جەنگاوەرەکان (ئەڵقەی ئەڤەتار: دوایین ملکەچپێکەری ھەوا)
| "جەنگاوەرەکان" | |
|---|---|
| ئەڵقەی ئەڤەتار: دوایین ملکەچپێکەری ھەوا | |
| ژمارەی ئەڵقە(کان) | وەرزی ١ ئەڵقەی ٢ |
| دەرھێنراوە لەلایەن | مایکڵ گۆی |
| نووسراوە لەلایەن | جۆشوا ھێڵ فیاڵکۆڤ |
| مۆسیقای ھەڵبژێردراو | تاکیشی فوروکاوا |
| وێنەگرتنی سینەمایی لەلایەن | مایکڵ گۆی |
| دەستکاریکردن لەلایەن | وێندی زێنگ |
| کاتی بڵاوبوونەوەی ڕەسەن | ٢٢ی شوباتی ٢٠٢٤ |
| کات | ٤٨ خولەک |
"جەنگاوەرەکان" ئەڵقەی دووەمی زنجیرەی تەلەڤیزیۆنیی تۆڕی نێتفلیکسە، ئەڤەتار: دوایین ملکەچپێکەری ھەوا، کە لەسەر زنجیرە ئەنیمەیشنییە ڕەسەنەکەی (٢٠٠٥–٢٠٠٨) دروست کراوەتەوە. ئەڵقەکە سەرنجی لەسەر کارەکتەری سەرەکی، ئانگە (گۆردن کۆرمەر)، دواھەمین ملکەچپێکەری ھەوا، لە گەشتەکەیدا بۆ ھێنانەدی ھاوسەنگی بۆ جیھانێکی پەرتەوەزا بە شارەزابوون لە ھەر چوار توخمەکە سەرەکییەکە: ھەوا، ئاو، زەوی و ئاگر. لە ھەوڵەکانیدا ھاوڕێکانی کاتارا (گیاوێندیۆ) و سۆکا (ئیان ئۆسلی) لەگەڵیدا دەبن و لەلایەن شازادەی نەتەوەی ئاگر، زوکۆ (داڵاس لیو) ململانێ دەکەن. ئەڵقەکە لەلایەن جۆشوا ھێڵ فیاڵکۆڤەوە نووسراوە و لەلایەن مایکڵ گۆی دەرھێنانی بۆ کراوە.[١][٢]
ئەڵقەکە وەک تەواوکەری وەرزی یەکەمی زنجیرە ڕەسەنەکەی وەرگێڕدراوە، ئەم ئەڵقەیە بە تایبەتی لەسەر ئەڵقەکانی «پەرستگای ھەوای باشوور» و «جەنگاوەرانی کیۆشی» دروست کراوەتەوە. لە ئەڵقەکەدا ئانگ و ھاوڕێکانی گەشت دەکەن بۆ دوورگەی کیۆشی بۆ ئەوەی زیاتر دەربارەی ژیانی ڕابردووی ئانگ بزانن کە ئەویش ئەڤەتار کیۆشییە. لەوێ تیمەکە ئاشنای جەنگاوەرانی کیۆشی،[٣] سوکی (ماریا ژانگ) دەبن، و ئانگ بۆ یەکەمجار پەیوەندی لەگەڵ ئەڤەتار کیۆشی دەبەستێت. ھەروەھا لە ئەڵقەکەدا ئەکتەر کێن لیونگ وەک ڕۆڵی فەرماندە ژاو، ڕکابەری زوکۆ دەناسێنرێت. ئەڵقەکە لە ٢٢ی شوباتی ٢٠٢٤ لە نێتفلیکس بڵاوکرایەوە، لەگەڵ ئەڵقەکانی تری وەرزی یەکەمی زنجیرەکەدا.[٤] ئەڵقەکە پێداچوونەوە و سەرنجی تێکەڵاوی وەرگرت لەگەڵ ستایشکردن بۆ دەرھێنان و نمایشەکان بەڵام ھەندێک ڕەخنەی لێگیرا بۆ نووسینی ناوەڕۆکەکەی.[٥]
سەرچاوەکان
[دەستکاری]- ^ «Avatar: The Last Airbender (2024) season 1 Warriors». www.metacritic.com (بە ئینگلیزی). لە ١٣ی ئازاری ٢٠٢٤ ھێنراوە.
- ^ «Avatar: The Last Airbender (2024) - Warriors - TheTVDB.com». thetvdb.com. لە ١٣ی ئازاری ٢٠٢٤ ھێنراوە.
- ^ «Kyoshi Warriors». Avatar Wiki (بە ئینگلیزی). لە ١٣ی ئازاری ٢٠٢٤ ھێنراوە.
- ^ «Warriors». Avatar Wiki (بە ئینگلیزی). لە ١٣ی ئازاری ٢٠٢٤ ھێنراوە.
- ^ "Avatar: The Last Airbender" Warriors (TV Episode 2024) ⭐ 7.9 | Action, Adventure, Comedy (بە ئینگلیزیی ئەمەریکایی)، لە 2024-03-13 ھێنراوە
