بەھبەھان
بەهبەهان | |
|---|---|
| وڵات |  کوردستان |
| پارێزگا | خووزستان |
| شارستان | بەهبەهان |
| بەرزایی | ٣٢٠ مەتر (١٬٠٥٠ پێ) |
| ژمارەی دانیشتووان (٢٠١٦) | |
| • سەرجەم | ١٢٢٬٦٠٤ |
| نەتەوە و ئایین | |
| • نەتەوە | کورد |
| • ئایین | ئیسلام (شیعە) |
| کۆدی تەلەفۆن | ٠٦١ |
بەهبەهان ، بەهبەهۆ (بێبان) شارێکە لە پارێزگای خووزستان و ناوەندی شارستان بەهبەهانە. ئەم شارە لە باشووری ڕۆژهەڵاتی پارێزگای خووزستاندا هەیە.[١][٢]
کەش و هەوا
[دەستکاری]لە هاویندا زیاتر لە ٥٠ پلەی گەرمی و لە زستاندا کەمتر لە ٠ پلە کەش و هەوای ناوچەکەیە.
مێژوو
[دەستکاری]لە نزیک بەهبەهانى ئێستا جاران شارێک هەبوو بە ناوى ئارجان (ئارگان) . شاری ئارجان ماوەیەکی زۆرە ناوەندی ناوچەی ئارگان و کۆهگیلۆ بووە. لە سەردەمی ساسانییەکاندا ئارجان لە شوێنێکدا ئاوەدان کراوەتەوە کە ئێستا دەکەوێتە بەشی باکووری شاری بەهبەهان و شوێنەوارەکانی شارستانیەتی ئیلامیی تێدایە و بە ئاریاگان ناسراو بووە. بە گوێرەی کتێبى ئارتەر کریستینسن (١٩٢٥، ل٧)[١]، پاشای ساسانی قوبادی یەکەم لە هێرشێکیدا بۆ سەر ئامیدا لە باکووری میزۆپۆتامیا (ناوچەی کوردنشینی دیاربەکر لە تورکیای ئێستا) هەشتا هەزار لە دانیشتووانی شارەکەى بە دیل گرت و لە ئەرجان دایمەزراندن [٢] و شارەکەشى نۆژەن کردەوە.
هەروەها ئارجان لەگەڵ هەردوو شاری جنابا (گناوەى ئێستا ) و ریشەهر/ ریواردەشیر (ئێستا بوشهەر) که تابعى ولایەتى ئارگان بوون، ناوەندێکى دیارى به ڕهەمهێنانی کاڵاى کەتان بوو . چونکە خەڵکی راگوێزراوى ئامەد بەهرەدار بوون لە چنین و درووستکردنى قوماش و چۆخدا.
لە کوردستان چەند ئاواییەک بە ناوى بیبان و بێبان هەن. یەکیان لە باکوورى کەرکووکە.
ئەمانەش ببینە
[دەستکاری]سەرچاوەکان
[دەستکاری]- ئارتور کریستینسن، سەردەمى قوبادى یەکەم و کومونیسزمى مەزدەکى(Le règne du roi Kawādh I et le communisme Mazdakite)، بە فەڕەنسی . ١٩٢٥
- میشێل گەنتەر ، فەرهەنگى مێژوویى کوردان . چاپى دووەم.
 |
کۆمنزی ویکیمیدیا، میدیای پەیوەندیدار بە بەھبەھان تێدایە. |