ئەوزاعی

ئەوزاعی ناوی عەبدولڕەحمانی کوڕی عەمری ئەوزاعییە، لە شاری (بەعلەبەک)ی نزیکی شاری دیمەشق لە سووریا لە دایکبووە و لە ساڵی ٨٨ی کۆچیدا لە تەمەنی مناڵیدا باوکی مرد، دواتر دایکی پەروەردەکردنی دەگرێتە ئەستۆ.[١][٢]

وەرگرتنی زانست

[دەستکاری]

کە گەیشتە تەمەنی لاوی، لە دیمەشقەوە بەرەو یەمامە بە ڕێکەوت، لەوێ بە خزمەتی زانای بە ناوبانگ (یەحیای کوڕی ئەبوو کەسیر) گەیشت، زانستی فەرموودەی لێ وەرگرتووە، تا وای لێھات یەحیا دەربارەی دەیووت: «لەم ناوچەدا لەم لاوە زانا و تێگەیشتووتر نییە».[٣]

بەرھەم و نووسراوەکانی

[دەستکاری]

زۆر نوسین و دانراوی ھەبووە، بەڵام ھەموویان لە بەیرووت تیاچوون، بەھۆی بوومەلەرزەیەکەوە کە ئاگرێکی خستەوە و ھەموو کتێبەکانی سووتان.[٤]

ناوی ھەندێ لە کتێبەکانی:

  • (موسنەد ئەلئەوزاعی) لە (فەرموودە) دوای مردنی کۆکراوەتەوە.
  • (کیتاب ئەسونەن) لە فیقھدا، ئەم نوسراوەی کەس نەی بینیوە بەڵام (ئیبن ندیم) لە (فھرست) دا ئاماژەی بۆ دەکات.
  • (کیتاب ئەلمسائیل) لە فیقھدا. ئەم نوسراوەی کەس نەی بینیوە بەڵام (ئیبن ندیم) لە (فھرست) دا ئاماژەی بۆ دەکات.
  • (کیتاب ئەسیر) ئەم نوسراوە یەکەم بەرھەمی ئەوزاعییە کە بە دەستمان گەیشتووە و نەفەوتاوە.[٥][٦]

وتەکان

[دەستکاری]
  • ئەو کەسەی زۆر بە پێوە بووەستێ لە شەونوێژدا خوا وەستانی ڕۆژی قیامەتی لەسەر ئاسان دەکا.
  • لێی دەپرسن بۆ زۆر بێ دەنگی؟ دەڵێ: موسڵمان زۆر کردەوە دەکا و کەم قسە دەکا.
  • ھاوار بۆ ئەو کەسانەی ھەوڵی تێگەیشتنی دین دەدەن بۆ غەیری خواناسی.
  • ئەوەی ھەوڵی دەست خستنی زانست بدات بەبێ بوونی ئارامی و نەرم و نیانی وەک دەفری کون کون وایە ھەرچی تێبکەی بێ سوودە و دەڕژێ.
  • ھەر کەسێک لەبەر خاتری خوا ئامۆژگاری خەڵکی نەکات قسەکانی بە ناچێتە دڵەوە، ھەروەک چۆن ئاو بەسەر چەوێکی خڕی سافەوە ناوەستێت.

مردن

[دەستکاری]

لە تەمەنی ٧٠ حەفتا ساڵیدا لە ڕۆژی ٢٨ی مانگی سەفەری ساڵی ١٥٧ی کۆچیدا وەفات دەکات.[٧]

سەرچاوەکان

[دەستکاری]
  1. ^ «مصراوی» (بە عەرەبی). لە ٢٥ی نیسانی ٢٠٢٠ لە ڕەسەنەکەوە ئەرشیڤ کراوە. لە ٢٥ی نیسانی ٢٠٢٠ ھێنراوە.{{cite news}}: ڕاگرتنی شێوازی سەرچاوەی ١: خاڵبەندیی زیادە (بەستەر)
  2. ^ «athabat». لە ٢٥ی نیسانی ٢٠٢٠ لە ڕەسەنەکەوە ئەرشیڤ کراوە. لە ٢٥ی نیسانی ٢٠٢٠ ھێنراوە.
  3. ^ «قصە اسلام». لە ٢٥ی نیسانی ٢٠٢٠ لە ڕەسەنەکەوە ئەرشیڤ کراوە. لە ٢٥ی نیسانی ٢٠٢٠ ھێنراوە.
  4. ^ کتێبی (تاریخ دمشق - ابن عساکر)
  5. ^ «islam web». لە ٢٥ی نیسانی ٢٠٢٠ لە ڕەسەنەکەوە ئەرشیڤ کراوە. لە ٢٥ی نیسانی ٢٠٢٠ ھێنراوە.
  6. ^ محاسن المساعی فی مناقب الإمام الاوزاعی/ المحقق: الامیر شکیب أرسلان.
  7. ^ بەشداربووانی ویکیپیدیا، «عبد الرحمن الأوزاعی»، ویکیپیدیای عەرەبی. سەردان لە ١٩ی نیسانی ٢٠٢٠.

بەستەرە دەرەکییەکان

[دەستکاری]