ئاری ئاستەر

ئاری ئاستەر

Aster standing onstage
ئاستەر لە ٢٠١٨
لەدایکبوون (١٩٨٦-٠٧-١٥) ١٥ی تەممووزی ١٩٨٦ (تەمەن ٣٨ ساڵ)
نیویۆرک، ئەمریکا
خوێندنگەزانکۆی سانتافی
پەیمانگای AFI
پیشەدروستکەری فیلم
سیناریۆنووس
چالاکبوون٢٠١١-ئێستا
کارە ناودارەکان


ئاری ئاستەر (بە ئینگلیزی: Ari Aster؛ لەدایکبووی ١٥ی تەممووزی ١٩٨٦)[١] دەرھێنەر، بەرھەمھێنەر و سیناریۆنووسێکی ئەمریکییە، بە دەرھێنانی ھەردوو فیلمی بۆماوەیی (٢٠١٨) و چلەی ھاوین (٢٠١٩) ناسراوە.

ژیانی تایبەتی

[دەستکاری]

ئاستەر لە شاری نیویۆرک لە دایک بووە، باوکی مۆسیقاژەن بوو و دایکیشی شاعیر بوو. ئاستەر برایەکی لەخۆی بچووکتری ھەیە،[٢] ھەروەھا ئاستەر جوولەکەیە.[٣] ئاستەر بیری دێت کە سەیری یەکەم فیلمی خۆی کرد، کاتێک تەمەنی چوار ساڵ بوو، بەناوی «دیک ترەیسی».[٤] لە سەرەتای منداڵیدا خێزانی ئاستەر بە کورتی لە شاری چێستەری ئینگلتەرا ژیاون، کاتێک ئاستەر تەمەنی ١٠ ساڵ بوو گەڕایەوە ئەمریکا و لە نیو مەکسیکۆ نیشتەجێ بوو.[٤][٥][٦] لە منداڵیدا ئاستەر خولیایی فیلمی ترسناک بوو، ھەروەھا ئاستەر دەڵێت: (من تازە بەشی ترسناکم لە ھەموو فرۆشگایەکی ڤیدیۆدا تەواو بوو، کە دەبێت بتوانم بیدۆزمەوە … من نەمدەزانی چۆن خەڵک کۆبکەمەوە کە ھاوکاری شتێکی لەو جۆرە بکەن من خۆم بینییەوە کە تەنھا سیناریۆ دەنوسم).[٧] لە ساڵی ٢٠٠٤ ئاستەر لە زانکۆی «سانتافێ» لە ناوچەی «سانتافێ» لە نیو مەکسیکۆ بەشداری کرد، و لەوێ بەشی فیلمی خوێند، ئاستەر دوای ئەوەی لە ساڵی ٢٠٠٨ لە بەرنامەی دەرچووانی کۆنسەرڤەتی AFI لە پۆلی ھاوەڵاندا پەسەند کرا، و لەوێ بە بایەخەوە لەسەر دەرھێنان بڕوانامەی ماستەری لە ھونەرە جوانەکان بەدەست ھێنا.

پیشە

[دەستکاری]

یەکەم فیلمی ئاستەر کورتە فیلمی چیرۆکی دوو تیم بوو، کە لە کۆلێژی سانتافێ نووسی و پێشکەشی پەیمانگای فیلمی ئەمریکی کرا. ئەمە ھاوبەشیکردن بوو لە پرۆگرامی ئامۆژگاری کردنی دەرچوو لە AFI Conservatory، ئاستەر بەدوای چەندین فیلمی خولی AFI کەوت، لەگەڵ کورتە فیلمی کۆمیدی کە لەگەڵ ھاوڕێیانی پیشەسازی وەک TDF دروست کراون لە ساڵی ٢٠١١. پاشان ئاستەر بە کورتە فیلمێکی بە ناونیشانیThe Strange Thing About the Johnsons، بە ئەستێرەی بیلی مەی، براندۆن شاینگل، ئەنجێلا پۆلک وەک ئەندامانی خێزانێکی قەراغی شار کە تێیدا کوڕێک لە پەیوەندی پڕ لە خۆشەویستییە.[٨] ئاستەر لە نێوان ساڵەکانی ٢٠١١ و ٢٠١٨ پێنج کورتە فیلمی دیکەی نووسیوە و کاری دەرھێنانی بۆ کردووە، زۆر جار لەگەڵ ھاوڕێکانی لەAFI Alejandro de Leon ھاوکار بوون. ئاستەر یەکەم دەرکەوتنی فیلمەکەی بە فیلمی ترسناکی درامای بۆماوەیی کرد، کە لە ٢١ی کانوونی دووەمی٢٠١٨ لە بەشی نیوەشەو لە فێستیڤاڵی فیلمی سەندنسی ٢٠١٨ نمایشکرا، لە ٨ی حوزەیرانی ٢٠١٨ لە ئەمریکا بڵاوکرایەوە. تۆنی کۆلێت، ئەلێکس وۆڵف، میلی شاپیرۆ، گابریل بیرن ئەستێرەن وەک خێزانێک کە دوای مردنی داپیرە نھێنییەکەیان بە بوونێکی نادیارەوە دەچەوسانەوە. ڕەخنەگران ستایشی بۆماوەییان کرد، لەگەڵ ئەو نمایشەی کۆلێت کە ستایشی تایبەتی و سەرکەوتنی بازرگانی وەرگرت، زیاتر لە ٧٩ میلیۆن دۆلاری بە بودجەیەکی ١٠ میلیۆن دۆلارەوە بەدەست ھێناوە، بۆ ئەوەی ببێتە بەرزترین فیلمی A24ی جیھان. ئاری ئەستەر و بەرھەمھێنەر لارس کنودسن لە حوزەیرانی ٢٠١٩ دەستپێکردنی کۆمپانیای نوێی بەرھەمھێنان (سکوەیر پاگ - Square Peg)یان ڕاگەیاند.

سەرچاوەکان

[دەستکاری]
  1. ^ «Ari Aster Biography». AllMovie. لە ١٢ی ئازاری ٢٠٢٠ لە ڕەسەنەکەوە ئەرشیڤ کراوە.
  2. ^ Khon، Eric (٨ی حوزەیرانی ٢٠١٨). «Why 'Hereditary' Took Years to Make and What It's Really About». Indiewire. لە ٣ی شوباتی ٢٠١٩ ھێنراوە.
  3. ^ Singer, Jenny (١٤ی حوزەیرانی ٢٠١٨). «How Did A 'Neurotic Jewish Guy' Make The Horror Hit 'Hereditary'?». The Forward. لە ٢ی ئەیلوولی ٢٠١٨ ھێنراوە.
  4. ^ ئ ا Nicholson، Amy (٢٨ی حوزەیرانی ٢٠١٩). «Midsommar director Ari Aster: 'I often cling to dead things'». The Guardian. لە ڕەسەنەکە لە ١ی تەممووزی ٢٠١٩ ئەرشیڤ کراوە.
  5. ^ Hoffman، Jordan (١٢ی حوزەیرانی ٢٠١٨). «Director Ari Aster's debut film is scarily good. And that might be a problem». Times of Israel. لە ٢٤ی تەممووزی ٢٠١٩ ھێنراوە.
  6. ^ «"Hereditary" Director Ari Aster Wants To TraumATIZE You». Flaunt Magazine (بە ئینگلیزیی ئەمەریکایی). لە ڕەسەنەکە لە ١ی تشرینی یەکەمی ٢٠٢٠ ئەرشیڤ کراوە. لە ٥ی ئەیلوولی ٢٠٢٠ ھێنراوە.
  7. ^ Bishop، Bryan (٧ی حوزەیرانی ٢٠١٨). «How Hereditary Director Ari Aster Became an Unlikely Horror Hero». The Verge. لە ٨ی حوزەیرانی ٢٠١٨ ھێنراوە.
  8. ^ «Complicated Grief: Ari Aster on Hereditary's Family Nightmare». Filmmaker. June 11, 2018. لە September 1, 2018 ھێنراوە. {{cite web}}: نرخەکانی ڕێکەوت بپشکنە لە: |accessdate= و |date= (یارمەتی)

بەستەر دەرەکیییەکان

[دەستکاری]