تیمۆسی ڕەی براون

تیمۆسی ڕەی بڕاون

لەدایکبوون١١ی ئازاری ١٩٦٦
مەرگ٢٩ی ئەیلوولی ٢٠٢٠(٢٠٢٠-٠٩-٢٩) (٥٤ ساڵ ژیاوە)
ناسراوە بەیەکەم نەخۆش کە بە تەواوەتی لە ئایدز چاکبووەتەوە

تیمۆسی ڕەی براون (١١ی ئازاری ١٩٦٦[١] – ٢٩ی ئەیلوولی ٢٠٢٠) ھاووڵاتیێکی ئەمریکی بوو کە بە یەکەم کەس دادەنرێت لە نەخۆشی ئایدز چاک بووبێتەوە.[٢][٣] براون لە کۆنفرانسی ڕیترۆڤایرۆس و ھەوکردنە ھەلپەرستەکان لە ساڵی ٢٠٠٨دا بە «نەخۆشەکەی بەرلین» بانگدەکرێت، بە مەبەستی پاراستنی ناسنامەکەی، کاتێک بۆ یەکەمجار چاکبوونەوەکەی ڕاگەیەندرا. لە ساڵی ٢٠١٠دا بڕیاری دەرکەوتنی دا. وتی: «نەمدەویست تاکە کەس بم کە چاکبووبێتەوە» پاشان وتی «ویستم ئەوەی لە توانامدا بێت بیکەم بۆ ئەوەی [چارەسەرێک] بوونی ھەبێت. یەکەم ھەنگاوم بڵاوکردنەوەی ناو و وێنەکەم بوو بۆ خەڵک.»[٤][٢][٥]

ڕێکارەکە

[دەستکاری]

تیمۆسی ڕەی براون لە ١١ی ئازاری ١٩٦٦ لە شاری سیاتڵ لە ویلایەتی واشنتۆن لەدایکبووە و لە ناوچەکە لەلایەن دایکی تاقانەیەوە بەناوی شارۆن گەورە بووە کە بۆ دەزگای شێریفی (پۆلیسی) کینگ کاونتی کاری دەکرد.[٦][١] وەک گەنجێکی پێگەیشتوو گەشتێکی بەسەر ئەورووپادا کردووە و لە ساڵی ١٩٩٥ لەکاتی خوێندن لە بەرلین دەستنیشانکراوە بە ڤایرۆسی ئێچ ئای ڤی.[٧][٤] لە ساڵی ٢٠٠٦ تووشی شێرپەنجەی خوێنی توندی مایلۆید بوو. لە ٧ی شوباتی ٢٠٠٧، ڕێکارێکی ئەنجامدا کە بە چاندنی مۆخ ناسراوە بۆ چارەسەرکردنی شێرپەنجەی خوێن[٨] (لەلایەن تیمێکی پزیشکانەوە لە بەرلینی ئەڵمانیا ئەنجامدرا، لەنێویاندا جیرۆ ھوتەر). لە ٦٠ بەخشەری گونجاو، ئەوان بەخشەرێکی ئەلیل لێکچووی CCR5-Δ٣٢ یان ھەڵبژارد، تاکێک کە دوو کۆپی بۆماوەیی جۆرێکی دەگمەنی وەرگری پەردەی خانەی ھەبوو. ئەم تایبەتمەندییە بۆماوەیە بەرگری لە تووشبوون بە HIV دەبەخشێت بە ڕێگریکردن لە لکاندنی HIV بە خانەکەوە. نزیکەی ١٠٪ی خەڵکی بە ڕەچەڵەک ئەورووپی یان ڕۆژاوای ئاسیا ئەم گۆڕانکارییە بۆماوەیەیان ھەیە، بەڵام لە دانیشتووانی دیکەدا دەگمەنترە.[٩] چاندنەکە ساڵێک دوای دەرکەوتنەوەی شێرپەنجەی خوێن دووبارەکرایەوە. لە ماوەی سێ ساڵی دوای چاندنی سەرەتایی، و سەرەڕای وەستاندنی چارەسەری دژە ڕێترۆڤایرۆس، توێژەران نەیانتوانی HIV لە خوێنی براون یان لە بایۆپسی (نموونەی شانە)ی جۆراوجۆردا دەستنیشان بکەن.[١٠] ھەروەھا ئاستی دژەتەنی تایبەت بە HIV لە خوێنی تیمۆسی براوندا دابەزیوە، ئەمەش ئەوە دەردەخات کە ڕەنگە HIVی کارا لە جەستەیدا پاک کرابێتەوە؛ بەڵام زانایان کە لێکۆڵینەوە لە کەیسەکەی دەکەن ھۆشداری دەدەن کە ئەم ڕزگاربوونە لە تووشبوون بە ئایدز شتێکی نائاسایە.[١١]

براون، «نەخۆشەکەی بەرلین»، دەیناڵاند بە دەست کێشە سەرەکییەکانی مۆخ چاندن، لەوانە ھەوکردنی شانەی چێندراو و نەخۆشییەکانی مێشک بەھۆی شێرپەنجەوە، ئەمەش وای کرد توێژەران بگەنە ئەو ئەنجامەی کە نابێت ڕێکارەکە لەسەر کەسانی دیکەی تووشبوو بە ئایدز ئەنجام بدرێت، تەنانەت ئەگەر ژمارەیەکی پێویست لە بەخشەری گونجاو بدۆزرێتەوە.[١٢][١٣]

دوای یازدە ساڵ و لە ھەمان کۆنفرانسدا ڕاگەیەندرا کە وا دەرکەوت پیاوی دووەم چاک بووەتەوە. ناوی لێنرا «نەخۆشەکەی لەندەن»، کە دواتر خۆی بە ئادەم کاستیلێخۆ ناساند.[١٤] ھەروەھا ئەویش چاندنی مۆخی ئێسکی وەرگرتبوو بۆ چارەسەرکردنی شێرپەنجەیەک (لیمفۆمای ھۆدجکین) بەڵام دەرمانی سووکتری بۆ سەرکوتکردنی بەرگری پێدرا. ھەروەھا بەخشەرە ھەڵبژێردراوەکەش ھەڵگری بازدانی CCR5-Δ٣٢ بوو.[١٥][٥]

ھەروەھا تا ساڵی ٢٠١٧، پێدەچێت شەش کەسی دیکەش لە ئایدز پاککرابنەوە دوای تووشبوونیان بە نەخۆشی ھەوکردنی شانەی چێندراو؛ تەنھا یەکێکیان خانە بنچینەیە بازدراوەکانی CCR5 یان وەرگرتبوو، ئەمەش وای کرد توێژەران بگەنە ئەو ئەنجامەی کە کاتێک وەرگری مۆخ نەخۆشی ھەوکردنی شانەی چێندراوی ھەیە، خانە چێنراوەکان (خانەی کەسی بەخشەر) لەوانەیە خانە بەرگرییە تووشبووەکان بە HIVی خانەخوێ (کەسی وەرگر) بکوژن.[١٦]

ژیانی دواتر

[دەستکاری]

لە مانگی تەممووزی ٢٠١٢، براون پێکھێنانی دامەزراوەی تیمۆسی ڕەی براونی لە واشنتۆن دی سی ڕاگەیاند، کە دامەزراوەیەکی تایبەتە بە بەرەنگاربوونەوەی ئایدز.[١٧][١٨]

لە مانگی ئەیلوولی ٢٠٢٠ براون ئاشکرای کرد ئەو شێرپەنجەی خوێنەی کە بووە ھۆی چارەسەرە مێژوویەکەی، لە ساڵی ٢٠١٩دا گەڕاوەتەوە و نەخۆشییەکەی کوشندە بووە. براون لە شاری پاڵم سپرینگز لە ویلایەتی کالیفۆرنیا چووەتە ژێر چاودێری نەخۆشخانە، کە دواتر لە ٢٩ی ئەیلوولی ٢٠٢٠ لەوێ کۆچی دوایی کرد[١٩] تەمەنی ٥٤ ساڵ بوو.

سەرچاوەکان

[دەستکاری]
  1. ^ ئ ا «Timothy Ray Brown, 'Berlin patient' cured of HIV infection, dies at 54». Washington Post. لە ٣٠ی ئەیلوولی ٢٠٢٠ ھێنراوە.
  2. ^ ئ ا Mary Engel (٢٠ی شوباتی ٢٠١٩). «Timothy Ray Brown: The accidental AIDS icon». Fred Hutch. لە ١٦ی تشرینی یەکەمی ٢٠١٨ لە ڕەسەنەکەوە ئەرشیڤ کراوە. لە ٤ی ئازاری ٢٠١٥ ھێنراوە.
  3. ^ Trudy Ring (٧ی ئەیلوولی ٢٠١٢). «Is Anyone Immune to HIV?». HIVPlusMag. لە ٩ی ئازاری ٢٠١٦ لە ڕەسەنەکەوە ئەرشیڤ کراوە. لە ٢٠ی کانوونی دووەمی ٢٠١٥ ھێنراوە.
  4. ^ ئ ا Timothy Ray Brown (١٢ی کانوونی دووەمی ٢٠١٥). «I am the Berlin patient: a personal reflection». AIDS Research and Human Retroviruses. ٣١ (1): ٢–٣. doi:١٠.١٠٨٩/aid.٢٠١٤.٠٢٢٤. PMC ٤٢٨٧١٠٨. PMID ٢٥٣٢٨٠٨٤.
  5. ^ ئ ا «berlin patient.pdf» (PDF). Dropbox. لە ٣٠ی ئەیلوولی ٢٠٢٠ لە ڕەسەنەکەوە ئەرشیڤ کراوە (PDF). لە ٨ی ئایاری ٢٠٢٠ ھێنراوە.
  6. ^ Roberts، Sam (٣٠ی ئەیلوولی ٢٠٢٠). «Timothy Ray Brown, First Patient Cured of H.I.V. , Dies at 54». The New York Times.
  7. ^ «HIV patient Timothy Brown is the boy who lived». L.A. Times. ٥ی حوزەیرانی ٢٠١١. لە ڕەسەنەکە لە ٢٢ی نیسانی ٢٠٢٠ ئەرشیڤ کراوە. لە ٣٠ی ئەیلوولی ٢٠٢٠ ھێنراوە.
  8. ^ «German HIV patient cured after stem cell transplant». Belfast Telegraph. ١٥ی کانوونی یەکەمی ٢٠١٠. لە ڕەسەنەکە لە ٢٢ی کانوونی یەکەمی ٢٠١٠ ئەرشیڤ کراوە. لە ١٥ی کانوونی یەکەمی ٢٠١٠ ھێنراوە.
  9. ^ «Bone marrow 'cures HIV patient'». BBC News. ١٣ی تشرینی دووەمی ٢٠٠٨. لە ڕەسەنەکە لە ٧ی کانوونی دووەمی ٢٠٠٩ ئەرشیڤ کراوە. لە ٢ی کانوونی دووەمی ٢٠٠٩ ھێنراوە.; Novembre، J؛ Galvani، AP؛ Slatkin، M (٢٠٠٥). «The Geographic Spread of the CCR5 Δ32 HIV-Resistance Allele». PLOS Biology. ٣ (11): e٣٣٩. doi:١٠.١٣٧١/journal.pbio.٠٠٣٠٣٣٩. PMC ١٢٥٥٧٤٠. PMID ١٦٢١٦٠٨٦. open access
  10. ^ Allers، K.؛ Hutter، G.؛ Hofmann، J.؛ Loddenkemper، C.؛ Rieger، K.؛ Thiel، E.؛ Schneider، T. (٢٠١٠). «Evidence for the cure of HIV infection by CCR5 32/ 32 stem cell transplantation». Blood. ١١٧ (10): ٢٧٩١–٢٧٩٩. doi:١٠.١١٨٢/blood-٢٠١٠-٠٩-٣٠٩٥٩١. PMID ٢١١٤٨٠٨٣.
  11. ^ «Web Exclusives: Transplanting Hope: Stem Cell Experiment Raises Eyebrows at CROI - by David Evans». لە ڕەسەنەکە لە ٢٦ی کانوونی دووەمی ٢٠١٦ ئەرشیڤ کراوە. لە ٢١ی کانوونی دووەمی ٢٠١٥ ھێنراوە.
  12. ^ Levy JA (٢٠٠٩). «Not an HIV Cure, but Encouraging New Directions». N Engl J Med. ٣٦٠ (7): ٧٢٤–٧٢٥. doi:١٠.١٠٥٦/NEJMe٠٨١٠٢٤٨. PMID ١٩٢١٣٦٨٧. لە ڕەسەنەکە لە ١٥ی شوباتی ٢٠٠٩ ئەرشیڤ کراوە. لە ٣١ی ئازاری ٢٠٠٩ ھێنراوە.
  13. ^ Lunzen، J.؛ Fehse، B.؛ Hauber، J. (٢٠١١). «Gene Therapy Strategies: Can We Eradicate HIV?». Current HIV/AIDS Reports. ٨ (2): ٧٨–٨٤. doi:١٠.١٠٠٧/s١١٩٠٤-٠١١-٠٠٧٣-٩. PMID ٢١٣٣١٥٣٦.
  14. ^ Davis، Nicola (٩ی ئازاری ٢٠٢٠). «Second person ever to be cleared of HIV reveals identity». The Guardian. لە ڕەسەنەکە لە ٩ی ئازاری ٢٠٢٠ ئەرشیڤ کراوە. لە ١٠ی ئازاری ٢٠٢٠ ھێنراوە.
  15. ^ Apoorva Mandavilli (٤ی ئازاری ٢٠١٩). «H.I.V. Is Reported Cured in a Second Patient, a Milestone in the Global AIDS Epidemic». The New York Times. لە ڕەسەنەکە لە ٢٤ی ئایاری ٢٠١٩ ئەرشیڤ کراوە. لە ٤ی ئازاری ٢٠١٩ ھێنراوە.
  16. ^ Clare Wilson (٦ی ئایاری ٢٠١٧). «Immune war with donor cells after transplant may wipe out HIV». New Scientist. لە ٨ی کانوونی یەکەمی ٢٠١٨ لە ڕەسەنەکەوە ئەرشیڤ کراوە. لە ٨ی ئایاری ٢٠١٧ ھێنراوە.
  17. ^ «Man "cured" of AIDS: Timothy Ray Brown». CBSNews. لە ١٢ی حوزەیرانی ٢٠١٨ لە ڕەسەنەکەوە ئەرشیڤ کراوە. لە ٢٠ی کانوونی دووەمی ٢٠١٥ ھێنراوە.
  18. ^ «Miraculous Activist». The Scientist Magazine®. لە ٩ی ئابی ٢٠٢٠ لە ڕەسەنەکەوە ئەرشیڤ کراوە. لە ٨ی ئایاری ٢٠٢٠ ھێنراوە.
  19. ^ Marilynn Marchione (٢٥ی ئەیلوولی ٢٠٢٠). «1st man cured of HIV infection now has terminal cancer». ABC News. لە ٣٠ی ئەیلوولی ٢٠٢٠ لە ڕەسەنەکەوە ئەرشیڤ کراوە. لە ٢٥ی ئەیلوولی ٢٠٢٠ ھێنراوە.; Mark S. King (٢٥ی ئەیلوولی ٢٠٢٠). «As Timothy Ray Brown faces death, a great love endures». لە ٢٥ی ئەیلوولی ٢٠٢٠ ھێنراوە.; «'The Berlin Patient': First person ever cured from HIV infection dies of cancer» (بە ئینگلیزیی ئۆسترالیایی). www.abc.net.au. ٣٠ی ئەیلوولی ٢٠٢٠. لە ٣٠ی ئەیلوولی ٢٠٢٠ لە ڕەسەنەکەوە ئەرشیڤ کراوە. لە ٣٠ی ئەیلوولی ٢٠٢٠ ھێنراوە.

بەستەرە دەرەکییەکان

[دەستکاری]
  • "من نەخۆشی بەرلینم: ڕەنگدانەوەی کەسی", تیمۆسی ڕەی براون (١ی ژانویەی ٢٠١٥); لەلایەن سەنتەری نیشتمانی بۆ زانیاری بایووەتەکنەلۆژیا، کتێبخانەی نیشتمانی پزیشکی ویلایەتە یەکگرتووەکانی ئەمریکا بڵاوکراوەتەوە.