Российс референдум а йина Крым схьайерзира, Луганскехь а, Донецкехь а, тӀом белира, иштта кхи дӀа а.
Суьрташ
[бӀаьра нисйан | нисйан]-
Хрещати базар, XIX б1ешаран чаккхе -
XX б1ешо долалуш хилла сурт -
1941 шарахь хилла сурт -
Калинина Майда - 1962 ш. -
Маршонан Майда - таханлера сурт -
Маршонан Х1оллам
