ھێرشی شنگال لە کانوونی یەکەمی ٢٠١٤
ھێرشی شنگال تێکەڵەیەک بوو لە ئۆپەراسیۆنەکانی ھێزەکانی پێشمەرگەی کوردستان، پارتی کرێکارانی کوردستان (پەکەکە) و یەکینەکانی پاراستنی گەل (یەپەگە) لە مانگی کانوونی یەکەمی ٢٠١٤، بۆ کۆنترۆڵکردنەوەی ئەو ناوچانەی کە لەلایەن داعشەوە کۆنترۆڵکرابوون لە کاتی ھێرشەکانیاندا لە ئابی ٢٠١٤.
لە ھێرشێکی شەش ڕۆژەدا ھێزەکانی پەکەکە و پێشمەرگە دەستیان بەسەر بەشێک لە شاری شنگال و بەشێک لەو شاخانە گرت کە لە ئابی ٢٠١٤دا لەلایەن داعشەوە داگیرکرابوو، و ھێرشەکانیان فراوانتر کرد و تەلعەفەریشی گرتەوە.
پێشینە
[دەستکاری]لە مانگی ئابی ٢٠١٤، داعش ھێرشی بۆ سەر باکووری عێراق دەستپێکرد و چووە ناو ناوچەکانی ژێر دەسەڵاتی کورد لە پارێزگای نەینەوا و دەستی بەسەر شاری شنگال و ناوچەکانی دیکەدا گرت. نزیکەی ٥٠ ھەزار ئێزیدی بەرەو چیای شنگال کە دەکەوێتە باکووری شارەکەوە ھەڵھاتن و لەوێ مانەوە.
تا کۆتایی مانگی ئاب زۆرینەی ئەم ٥٠ ھەزار ئێزیدییە شاخەکانیان بەجێھێشتبوو، ھەرچەندە چەند ھەزارێکیان لەوێ مابوونەوە. و داعش ھەر شاری شنگال و دەروازەی باشووری چیای شنگالی کۆنتڕۆڵ کردبوو.[١]
لە ٢١ی تشرینی یەکەمی ٢٠١٤، داعش دەستی بەسەر باکووری چیاکاندا گرت، بەمەش ڕێگەی ھەڵھاتن بۆ ناوچە کوردستانییەکان پچڕا. دواتر میلیشیا ئێزیدییەکان کشاونەتەوە ناو چیای شنگال، کە ژمارەی پەنابەرانی مەدەنی ئێزیدی لەوێ لە نێوان دوو بۆ حەوت ھەزار کەس مەزەندە دەکرا. سەرچاوەیەکی ئەمریکی ئەم دۆخە نوێیەی بە گەمارۆێکی بەشەکیی لەلایەن داعشەوە لەسەر زنجیرە چیاکان وەسف کرد.[٢]
لەسێدارەدانی ئەوانەی لە داعش ھەڵھاتن
[دەستکاری]بە گوتەی دانیشتوانی ناوچەکە، داعش لە کاتی ھێرشەکەدا زیاتر لە ٤٥ ئەندامی خۆی لەسێدارەداوە، بەھۆی شکستھێنانیان لە وەستان بەرامبەر ھێزە کوردییەکان. لە مانگی ئازاری ساڵی ٢٠١٥دا، داعش دیسانەوە ١٨ کەس لە چەکدارەکانی لە باکووری عێراق لەسێدارە داوە، بەھۆی تۆمەتبارکردنیان بە ناردنی نامەی کورت بۆ کورد و بەنیازبوون خۆیان ڕادەست بکەن، بەگوێرەی ڕووانگەی سووری بۆ مافەکانی مرۆڤ.[٣]
سەرچاوەکان
[دەستکاری]- ^ https://web.archive.org/web/20240921055431/https://www.newyorker.com/news/news-desk/early-success-kurds-sinjar
- ^ https://web.archive.org/web/20150226111009/http://www.agathocledesyracuse.com/archives/115
- ^ https://syriahr.com/en/2015/03/isis-executes-own-fighters-for-allegedly-texting-kurds-to-surrender-in-ongoing-islamic-state-battle-for-iraq/
