جواو فێلیکس

جواو فێلیکس
بە پورتوگالی: João Félix
لەدایکبوون (١٩٩٩-١١-١٠) ١٠ی تشرینی دووەمی ١٩٩٩ (تەمەن ٢٥ ساڵ)
Viseu، پورتوگال
وڵاتی وەرزشپورتوگال
ناوی کاتی لەدایکبوونJoão Félix Sequeira
Second family name in Spanish nameSequeira
خوێندنەوەی ئای پی ئەیʒuˈɐ̃w ˈfɛliks
زمانی زگماکیزمانی پورتوگالی
زمانەکانی ئاخاوتنزمانی پورتوگالی، زمانی ئیسپانی
پیشەیاریزانی تۆپی پێ
شوێنی یاریکردن لە تیپھێرشبەر
دەستپێکی چالاکی٢٠١٦
ئەندامی تیپی وەرزشییانەی تۆپی پێی چێڵسی
وەرزشتۆپی پێ
ژمارەی یاریزان14
بەشداربووە لەجامی نەتەوەکانی ئەورووپای ٢٠٢٠، جامی جیھانیی فیفای ٢٠٢٢
خولخولی نایابی پورتوگاڵ، لا لیگا


جواو فیلێکس سیکوێرا (بە پورتوگالی؛ João Félix)یان فيلێکس(لە دایکبووی ١٠ی تشرینی دووەمی ساڵی ١٩٩٩)یاریزانێکی پیشەگەری تۆپی پێی پورتوگالییە، وەک یاریزانی ھێڵی ھێرشبەر یاری بۆ یانەی ئەتلەتیکۆ مەدرید لە خولی لالیگا و ھەڵبژاردەی تۆپی پێی پورتوگال دەکات.[١][٢]ھەروەھا دەتوانێ وەک یاریزانی باڵەکان یان ناوەڕاست یاری بکات. لە مانگی یەکی ساڵی ٢٠٢٣، بۆ وەرزی ٢٠٢٢–٢٠٢٣ فێلیکس بە خواستن پەیوەندی بە یانەی چێڵسی کرد لە خولی پرێمیەرلیگ.[٣] لەگەڵ ھەڵبژاردەی پورتوگال توانی نازناوی خولی نەتەوەکانی ئەورووپای ٢٠١٩ بەدەستبھێنێت.[٤]

پیشەی نێودەوڵەتی

[دەستکاری]

لاوان

[دەستکاری]

لە ١٤ی حوزەیرانی ٢٠١٧، فێلیکس بانگهێشتی هەڵبژاردەی خوار ١٨ ساڵی پورتوگال کرا بۆ یەکەمجار بەرامبەر نەرویژ یاریی کرد، لە خولێکی ٥٨ دا جێگەی ئێلڤس باڵدێی گرتەوە. لەم یارییە دۆستانەیەدا، فێلیکس گۆڵێکی تۆمارکرد . لە ١٠ی تشرینی یەکەمی ٢٠١٧، فێلیکس یەکەم یاری بۆ هەڵبژاردەی خوار ٢١ ساڵانی پورتوگال کرد بانگێشت کرا بۆ پاڵاوتنەکانی جامی نەتەوەکانی ئەورووپای ئەوروپای خوار ٢١ ساڵانی ٢٠١٩ ،لە خولەکی ٥٦دا جێگەی خاداسی گرتەوە. لەم یارییەدا پورتووگال بە ئەنجامی ٣-١ بەرامبەر بۆسنە و هەرزەگۆڤینا دۆڕا. [١] [٢]

لە ١٥ی ١ی ٢٠١٨، فێلیکس یەکەم یاریی خۆی بۆ هەڵبژاردەی خوار تەمەن ١٩ ساڵانی پورتوگال کرد، لەبەرامبەر هەڵبژاردەی تورکیا کە لە خولەکی ٢٧ هاتەناو یاريگا و پورتوگال بە ئەنجامی ٢-١ یارییەکەی بردەوە. لە ٢٣ی ئازاری ٢٠١٨، فێلیکس یەکەم گۆڵی نێودەوڵەتی خۆی لەگەڵ هەڵبژاردەی خوار ٢١ ساڵانی پورتوگال تۆمارکرد لە یارییەک بەرامبەر هەڵبژاردەی لیختنشتاین کە بە ئەنجامی ٧-٠ سەرکەوتنیان بەدەستهێنا. [٣][٥][٦]

لە ماوەی ژیانی وەرزشی لەگەڵ هەڵبژاردەکانی خوار ١٨ ساڵ و خوار ١٩ ساڵ و خوار ٢١ ساڵى پورتوگال ، ١٤ یاری ئەنجامدا و خاوەنی ٦ گۆڵە.[٧]

هەڵبژاردەی نیشتیمانی

[دەستکاری]

لە ١٥ی ئازاری ٢٠١٩، فێرناندۆ سانتۆسی ڕاهێنەر بۆ یەکەمجار فێلیکسی بانگهێشتی ھەڵبژاردەی تۆپی پێی پورتوگال کرد، ئەمەش پێش دەستپێکردنی یارییەکانی پاڵاوتنەکانی جامی نەتەوەکانی ئەوروپای ٢٠٢٠ . [٨] بەڵام بەهۆی برینداری بوونی قاچی لەکاتی مەشق و ڕاهێنانەکان، لە یارییەکەی پورتوگال بەرامبەر سربیا لە ٢٥ی ئازاردا بەشداری نەکرد. [٩]

هەروەها فێلیکس لە پێکهاتەی هەڵبژاردەکەی بوو بۆ یاریی کۆتاییی خولی نەتەوەکانی ئەورووپا بۆ ساڵی ٢٠١٩ . [١٠] یەکەم یاری نێودەوڵەتی خۆی بۆ هەڵبژاردەی ھەڵبژاردەی تۆپی پێی پورتوگاللە ٥ی حوزەیران بەرامبەر سویسرا لە قۆناغی پێش کۆتایی خولی نەتەوەکانی ئەورووپای ٢٠١٩ئەنجامدا [١١] دوای چوار ڕۆژ، پورتوگال لە یاری کۆتاییی پاڵەوانێتییەکەدا بە ئەنجامی 1-0 لە هۆڵەندای بردەوە. یەکەم نازناوی لەگەڵ هەڵبژاردەکەی بەدەستهێنا.[١٢] یەکەم گۆڵی نێودەوڵەتی خۆی لە ٥ی ئەیلولی ٢٠٢٠ لە خوولی نەتەوەکانی ئەورووپای ٢٠٢٠-٢١ بەرامبەر هەڵبژاردەی کرواتیا تۆمارکرد. [١٣] هەروەها بەشداری جامی نەتەوەکانی ئەورووپای ٢٠٢٠ کرد.[١٤]

لە تشرینی یەکەمی٢٠٢٢ ناوی لە پێکهاتەی سەرەتایی ٥٥ یاریزانی پورتوگال بۆ جامی جیهانیی فیفای ٢٠٢٢ لە قەتەر بوو،[١٥]پاشان وەک یەکێک لەو ٢٦ یاریزانەی بەشداری جامی جیهانی فیفای ٢٠٢٠ دەکەن تۆمارکرا.[١٦] لە ٢٥ی تشرینی دووەم، فێلیکس یەکەم گۆڵی خۆی لە جامی جیهانیدا، بەرامبەر هەڵبژاردەی گانا تۆمارکرد کە پورتوگال بە ئەنجامی ٢-٣ یارییەکەی بردەوە . [١٧] لە ٦ی کانوونی دووەمدا، هەروەها دوو ئەسیستی لە یارییەکەی پورتوگالدا لە قۆناغی ١٦ بەرامبەر بە سویس تۆمارکرد، کە پورتوگال بە ئەنجامی ٦-١ یارییەکەی بردەوە.[١٨] لە قۆناغی چارەکی کۆتاییدا دوای ئەوەی بە ئەنجامی ١-٠ بە مەغریب دۆڕا، هەڵبژاردەی پورتوگال ماڵئاوای کرد و هەڵبژاردەی مەغریب بووە یەکەم وڵاتی کیشوەری ئەفریقا و یەکەم ولاتی عەرەبی کە تا ئێستا بگاتە قۆناغی پێش کۆتایی جامی جیهانی فیفا.[١٩] [٢٠]

منداڵیەتی جواو فیلێکس

[دەستکاری]

جواو فیلێکس یەکەمین منداڵ بوو لە دایک و باوکی کارلا فیلیکس و کارلۆس فیلیکس. کە دایک و باوکی پیشەیان مامۆستایەتی بوو. هەر دووکیان خەڵکی پورتوگالن کە لە شاری ڤیسیوی پورتوگال دەژیان، فیلێکس هەر لەوێ لەگەڵ برا بچووکەکەی بە ناوی هوگۆ فیلێکس گەورە بوون. لە ساڵی ٢٠٠٧ دا لە تەمەنی ٨ ساڵان پەیوەندی بە یانەی ئێف سی پۆرتۆ کرد وە بۆ ماوەی ٥ ساڵ لە ئەکامیدیای ئێف سی پۆڕتۆ مەشقی کرد وە لە یانەی پۆڕتۆ بوو بە کاپتن.[٢١]

سەرچاوەکان

[دەستکاری]
  1. ^ ئ ا «João Félix Stats, Goals, Records, Assists, Cups and more». FBref.com (بە ئینگلیزی). لە ٣٠ی ئابی ٢٠٢٣ ھێنراوە.
  2. ^ ئ ا «João Félix - Player profile 23/24» (بە ئینگلیزی). لە ٣٠ی ئابی ٢٠٢٣ ھێنراوە.
  3. ^ ئ ا «Chelsea transfer news: Joao Felix recruited on loan». www.chelseafc.com (بە ئینگلیزیی بریتانیایی). لە ٣٠ی ئابی ٢٠٢٣ ھێنراوە.
  4. ^ «Portugal name Cristiano Ronaldo and Joao Felix in Nations League squad». Sky Sports (بە ئینگلیزی). لە ٣٠ی ئابی ٢٠٢٣ ھێنراوە.
  5. ^ «Play-offs 1st leg». UEFA. ١٦ی تشرینی دووەمی ٢٠١٨. لە ٣ی ئەیلوولی ٢٠١٩ ھێنراوە.
  6. ^ «Play-offs 2nd leg». UEFA. ٢٠ی تشرینی دووەمی ٢٠١٨. لە ٣ی ئەیلوولی ٢٠١٩ ھێنراوە.
  7. ^ «João Félix». FPF (بە European Portuguese). لە ٣٠ی ئابی ٢٠٢٣ ھێنراوە.
  8. ^ «Eagles called up to the national team». S.L. Benfica. ١٥ی ئازاری ٢٠١٩. لە ٥ی تەممووزی ٢٠١٩ ھێنراوە.
  9. ^ Barbosa، Nuno (٢٥ی ئازاری ٢٠١٩). «UEFA deixa lesionado João Félix de fora do Portugal–Sérvia» [UEFA leaves injured João Félix out of Portugal–Serbia]. Jornal de Notícias (بە پورتوگالی). لە ٥ی تەممووزی ٢٠١٩ ھێنراوە.
  10. ^ «Portugal name Cristiano Ronaldo and João Félix in Nations League squad». Sky Sports. ٢٤ی ئایاری ٢٠١٩. لە ٢٧ی ئایاری ٢٠١٩ ھێنراوە.
  11. ^ «Joao Felix is rated at £106m but he struggled on his Portugal debut». Sky Sports. ٦ی حوزەیرانی ٢٠١٩. لە ٦ی حوزەیرانی ٢٠١٩ ھێنراوە.
  12. ^ Law، Matt (٥ی تەممووزی ٢٠١٩). «Result: Goncalo Guedes scores winner as Portugal land UEFA Nations League title». Sports Mole. لە ٩ی حوزەیرانی ٢٠١٩ ھێنراوە.
  13. ^ «Portugal 4–1 Croatia: Holders ease to emphatic victory». UEFA. ٥ی ئەیلوولی ٢٠٢٠. لە ٦ی ئەیلوولی ٢٠٢٠ ھێنراوە.
  14. ^ «Portugal Euro 2020 squad update: full team preview». FourFourTwo. ١٣ی حوزەیرانی ٢٠٢١. لە ٣١ی ئابی ٢٠٢١ ھێنراوە.
  15. ^ Thanveer، Dakir Mohammed (٢٥ی تشرینی یەکەمی ٢٠٢٢). «Portugal reportedly name provisional 55-man squad for 2022 FIFA World Cup; Liverpool star receives surprise call up». Sportskeeda. لە ٩ی تشرینی دووەمی ٢٠٢٢ ھێنراوە.
  16. ^ «Os 26 convocados de Portugal: Gonçalo Ramos, António Silva, Otávio e Matheus Nunes chamados» [Portugal select 26: Gonçalo Ramos, António Silva, Otávio and Matheus Nunes called] (بە پورتوگالی). SAPO. ١٠ی تشرینی دووەمی ٢٠٢٢. لە ١٠ی تشرینی دووەمی ٢٠٢٢ ھێنراوە.
  17. ^ Garcia، Adriana (٢٤ی تشرینی دووەمی ٢٠٢٢). «Portugal's Cristiano Ronaldo becomes first male player to score in 5 World Cups». ESPN. لە ٢٤ی تشرینی دووەمی ٢٠٢٢ ھێنراوە.
  18. ^ «Portugal 6–1 Switzerland». FIFA. لە ٦ی کانوونی یەکەمی ٢٠٢٢ ھێنراوە.
  19. ^ «Morocco 1-0 Portugal: World Cup 2022 quarter-final – as it happened». The Guardian. ١٠ی کانوونی یەکەمی ٢٠٢٢. لە ١١ی کانوونی یەکەمی ٢٠٢٢ ھێنراوە.
  20. ^ «Ronaldo equals men's international appearance record». FIFA.com. لە ١٧ی کانوونی یەکەمی ٢٠٢٢ ھێنراوە.
  21. ^ Hendrix، Hale (٥ی تەممووزی ٢٠٢٤). «A Golden Boy's Rise: Joao Félix's Story from Rejection to Stardom». Football Biography (بە ئینگلیزیی ئەمەریکایی). لە ٢ی ئەیلوولی ٢٠٢٤ ھێنراوە.